笑到停唔到！張敬軒、當奴神還原「泰國巴士哥」事件，兩人完全忍唔到笑NG：「笑到腹肌痛」

近日網上流傳一段「你有乜問題？」巴士車長大戰「泰國巴士哥」嘅車Cam片，唔少網民睇完都覺得呢段對話無厘頭得嚟又幾搞笑！一向鐘意二次創作嘅張敬軒同當奴勁快手咁神原「你有乜問題？」事件，笑到成班Fans痴線！一齊嚟睇吓呢兩個痴線佬嘅作品先！

原本嗰條「你有乜問題？」就係有一個身穿綠色上衣、自稱泰國人嘅男乘客，怒氣沖沖敲打司機位旁邊嘅透明擋風屏，一開波就問司機：「你有乜問題呀？」巴士司機即刻「黑人問號」問返佢：「咩乜問題呀？我有咩問題」

但係「泰國巴士哥」就狂Loop「冇嘢」、「一個人呀一個人」、「我話比你聽⋯⋯我冇問題」、「我 泰國人，我唔驚你」兩人之間嘅妙問妙答無厘頭得嚟又好搞笑，張敬軒同當奴好快就拍咗段片，片入面嘅右下角仲扮返巴士車Cam，真係超用心！片入面張敬軒飾演超有耐性嘅貨Van司機，準備熄匙之際，當奴飾演嘅「泰國巴士哥」就無啦啦上車敲兩下再問：「你有咩問題呀？」

當張敬軒問佢：「咩我有咩問題呀？」當奴又答佢：「我都唔知」

之後又不斷Loop呢段對話，最搞笑係當奴扮「泰國巴士哥」嘅時候，真係有跟足「泰國巴士哥」一邊趙香口膠，一邊講嘢嗰個神絮！！

而張敬軒都有扮返巴士司機冷靜地拎枝水出嚟飲呢個動作！

不過張敬軒忍唔到笑呢下就比觀眾發現咗！！仲有觀眾留言問：「係咪因為NG得太多Take揀唔到要焗住用呢個鏡頭！」

喺當奴落車嗰陣，張敬軒仲要同當奴講：「沙嘩啲CUP」你啊！

噚晚張敬軒就再PO埋NG片，一開波佢地兩個對望嗰吓已經忍唔住笑！

然後張敬軒嘅「魔性笑聲」好搞笑，強烈建議大家一定要睇呢段NG片～～

今次呢條抽水片真係令到唔少網民話「笑到失控」、「睇幾多次都仲係咁好笑」未睇嘅快啲去睇吓啦～～～

Text：Girls Style Editorial

Photo Source：張敬軒YouTube、HKGN Local