被叫退出劇組？《愛回家》池美麗遭網民海量負評，發文訴心聲：「是否我的出現真的拉低了劇集質素？」
《愛回家之開心速遞》相信已成了大家心中高質的處境劇之一，最近劇情的進展就安排了池美麗（鍾凱琪飾）及安仔（周嘉洛飾）成為一對，不過看來觀眾就唔多受落，反應相當熱烈！有人支持同時也有人反對，有部分網民認為兩人成一對畫面嘔心，決定棄劇，令到「池美麗」連日來遭受網民們惡意負評！有見及此，「池美麗」也在個人社交平台分享自己的感受：「是否我的出現真的拉低了劇集質素？」
鍾凱琪（飾池美麗）首先感謝各方媒體的報道，經劇集的播出後，連自己也沒想過會引起大家如此大的迴響。也想不到連東張西望也有提及到此事！不過收到各方面支持的同時，也讓她看到海量般負面的評論：「坦白講真係有啲唔開心。( 我都算係平常人，正常人畀人話嘔心，點都會有失落。)。 有諗過唔回應， 等事情過去。但三思後，我還是希望同大家分享自己嘅小感覺。因為每一個願意追隨我ig嘅都係我最好嘅夥伴。」
面對負評時，鍾凱琪（飾池美麗）不斷作出反思：「是否我做得唔夠好？」、「 是否我的出現真的拉低了劇集嘅質素？」而對於有網民叫她退出劇組，或有網民因她的出現而可能選擇棄劇，自己也感到相當不好受！
「我記得我都曾經多次提及，我冇能力令全世界人都喜歡我。但係只要有一個人願意留意我。我都好樂意為嗰個人付出同努力。」鍾凱琪（飾池美麗）更表示自己哭過、痛過、悲傷過後都總要面對現實，更勉勵自己是香港精神， 面對困難絕不可以逃避，不能逃避就只能勇往直前。
「我會同你哋賦予俾我嘅名字一樣"遲 美麗"。」最後鍾凱琪（飾池美麗）亦有感謝劇組一直以來給予的機會，更向大家承諾自己一定會逐少逐少進步，不會令大家失望。
「最後樂觀嚟看，如果大家繼續如此討厭禾下去，到年尾我是否有資格競逐" 最厭惡角色演繹大獎"? 可能對於很多人來說，池美麗係一個電視上唔討好嘅角色。但係對於我本人嚟講。佢係我人生一轉列點，佢令到大家認識我。 佢實現了我多年嘅夢想。 也許佢嘅行為喺世人眼中有點兒偏差。但係佢對於我嚟講都係獨一無二嘅存在。」
雖然網民就未必支持安仔、池美麗成為一對，不過「池美麗」也只是努力把最好的演出呈現出來給大家看，網民們看到「池美麗」的心聲，都馬上留言力撐：「其實你做得好好架，觀眾們太入戲，加油」、「只係角色上發展唔太討好，唔係針對你個人」、「加油加油！希望大家不要戴有色眼鏡睇戲」
Text: GirlStyle editorial
Photo Source: Instagram@yukimi_chung
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
