再挑戰觀眾底線！池美麗X金城安鴛鴦戲水，網民：安仔演藝生涯最黑暗既20秒！

《愛回家之開心速遞》的安仔、Bonnie感情線近日殺出個情敵池美麗，令到唔少觀眾都替Bonnie感到無比憂心！今集安仔同美麗嘅身份更進一步，成為女朋友最驚嘅「契兄妹」關係！最後Bonnie更加被佢地激到喊住走！

之前安仔同美麗因為一齊經歷過患難，成功獲救之後安仔對於美麗嘅態度唔同哂！Bonnie開頭都以為安仔著重外表，一定唔會愛上美麗！

點知Bonnie發覺美麗嘅心計非常重，經常專登阻撓佢同金城安嘅戀情，令到Bonnie對安仔信心動搖！

美麗被稱為「最強第三者」，仲入埋安仔間房幫佢洗腳按摩成粒鐘！經過熊尚善觀察後，連佢都覺得美麗勁攻心計！

安仔激嬲Bonnie之後，美麗叫安仔唔好即刻打比Bonnie，仲買咗枝由美麗挑選嘅唇膏俾Bonnie，甚至專登同Bonnie講「同安仔行咗3個鐘街先揀到呢枝唇膏」，睇到呢度已經覺得美麗心計超重！！

熊尚善識穿美麗之後，美麗勁直接咁話自己想追安仔，覺得安仔值得有一個更加愛佢嘅人！

甚至連熊尚善都被美麗說服咗，幫美麗圓謊、助攻！

Bonnie諗諗下就建議安仔同美麗上契，咁佢地永遠都只會係契兄妹關係，唔可以越界！喺安仔同美麗上契之後，Bonnie覺得美麗安份守己咗好多，仲同佢做埋好朋友！

但係呢套電影《契哥契妹契戀人》又令到Bonnie覺得好擔心，覺得佢地嘅關係會越嚟越親密！

Bonnie仲幻想美麗同安仔上演鴛鴦戲水一幕！呢一幕簡直係衝擊觀眾視覺，唔少觀眾表示睇到眼都突埋！網民仲話：「安仔實係得罪咗編劇」、「安仔演藝生涯最黑暗既20秒」

呢一幕真係好搞笑，又有邊個觀眾估到編劇痴咗線安排安仔同美麗上演出浴劇情！！Btw 安仔一身肌肉真係幾正！！

Text：GirlStyle Editorial

Photo Source：TVB