61歲仲超有少女心！Dodo姐追BTS追到去英國溫布萊球場，網民：好少可去到do姐呢個年紀都仲咁young！

紅遍全球嘅BTS開展世界巡迴演唱會，最近開到去英國倫敦溫布萊球場，全場坐滿12萬Army！不過最令人佩服嘅係，年屆61歲嘅Dodo姐都有去到現場睇BTS嘅演唱會，追星追到去英國，仲影埋認證照，唔少網民都表示：「好少可去到do姐呢個年紀都仲咁young」！

如果話Dodo姐係全港最出名嘅Army，相信大家都唔會有異議！Dodo姐一向都係BTS嘅忠粉，今次仲專程飛去英國睇佢地嘅演唱會！仲出咗IG Post：「第一次來到溫布萊球場，第二次看BTS的演唱會」

喺英國溫布萊球場舉辦演唱會，對於BTS嚟講絕對係一個「創造歷史」嘅演出！因為BTS係首組非英語系嘅歌手踏足呢個世界舞台，成為Kpop史上第一組，印證組合喺全球嘅地位！溫布萊球場係全歐洲第二大嘅球場，開幕以嚟只有好似Michael Jackson、Madonna等等嘅殿堂級歌手先可以登上呢個舞台，難怪Dodo姐都要專登飛去睇！

唔少網民見到Dodo姐又飛去睇BTS演唱會，都留言大讚Dodo姐「好少可去到do姐呢個年紀都仲咁young」、「Do姐感覺個人好開通 ，keep住認識新事物唔會同時代脫節，
其實佢都唔後生，但俾人感覺好young」、「有冇人都覺得do姐好型，做自己 真正既有性格」

Dodo姐仲要有齊演唱會三寶！

其實Dodo姐絕對唔係欣賞BTS咁簡單，Dodo姐係真心了解呢隊組合，絕對係真・Army無誤！之前收到BTS嘅產品仲會喺Instagram做Unboxing，同其他Army開心Share！Dodo姐仲要勁了解BTS每一個成員，連佢地作過咩歌、有咩優點都清楚知道！

View this post on Instagram

A post shared by 鄭裕玲 Do Do Cheng (@do_do_cheng) on Apr 17, 2019 at 2:31am PDT

當中Dodo姐最愛嘅成員就係「泰泰」（即係「V」），Dodo姐甚至大讚：「呢個世界上唔洗執相嘅男仔好少有！」嚟形容「泰泰」～～

唔少網民仲問：「今次有冇帶埋陸永個女去睇！」

真係好欣賞Dodo姐心境年輕、願意接受新事物嘅心態！

Text：GirlStyle Editorial

Photo Source：Instagram、Internet