佢真係唔識㗎喎！「攝影大師」陸永幫Do姐影相Out哂Fo，陸永影相影出「濛朧美」激死Do姐！

出門去旅行，最好就係有一個識得影相嘅旅伴，為旅程留下美好嘅回憶就係最Perfect啦！Do姐近日同農夫去到倫敦等地拍攝《Do姐晚間看地球》，Do姐本身想向「攝影大師」陸永請教攝影技巧，點知陸永影出嚟嘅相令Do姐忍唔住話：「此種攝影方式相當難掌握，本人正在努力學習中！」

難得去旅行就梗係想影到靚相，攝影技術有限嘅Do姐為咗影多啲靚相同大家分享，就向有學過攝影嘅陸永學習，並得到陸永嘅指點，Do姐仲大讚「陸大師也悉心教導，循循善誘」～

但係睇完「陸大師」嘅作品之後，Do姐忍唔住話：「原來我呢世人都唔識影相！」原來係因為陸永幫Do姐影嘅相Out-Fo，將Focus放咗喺條橋度，而Do姐就成個人濛哂，睇到張相真係笑死！！Do姐仲話：「此種攝影方式相當難掌握，本人正在努力學習中！
在此多謝陸大師賜教！」

雖然陸永解譯話其實係Do姐不斷話要「影條橋」所以先會Focus喺條橋度：「言重了，失禮失禮。作為攝影家，聽從被拍者嘅意見有時都幾重要，當你猛話幫我影條橋，影條橋，呢張相就自然而生了。」

但係之前有同佢地合作過嘅黃翠如都忍唔住留言笑：「好叻」、Ali就話「朦朧美」⋯⋯相信任何一個女仔見到呢張相都會比佢激到嘔血呀！！

第二日Do姐又再出Po笑陸永：「醉心於攝影藝術，暫時未有得到認同（包括佢老婆）是痛苦的！但陸大師，繼續堅持你的個人風格，我支持你！」相入面見到陸永好孤獨、一臉認真地影緊相，所以Do姐又Tag咗「孤獨的攝影家」，唔知點解覺得而家Do姐講嘢都有種「農夫味」！

陸永作為Do姐忠實Fans，都有留言話：「如果有機會，出返少少我影得唔錯嘅，如果有嘅話。。。當係可憐又好，當俾返少少尊嚴呢位藝術家又好」不過就有網民話：「可能真係冇呢」、「你唔好難為Do姐啦」

陸永係舊年為咗慶祝老婆，專登買咗部相機同埋報咗個攝影課程，幫靚靚老婆同兩個囡囡影相！今年大女Hannah生日時，因為陸永揸住部相機影足全場，仲比人問而家係咪好鐘意影相，佢答「我只可以話能力越大，責任越大」！

作為女仔，睇完陸永嘅相真係覺得佢要再多啲練習呀！如果比著其他男朋友影啲咁嘅相，女朋友可能已經發咗脾氣了（笑）～～

Text：GirlStyle Editorial

Photo Source：Instagram