澤囝一雪前恥!黃宗澤再演繹《K歌之王》獲網民大讚,網:「香港樂壇欠黃宗澤一個交代!」

澤囝一雪前恥!黃宗澤再演繹《K歌之王》獲網民大讚,網:「香港樂壇欠黃宗澤一個交代!」

Trendy 人氣熱話
ByCynthiaon11 Jul 2019Digital Editor

唔少網民一講起黃宗澤就會諗起佢唱《K歌之王》嘅歌聲,原來不經不覺已經10年!黃宗澤俾網民恥笑足10年,估唔到佢竟然重返樂壇,第一隻歌就係改編《K歌之王》嘅《發夢之王》,道出10年以來追逐唱歌之夢嘅經歷!估唔到隻歌推出之後,網民都大讚澤囝功大有進步!

螢幕快照 2019-07-11 下午6.39.38

2009年嘅勁歌金曲頒獎禮,黃宗澤被選中同陳奕迅Eason合唱《K歌之王》,多次走音而被網民瘋狂恥笑!今次Bosco派發全新改編單曲《發夢之王》,歌詞講述佢追夢心境歷程,自抽之餘亦不忘帶出重點,希望大家唔好忘記自己嘅夢想!

螢幕快照 2019-07-11 下午6.39.54

歌詞幾乎每一句都係自嘲自己唱歌難聽:「觀眾叫澤仔聲帶切除 盡快處理」、「人人亦知我 低兩個KEY似足講對白」、「人人亦知我 聲線太差唱腔不夠滑」,而小編覺得最感人嘅就係最後一句:「我咁都肯唱現場 你話我傻 誰試過挑戰自己都明白 傻嘅唔係我

螢幕快照 2019-07-11 下午6.16.52

MV入面以瘋人院為背景,而澤囝就係「發夢歌神」,因為一次演唱失手而被網民欺凌踐踏夢想,裡面仲講述社會上唔同領域嘅追夢者,點樣受盡他人嘅冷嘲熱諷,但仍然堅持理想,以「眾人恥笑,我續追」嘅精神成功追夢!

螢幕快照 2019-07-11 下午6.39.16

不過唔少網民睇完呢個MV之後,都覺得澤囝嘅唱功已經比之前好咗好多!而且呢個MV非常有意義,唔少藝人都喺Bosco IG下面留言支持佢!例如最近一齊合作嘅Kenny關智斌:「唔係笑片嚟嘅?點解會睇到touching 到想喊㗎! good job 波波」,翠如、Joey同埋欣宜都有留言讚澤囝~

螢幕快照 2019-07-11 下午6.44.21

雖然呢一隻只係澤囝為咗廣告而推出嘅單曲,但係佢亦都好認真地喺唔少串流平台上架!唔少網民聽完都搞笑地表示:「香港樂壇有救啦!」、「香港樂壇真係欠澤囝一個交代

✨因腳傷只靠上半身演戲!黃宗澤腳傷要坐著扮急步行笑翻網民,自己都爆笑:我真係唔識演!

✨黃宗澤易服成癮?Cosplay粉紅俏護士、低胸火辣女警Look,Bob頭短髮造型被網民笑指似毛舜筠!

✨黃宗澤扮女人?嘟嘴想錫苗橋偉被拒!被稱為最冇偶像包袱男神~

Text:GirlStyle Editorial

Photo Source:YouTube、Bosco INS

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girlstyle@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girlstyle.mag


Share to Facebook