藤條、餐具刀、高跟鞋豆零踭使唔使拉呢?良心港星齊聲援浸大生,棠哥:「建議所有空手道黑帶全部自首!」

藤條、餐具刀、高跟鞋豆零踭使唔使拉呢?良心港星齊聲援浸大生,棠哥:「建議所有空手道黑帶全部自首!」

Trendy 人氣熱話
BySammi on 08 Aug 2019 Senior Editor

6/8日浸大學生會會長方仲賢去了深水埗鴨寮街購入了10支觀星筆(又稱雷射筆),被警方指為藏有攻擊性武器而即時拘捕他,事件馬上引來全港迴響,直指警方拘捕不合情理,惹來各界不滿!港星王喜、歐錦棠、鍾舒漫杜汶澤、何韻詩等人亦有在社交平台發聲力撐大學生!

曾任職警察的王喜在近日發生的反逃犯修例事件中,亦經常關心時事狀況,對於有大學生因買了觀星筆而並沒有作出任何攻擊行為都被拘捕亦大為感到不滿!

sssartist0020

更在Facebook 發文憤怒稱:

「如果呢款觀星筆係攻擊性武器,
咁你應該拉哂販賣攻擊性武器
嘅舖頭先啱喎,係咪?
不如,全港搜屋,拉哂全港持有
呢種觀星筆嘅人吖,好冇?

係呢,賣藤條果d舖頭同買入
持有藤條果d人又使唔使拉呢?」

sssartist0018

有空手道黑帶的歐錦棠同樣非常關心社會動向,得知有大學生被捕都發文暗寸:「建議所有空手道黑帶全部自首。黑帶係人間凶器。」

sssartist0017

sssartist0014

有不少網民都留言回應:「去街市買個榴槤,咪隨時比差人告有攻擊性武器?」、「棠哥,我屋企都有兩把 lightsaber」,棠哥也有回應稱:「邊有咁笨7周圍話畀人知你有架生㗎?快啲掉咗佢啦」

有網民更大讚棠哥敢言:「感謝你作為少數藝人願意講人話。本身因為香港嘅狀況真係好憂慮同好唔開心,但係見到你會識得嬉笑怒罵,令到我覺得其實絕望中,都還有歡笑」,棠哥也即時鼓勵對方:「 我也感到焦慮、憤怒、無助,但我們不能讓這些負面情緒拖垮自己。能夠自嘲,或者以幽默去諷刺這個荒謬世代,就是我們對抗亂局的強大武器。不要灰心,只要前行」

sssartist0026

歐錦棠亦有細心一一全看網民的留言,更總結稱:「睇咗咁多位朋友留言都話好憂慮,搞到我都好唔安樂,師傅,為咗我嘅幸福着想,我求你搣我柴啦。」但有網民斥:「你咁唔安樂你咪唔好講嘢囉!」。向來有幽默感的歐錦棠都懶理,只用一圖作回應。

廣告
廣告

sssartist0015

sssartist0016

另外歌手鍾舒漫亦有為事件發聲,更在IG story出post暗諷:「我有帶指甲鉗同原子筆習慣,我開始...有d擔心!」

sssartist0011

更指屋企藏大量餐具刀,問粉絲們:「點算?」

sssartist0013

更幽默表示自己穿的高跟鞋都可能有危險!

sssartist0012

杜汶澤也有發文指:「買雷射筆都比你屈倒?咁你老豆都變鬼念啦!」

sssartist0027

向來何韻詩也怒稱:「其實鑊鏟啊煎pan都可以成為攻擊性武器㗎,我攞條鹹魚都可以哼你個頭㗎,咁不如禁埋全港九新界師奶去街市買嘢啦。
18cm嘅雷射筆就叫槍,咁50cm嘅咪已經係炮?」

sssartist0028

Text: GirlStyle editorial

Photo Source: Facebook@歐錦棠、王喜、鍾舒漫、黎瑞恩、杜汶澤、何韻詩

【誠徵Bloggers!】想分享你的美容、時尚、感情和生活日常,請將投稿連同不多於100字個人簡介和近照一張,電郵到: girlstyle@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: girlstyle.mag


Share to Facebook