開放讓市民向政府、警方提問！商台903全日改播特備節目「903個個為什麼？」

反修例示威活動由六月至今愈趨激烈，昨日（8月11日）本港多區爆發激烈衝突，防暴警多次發射催淚彈，更有女示威者被射爆眼球！相信很多市民都難受心痛得徹夜難眠，而商台903決定暫停全日原定節目，改為開放大氣電波讓市民提問發聲！

DJ當奴也於IG表示：「因應社會狀況，#叱咤903 今日 (8月12日) 由上午十點至今晚深夜兩點所有節目將會改為播放特備節目「還我們公義 903個個為什麼？」，主持人會配合歌曲不停向警方與政府作出提問，歡迎聽眾一同參與一同發問，主持人會代大家發聲。」

森美、小儀等主持的早晨節目《早霸王》，也於Facebook主頁發文：「香港變成咁，相信廣大香港市民，都有唔少問題想問政府，想問警方，歡迎喺下面留言，我哋會喺大氣電波發問同討論。」

節目內森美第一個問題就是問警方：「暴力對待示威者能否解決香港社會問題？」

《早霸王》Facebook的帖文下也有很多留言：

「如果警察真切愛香港愛市民，點解要headshot
連一份良知人性情緒控制都無，仲適合做警察？」

「想問佢地點解會不斷接受過份任務， 混入公安合作不覺得自我矮化 唔覺得羞恥 在這話雖然呢個係你哋嘅職務 但大丈夫有所為有所不為，你每次都訓身去打落市民身上你自問有留過力嗎? 」

「為普通香港市民，對現況充滿了無力感，我地可以做啲乜？
好無助，好悲哀
大哥可唔可以教下我」

「我只係想問一點：究竟政府要去到咩地步先肯停止。是否要焦土才肯結束」

「我想問，警察話自己光明正大，點解拎張委任證都唔肯？琴日扮示威者，拉左人，點解唔出示委任證？邊個知你係差人？同埋，點解要打記者？？」

「黑警你地點還返隻眼比個女仔??」

Text：GirlStyle editorial
Photo Source：商業電台Facebook，當奴／森美instagram