被嘲「連搵大陸錢嘅資格都無」！阮民安深夜發千字文感動網民：我很窮，我愛人民幣，但我更愛香港！

By Daphne on 27 Aug 2019

Senior Editor

對於每位香港人來講，近兩個月來的生活、話題總是離不開鬧得滿城風雨的反送中修例風波。反修例事件令政府、警黑合作等各種不公義、不公平的事逐漸浮面，令廣大市民極度不滿，不少人更於社交媒體上「遍地開花」，希望大家能夠更了解事實的全部！

有礙於敏感的政治議題，網民亦發現不少藝人紛紛選擇保持沉默，不過當中亦有不少藝人朋友以自己的方式默默發聲，而阮民安（Tommy）亦是其中一位身體力的藝人朋友之一。

Tommy 於反修例期間不但多次於 Facebook 及 Imstagram 上發聲表態，而且更多次親身參與各個地區舉辦的遊行活動，無論是早前的 818 維園集會、「Eye for Hong Kong」抗議警察濫暴活動，或是由網民自發發起的「香港之路」築人鏈活動都總是能看到 Tommy 的身影......

從男子組合 E-kids 入行出道的 Tommy ，星途一直浮浮沉沉，後來獨立發展不久後就淡出幕前，投資娛樂製作公司。2017年 Tommy 更低調與有原宿女神之稱的模特兒張倚雯（Eva）結婚，後來更成為人父，家庭生活幸福美滿！

這次 Tommy 決定站出來為港人發聲，聽盡不少冷言冷語。有些網民說他站出來只是為了博見報、博曝光，甚至更難聽地說「他根本沒東西可以輸」，所以才選擇趁今次事件奮力一搏，看看能不能奇蹟翻身。由於網紅太太 Eva 的原宿風扮相為她在內地打出一片市場，不過今次 Eva 亦因為 Tommy 的言行而受到內地網民在微博留言攻擊，內地網民更惡言要抵制他們。

面對種種爭議、誣蔑的聲音， Tommy 昨晚就於 Facebook 以《我很窮，我愛人民幣，但我更愛香港》為題發千字文抒發近月來的感受：

『呢個po會有點長，圖有點多，希望可以阻大家少少時間，認真睇曬佢！
由我開始俾大家關注到我支持今次呢個抗爭運動之後，大家都對我好好，但亦都有一個聲音就係：「佢梗係想靠呢次博翻身啦，佢都無野輸，有咩所謂，佢連搵大陸錢嘅資格都無呀！」

咁我覺得今次支持運動嘅重點，絕對唔會係放喺自己嘅感受呢個點度，所以我一路都無擺係心，繼續發聲，繼續每一刻都關注，身體力行支持！
直至琴日終於發生變化，就係突然間有大班大陸網民不停Cap我Facebook圖（可能呢篇文佢地都準備Cap，大家可以留言同佢地say個hi ）去我老婆Eva嘅微博，話我地支持港獨，然後攻擊佢，攻擊我！

咁既然係咁，我不如就一次過喺度將我心底嘅想法，我預計嘅損失同大家分享一下！
自從2012年開始，我就已經擔任住Eva經理人嘅角色，喺幕後為佢打點一切！呢7年入面我地由兩個個體變成一家四口，一步一腳印，營營役役咁將我地嘅生意利用網路平台擴展到世界唔同嘅地方，包括日本、台灣、新加坡、馬來西亞、美國，當然唔少得中國大陸！

因為Eva喺微博有大概25萬人follow佢，加埋佢嘅Style ，所以喺大陸一路都有好多工作，而喺大陸，我地嘅工作範圍包括（想清楚ーD可以睇埋下面D相）幫唔同產品出po宣傳，幫國際品牌官方影宣傳相，Fashion Show，電視台嘉賓，拍綜藝節目，品牌聯乘等，只要我地繼續好好咁做，唔好講咁多野，淨係靠呢D Job已經夠我地一家四口過唔會太好但亦一定唔差嘅生活！

仲有一樣嘢要講就係：正正嚟緊嘅9月14號，我哋自己第一次投資，EVA嘅自家品牌就會喺東京Laforet正式發佈，之後就會全世界發行，而最大嘅入貨地區一定喺大陸，而我地喺大陸處理品牌發行嘅負責人，係一個大陸最大嘅時裝公司高層（佢公司係帶頭將Undercover全國下架），我地喺大陸嘅Backup其實好好！

而因為我上年開始做返好多幕前工作，佢已經話要幫我安排上大陸嘅綜藝節目，發展下，賺下錢！但就唔好喺件事上面表任何態啦，以一個大家認為想翻身嘅我，理應乖乖收聲，甚至表態愛國！

但6月9號之後，見到香港人嘅團結，我已經忍唔住去開始公開表態支持(因為從來都係支持)，之後612、71、721等事件，直到今日呢個狀態，您地估下我知唔知道高調發聲後將會損失D咩？

我可能會失去一個龐大嘅大陸市場。咁點解我要咁做？可能係蠢...但其實，係良知！香港依家發生咁大件不公平不公義嘅事，要我為左賺錢而選擇扮不見不聞，甚至跪低表態愛國，支持警察打香港人，做什麼護旗手，對唔住，我做唔到！
當然對比起每一個手足受傷、犧牲、被捕，都係嗰句，我呢D損失，算得咩！

我依然相信，香港地靠我哋自己都一定可以撐得翻起自己，點解一定要靠大陸我地先搵到食，先做到生意，先搵到錢？我唔認為係咁！

雞蛋與高牆，我一定喺雞蛋呢邊！！！香港人加油！共勉之』

面對有不少網民指他一事無成，沒有輸的本錢，Tommy 直言太太 Eva 一直有在內地接job 賺錢，更指兩人即將會發行一個時裝品牌，而內地市場更曾經是他們最大的back up，不過經過今次反修例一役，Tommy 亦坦言自己不會為了賺錢而選擇跪低、埋沒良知！更感動地說：「雞蛋與高牆，我一定喺雞蛋呢邊！！！香港人加油！共勉之」