張敬軒賀「祖國生日快樂」！網民IG斥：「錢真係比良知重要咩？」，軒仔逐個回覆：「時間是天下間最公正的尺！」

昨日10月1日是國慶，有不少內地藝人已發微博送上祝福，當中仍見到不少香港藝人同樣也於微博出PO賀國慶，除了有呀SA、王祖藍等，而在香港也受到不少人喜歡的歌手張敬軒（軒仔）也在此日賀「祖國生日快樂」！一眾香港粉絲看到軒仔此舉，都大表心痛，不少網民怒斥：「出賣人格就係出賣人格，錢真係比良知重要咩？」

因為在IG受到不少香港粉絲怒罵，軒仔在今晨（2/10）於個人IG發布story，配文稱：「#抵D #D得好」，意有所指自己抵被罵，被罵得好。

粉絲痛心表示：「你永遠都唔會明你香港嘅fans會有幾心痛」，軒仔：「係你地覺得我唔明啫，你有冇試過唔打麻醉藥掹牙？」

亦有粉絲質問：「張敬軒 你有冇一刻當過自己係香港人 有冇諗返五年前同大家並肩嘅時候係點 我知道娛樂世界好複雜 但係錢 真係比良知重要咩」，軒仔就回覆稱：「點解成日都要話我出po為咗錢唧，我唔係出個個po都有錢㗎，你睇吓今次出嗰個.....係我出返錢，仲要一鋪出曬」

「鍾意咗你咁耐點解要咁對我？？一直都覺得你同其他明星好唔同，但原來喺人民幣面前最終都係跪低咗」粉絲直言：「你放棄香港人，香港人亦會放棄你。」，軒仔回覆：「多謝多年來的關顧和支持，冇你哋同埋我鄉下班老友記支持，我絕無今日。我是深愛這個城市，其餘說不清道不明的，無謂再講，大家都要多保重，照顧好自己。」

有粉絲怒斥：「想食兩家茶禮，無咁易」，軒仔就很詳細解釋：「1. 如果我當年屬意向北發展，我點解唔趁著當年《斷點》紅遍大江南北就直接北上發展？
2.我點解要博同情？明知道咁嘅時勢會有咁嘅後果，網絡通達嘅年代真係有兩家茶禮食?
一件事嘅發生，唔好淨係睇表面見到嘅嘢。要睇呢種現象，要睇到現象背後嘅嘢。佢唯一嘅功能，就係要俾人見到同討論。」

有粉絲就表示明白軒仔的立場及難處：「軒仔，不好不要看留言，好好管理好情緒，真係好擔心你！不想說也說了，社會氣氛咁緊張，英皇點解咁迫切去打開內地市場呢，我咁講只係出於係心痛你夾係中間不斷受到兩邊歌迷嘅指責，你嘅立場早係2014已經非常清晰，但今日嘅時勢人人都要逼你歸邊，真係好無奈」

軒仔就長文回應：「這裡的留言都不是我們看過最難看的，不是嗎？It’s ok, 我經過地獄式訓練，我頂得住。大部份人都與我素未謀面，又如何能奢望他們除了平時看到的那個我以外，會對我有更深的了解呢？該說的說過了，選擇看不見的，就算睜著眼睛也不會看得見。」更言很多事或許要待他退休出一本書才能盡訴：「我相信時間是天下間最公正的尺，一切但願經得起時間的考驗，到時自有公論。」

很多香港粉絲感到心痛，看到軒仔超有耐性的逐一回覆留言，就認為他若純為錢及名譽，也沒必要這樣做，而且覺得微博或許不是他本人意願想發的，但是在英皇公司卻身不由己，更力撐軒仔：「我相信佢初心無變，只係無直接去說明去交代」

Text: GirlStyle editorial 

Photo Source: Instagram@hinscheung