莊思明怒插國泰空姐,更公開機員名單洩露他人私隱?網民:咁威就包機啦!

莊思明怒插國泰空姐,更公開機員名單洩露他人私隱?網民:咁威就包機啦!

Trendy 人氣熱話
ByHelen on 09 Jan 2020 Senior Editor

莊思明昨日於IG發長文,講述搭飛機遇上不快事件,主要是按燈找空中服務員借筆3次沒人理會,更看到姐按熄訊號燈後離開!所以莊思明就將事件放上網,更公開該航班的空中服務員名單疑似想「公審」,被網民質疑她有洩露他人私隱之嫌!

莊思明就將事件放上網,更公開該航班的空中服務員名單疑似想公審

莊思明的長文如下:


在 Instagram 查看這則貼文

Lisa 莊思明 리 사(@lisa_chng)分享的貼文 張貼

「大家好,我今日飛咗去曼谷啦,原本諗住可以開開心心輕鬆兩日點知係機上發生咗一d小插曲!

話說我今次嚟曼谷係參加一個朋友嘅宴會,因為機票同酒店都係朋友準備嘅所以我並沒有多加要求,而國泰嘅economy對我嚟講亦係相當舒適,服務一向亦非常專業!

講返正題先,我今朝乘坐嘅航班係國泰嘅CX 619,我坐位係43D,我係航班中途㩒咗個叫空中服務員嘅燈因為我想借支筆填入境表。

我㩒咗一次好耐都冇人嚟於是我就睇睇我坐位上嘅燈,咦,點解熄咗但又冇人問我有咩需要嘅? 唔緊要,我再㩒過,點知又係俾人熄咗。

楊明莊思明

之後我㩒第3次,今次我就刻意向後啤睇吓會唔會睇到究竟發生咩事,終於俾我睇到啦,原來有個空姐係我後面熄咗我盞燈然係就擰轉面行開咗!佢係完全冇問過我有咩需要就行開咗,我想叫都叫唔住佢!

其實我好明白空中服務員嘅工作係非常忙碌,有時候會唔覺意miss咗都唔出奇,特別係economy class因為佢哋要照顧大量乘客所以我都好體諒,但當我一而再再而三都被忽略嘅時候,加上我親眼見到個位空中服務員嘅行為,我開始明白事情可能並唔係我想像中咁簡單!

莊思明國泰

跟住我再㩒第4次,終於有個女仔急急腳走嚟,然後好有禮貎問我有咩需要跟住我就問佢借咗支筆填表。填完表後我諗咗一陣剛剛發生嘅事,我覺得有需要同機上嘅高級空中服務員表達,因為我唔希望呢種不快嘅事情會發生喺其他人身上。

於是我再㩒燈,借筆俾我個位空姐再次出現,我還返支筆俾佢嘅同時我同佢講,希望可以將我嘅感受同佢上司反映。佢問我發生咩事,於是我就敘述返整個過程。佢好好,佢馬上就幫我同咗佢上司反映,之後就有一位比較高級嘅男空中服務員過嚟問我更多detail。佢態度好好,不停同我講唔好意思同埋佢不停來來回回咁幫我揾係邊個空姐咁唔專業。

莊思明楊明

過咗幾分鐘左右個男空中服務員過嚟搵我,佢同我講佢已經同經理講咗件事同埋已經發現咗係邊個,佢問我想點處理。

我向佢表示其實我只係想反映件事,希望呢種事情唔會發生喺其他乘客身上。

佢不停向我道歉,佢絕對係一個非常專業同有禮貌嘅空中服務員所以我都想係呢到同佢講聲多謝 (好後悔冇問佢叫咩名)

678fe229gy1g4jjbbaf7fj211i1e0azu

廣告
廣告

我講件事出嚟係希望國泰可以積極處理類似嘅問題,因為作為全球其中一間最可信嘅航空公司發生咁嘅事實在係令我好驚訝

如果國泰嘅高層想了解更多關於這次事件嘅詳情,我絕對歡迎你哋同我聯絡!

再一次多謝個位男空中服務員同機艙經理嘅幫忙 Thank you!」

678fe229gy1g7xveh2s9lj20u011i45f

後來莊思明更公開機員名單,又於Mystory表示收到疑似國泰員工的訊息,並怒斥要國泰跟進!

(*圖片經小編打格處理)

莊思明公開國泰機員名單

Screen Shot 2020-01-09 at 11.33.08 AM

但網民就炮轟她的公開空中服務員名單的行為:

「如果代入個身份,有一日有空姐飛完你班機,啊覺得你好臭寸,放你個passenger profile上黎,你又有咩感覺呢?」

「如果你覺得公開cabin list得個名係無問題 咁係咪他日有人公開有你個名既passenger list都無問題?」

Screen Shot 2020-01-09 at 10.55.54 AM

「正宗西客咪你呢啲囉~仲話公眾人物喎~撘因航就當正自己大爺咁款…咁叻咁把炮咪自己包架私人飛機囉」

「國泰咁愛國愛黨你仲咁樣跣佢一獲 傳說中嘅狗咬狗骨?」

678fe229gy1fno7ornyolj20qo0xc466

但面對網民質疑她犯了香港法例第486 章《個人資料(私隱)條例》第64條,莊思明就回應:「我問過律師,我並無犯法因為我沒有公開個人資料例如身分證,電話,住址等等!希望你明白」

Screen Shot 2020-01-09 at 10.49.36 AM

TextGirls editorial

Photo Source:莊思明Instagram

Follow Instagram: girlstyle.mag


Share to Facebook