![陸浩明講錯SARS源頭爆喊道歉!麥明詩呼籲「別太鞭屍」:把槍口對准啱嘅位置](https://image.presslogic.com/girls.presslogic.com/wp-content/uploads/2020/02/%E9%99%B8%E6%B5%A9%E6%98%8E%E8%AC%9B%E9%8C%AFSARS%E6%BA%90%E9%A0%AD%E7%88%86%E5%96%8A%E9%81%93%E6%AD%89%EF%BC%81.jpg?auto=format&w=718)
陸浩明講錯SARS源頭爆喊道歉!麥明詩呼籲「別太鞭屍」:把槍口對准啱嘅位置
陸浩明(6號)早前於TVB J2台節目《#後生仔傾吓偈》,竟然講錯香港是2003年SARS病毒的源頭,被網民鬧爆炮轟!昨日接受訪問時爆喊道歉,又於Facebook發文致歉,其拍檔麥明詩亦發文呼籲大家「別太鞭屍」:「希望大家可以把槍口對准啱嘅位置」
陸浩明在《#後生仔傾吓偈》節目中,談及2003年SARS沙士竟然說︰「因為嗰時香港係病毒源頭。」雖拍檔馮盈盈即時糾正,但依然被網民狙擊!
當晚他兩度於社文媒體就口誤致歉:「我喺 #後生仔傾下計 講錯『香港係SARS病毒的源頭』要再次同各位講對唔住!...另外要同03年SARS以及現時抗疫嘅醫護人員講句多謝,佢哋嘅貢獻及犧牲,係為咗保護我哋香港市民,我亦希望香港及世界各地嘅疫情盡快完結!希望大家可以體諒今次嘅失誤。」
但依然未能平息網民怒火,陸浩明昨日接受《東張》訪問時眼泛淚光再三道歉,並說自已「兩晚都瞓唔到」,事件更令家人擔心困擾!
其後再於Facebook發文道歉,並澄清「當年SARS病源係來自內地,而並非香港」,對牽動到大家情緒、令到大家不開心深深致歉,又向03年SARS以及現時抗疫的醫護人員致謝!
而麥明詩亦發長文幫口,請大家別太鞭屍,將槍口對準問題所在:「佢係錯,而我之前未睇清楚段片就評論咗都係錯,節目組冇修正係錯,但希望大家關注咗呢件事之後,可以將關注放喺啲真係黑心、不道德、埋沒良知嘅人上面。謝謝」
網民反應兩極,有收貨的認為6號已經誠心道歉,卻依然有人繼續狙擊:
「我覺得誠心承認錯誤,再糾正!值得原諒!藝人都係人,人誰無過!」
「欣賞你講番事實,我諗大部分人都唔會再怪你了,下次小心啲便可,加油」
「算啦,人地唔小心講錯者,唔怪你,唔使喊既」
「今晚肥媽哄反,正垃圾」
「成40歲人 一D機本常識都無 垃圾 返去搵間小學重新讀過啦」
「中國才是沙士起源!低能」
「話口誤。。但錯到禁離譜」
「我情願你話自己無常識好過」
「你地有監製,有剪片,有字幕員,有撰稿員。咁多人都可以睇唔到佢有講錯,照出街,唔死都無用啦。只要係香港人都知沙士源頭點傳入香港,你地間電視台埋沒良知,我明點解你地會被香港人唾棄」
Text:Girls editorial
Photo Source:TVB,陸浩明、麥明詩facebook