洗手、消毒搓手液抽乾雙手水份～拯救乾硬化甲緣原來這樣做比護手霜更有效！

大家應該都有聽話勤洗手，兼常用消毒搓手液清潔雙手吧！不過，洗手次數太多，或是太經常接觸酒精，都會抽乾手部皮膚水份，令雙手變得又乾又皺又暗啞，特別是指甲邊緣，不但看起來乾到泛白，摸落去仲又硬又粗糙，就連護手霜都救佢唔到！咁又唔使怕～適逢護膚品換季，支未用完的精華油依家就大派用場，幫你立即趕走呢對老人手喇！

Photo from Pinterest

精華油軟化甲緣皮膚

油份重的護膚品，開封後最好一季內用完，唔係好容易氧化變質，但天氣轉熱自然想搽清爽一點的護膚品啦！咁就啱喇～冬天未用完的精華油滋潤度高，塗少量在甲緣並加以按摩，有助軟化變硬的皮膚，同時補水令甲緣皮膚回復正常貼服，減少「倒刺」和泛白情況。既唔浪費，又可以修護手指頭，一舉兩得啊！

而且，如果你有做開美甲的話，手指頭應該都因為經常接觸到化學物質而變得比較乾，呢個方法都可以幫你改善到～

5款精華油推介

Photo from IPSA

＃IPSA 限量版全效水潤精華油 HK$395/100ml
蘊含4種天然植物包括月見草油、玫瑰果油、葡萄籽油和芝麻籽油，能改善皮膚乾燥，保濕、鎖水同時防止肌膚老化。

Photo from Eleanor

＃Eleanor 草本活肌精華油 HK$398/30ml
糅合葡萄籽油、白芒花籽油、橄欖油等多種純淨植物護膚成份，能滲入肌底，深層滋養並鎖緊肌膚水份，用後肌膚柔軟年輕。

Photo from GLYCEL

＃GLYCEL 活效精華油 HK$490/20ml
8種精華油帶來強大修護力量，如薰衣草精油、摩洛哥堅果油、山茶花油、玫瑰果油及安第羅巴果油等，有助促進肌膚再生，柔軟、保濕和滋養。

Photo from SAMPAR

＃SAMPAR 多元透明質酸精華油 HK$480/30ml
多種植物油配方，加上透明質酸微球及維他命A、E、F，能保護肌膚的天然屏障，軟化肌膚同時深層滋養和抗氧化。

Photo from 23.5 °N

＃23.5 °N 紅薏仁白潤精華油 HK$315/30ml
包括紅薏仁油、荷荷巴油及核桃油，親膚性高，能鎖緊肌底水份，抗氧兼提供深層滋潤的天然油脂膜保護。

Text: GirlStyle editorial
Photo Source: Brand Images, Pinterest