張敬軒玩變肥FaceApp超似肥媽＋喬寶寶合體版！網民：「係咪菲傭？」

By Sammi on 05 Oct 2020

Senior Editor

張敬軒向來身型都保持得超好，很難會變成胖子，為了可以一看自己變胖了的樣子，就決定跟著潮流，大玩FaceApp的變肥功能，怎料出來的效果令他本人都受到驚嚇，接受不了，更隨即刪除了該App（笑）～粉絲發現「胖軒」超似肥媽＋喬寶寶的混合體，有網民更忍不著留言問：「係咪菲傭？」

張敬軒昨日（4/10）一時興起在Instgram大玩FaceApp的變肥功能，滿心歡喜想看看自己變胖後會是怎樣的模樣，怎料他自己看到後都表示：「我已經delete咗個App」，連軒叔本人對自己變胖的模樣也不忍看下去，更hashtag稱；「#完 #識唔識唱甜蜜蜜吖 #在哪?在哪裏見過你 #我好似真係有見過呢位阿姐 #人生於世上有幾個知己多少友誼能長存」

張敬軒更大方的分享了自己變肥後的模樣，相中的自拍照其實都仍然可以看到軒叔的輪廓，但是臉型明顥比之前胖了好幾倍，超巨型的包包臉令雙下巴都突出來，看上去還有點似大媽感覺，不用玩變性功能都秒幫你變性～（笑）

不少網民看到變肥後的張敬軒，都不禁失控爆笑：「呢位阿姐應該太陽落山就會化個濃妝喺廟街唱歌」、「喂呀！噴飯啊食食下嘢」、「容許我笑夠十分鐘先」

有粉絲就揶揄稱：「你唔係就咁開左前鏡咋咩？」、「所以你落咗妝就係咁嘅樣？」、「唔好扮係app喔。明明自拍就係咁樣」、「其實係唔係你啲相未 p 圖咋？」阿SA（蔡卓妍）看到張敬軒出此po，也留言表示認同：「懷疑係原圖」

有網民就話張敬軒變肥後很似「肥媽」，更建議軒叔可以與6號一起拍飲食節目：「化個妝～可以同6號拍返輯食平啲～」、「原來你有中東血統？不過其實我睇睇下有啲似肥媽」、「頭先仲去search肥媽個樣嚟對比，真心有幾份似」、「一望就諗到肥媽」、「Maria cordero（肥媽）個friend Maria Hindero」～6號亦有留言認同「超似」！

亦有不少網民覺得張敬軒變胖後神似「喬寶寶」：「玫瑰村喬寶寶？」、「喂，做咩變左 #喬寶寶？」也有網民搞笑表示超似菲傭：「同我之前個姐姐撞樣」、「Hello 賓軒」、「平時行街見到啲賓賓姐姐同老公FaceTime 就係你咁嘅樣」

冤枉娛樂的「枉阿姐」為了讓大家可以看更多張敬軒FaceApp的肥瘦照片，馬上製作了幾張變化超大的對比圖，令到張敬軒也忍不著IG story分享此post，更搞笑留言稱：「可唔可以俾我唞陣」

在 Instagram 查看這則貼文

冤枉娛樂（@yuenwrong）分享的貼文於 PDT 2020 年 10月月 4 日上午 4:02 張貼

粉絲們看到「枉阿姐」製作的搞笑對比圖，都興奮表示：「已經唔記得左原本張軒係乜樣」、「原來肥媽和易烊千璽之間差個張敬軒」、有粉絲就發現其中一張微胖照很似關智斌：「冇人講第4張嗎靚仔到似關智斌了」

大家更一致認為最接受不到最後這張巨肥相片：「最後一張無得頂」、「最後戈張 #mum遞杯水比我」、「最後個張做咩放肥媽張相」、「最後一張好重擊，枉阿姐怕唔怕斷送呢位偶像嘅星途呀？」、「#最後個張——壓死顏粉的最後一根稻草」、「最後一張似迪士尼公主美人魚個個八抓魚巫婆」，有忠粉稱：「即係軒公變到最後一張相咁嘅樣，我都支持佢」