東張西望李旻芳懲罰老公「掹耳仔、跪電芯」！公開處決全因IG?女，奪尊嚴「最強馭夫術」!

懲罰男友大法人人不同，近日TVB《東張西望》主持李旻芳在IG上公開懲罰老公黃耀英，她任由網民處置男友的下場，最後找來電芯灑在地上叫老公掹著耳仔跪下。皆因黃耀英在她面前用Ipad光明正大看性感女郎！網民紛紛給予不同「酷刑」建議，有些網民則認為公開處決讓男人失尊嚴！

《東張西望》李旻芳因主持口才了得而非常出位，去年與另一位主持黃耀英拉埋天窗，不時在IG上大曬恩愛～不過日前李旻芳突然po出一段發現老公偷看性感美女的照片，繼而公開問網民應該用甚麼方法「處決」老公好。

黃耀英解釋：「我一向志願就係做室內設計師」，所以才會看一張有一名身穿內褲的外國女生坐在客廳的照片。這個藉口網民給予的分數也頗低～網民表示：「醒目的男友應該會說想做時裝設計師」，那麼就可以直直的繼續看模特兒的身材～

李旻芳就隨即po出IG投票選項，有「認真教」和「跪玻璃」兩個方法供網民選擇，最後過半數支持「跪玻璃」！最後沒有碎玻璃，找來了電芯給老公跪，並指「用電芯便宜咗你啦，扮到咁慘，你估我會原諒你咩？」

最後黃耀英真的乖乖就範，全答應老婆的要求，掹著耳仔下跪扁嘴求饒！

有些網民則覺得有點過分並稱：「讓男人沒有面子是老婆不應該做的事！」在社交平台公開懲罰老公的手法，絕不是個個男人可以接受到～又因傳統的觀念，男兒膝下有黃金，男人當著眾人下跪會失尊嚴！不過時代發展那麼快，女友懲罰另一半的方式也日新月異～

公開拍下處罰另一半的方式也是李旻芳和黃耀英之間的情調，願打願挨可以說是其中一種幸福。網民對於懲罰方法有不同意見～傳統的跪玻璃、鍵盤或Lego已經滿足不了現今的女友！有網民指讓奪去男人尊嚴乃最佳懲罰方法！例如公開認錯時要咬拖鞋、跪蟹殼、頂痰罐、甚至訓榴槤！

對於男友應否在IG看性感女生照片也是另一爭議，有不少男生認為只是看並沒有任何問題，只要沒有實際行動越軌就沒有錯。反之，在女生的立場看，這有可能是天大的罪喔～

女生有可能會覺得男方不尊重她們，而且有時候會自卑！男生們看不看，看甚麼似乎也要基於女友的心情狀態而定～每個女生的界線也不一定一樣，除了女生要多理解之外，男生要好好摸索一下女友的灰色地帶啦～

Text: GirlStyle Editorial
Photo Source: Instagram@limanfong, TVB

更多相關文章

無懼惡霸問到阿叔面都青！《東張西望》阮嘉敏獲封正義女神，網民：「佢真係幫東張西望爭返口氣！」

6 May 2020

之前一直主要報導娛樂新聞嘅《東張西望》，近排改行本土貼地風格，接連報導唔同時事議題，獲得網民一致讚賞！近日《東張西望》主持阮嘉敏（Mandy）亦都獲得網民力讚表現出色，因為佢追訪大媽大叔表演者，提出尖銳問題令到受訪者面都青，完美KO呢班大媽大叔！

香港一直都有好多大媽大叔「表演者」喺唔同地方開大喇叭表演，聲浪極大之餘，而且呢班「表演者」冇表演牌照，但又接受觀眾打賞，嚴重滋擾街坊！有見及此，《東張西望》派出阮嘉敏Mandy訪問呢班「表演者」，Mandy訪問一位內地大叔：「你地除咗表演之外，仲有收錢喎，係唔係呀？」大叔否應收錢後Mandy唔放過呢個大好機會，繼續問！

「從來冇收過錢？」大叔先話：「如果有人俾錢都好正常」。之後Mandy就開始狙擊：「你岩岩話自己冇收錢，但人地俾錢你，你就有收？」大叔就反稱：「公眾地方係香港政府比大家娛樂嘅地方」、「人地俾我就收㗎啦」

Mandy繼續講：「但你收錢就唔叫做玩」、「點解你唔選擇唔收嘅？」問到大叔口啞啞，面都青埋！

Mandy之後再搵到另一個大媽，問佢有冇申請牌照，大媽話自己抽咗5個月都未抽到牌照。Mandy就不斷Chur住問「咁你咪即係冇牌囉？」、「抽唔到咪即係冇牌囉？」問到大媽冇聲出！（個大媽仲要老羞成怒推咗Mandy一下⋯⋯）

網民睇完呢集亦都大讚Mandy做得好好，不停追問重點問到佢地口啞啞！而且面對大媽郁手郁腳都冇驚過，繼續扑咪亦都非常專業！原來Mandy係中大傳理系畢業，2016年曾經參選港姐，雖然十強止步，但最後亦加入TVB成為《東張西望》嘅主持，近日亦都因為出色嘅表現成功彈起～

呢集播出之後，唔少網民留言支持Mandy：「勇武呀你！TVB少有呢類主持，見你質問佢哋大快人心！keep住你呢個優點，加油！」、「睇左你個訪問，做得好好，轉數快、口齒伶俐」、「佢真係幫東張西望爭返口氣 為港人發聲」

唔少網民都話好開心見到《東張西望》終於有返少少正常嘅報導，更加大讚《東張西望》係TVB近排最高汁嘅節目！希望《東張》可以繼續Keep住質素，保持中立持平啦～

Text：Girls Style Editorial

Photo Source：TVB