「男人應份幫女人畀食飯錢」惹爭議！男女看法大不同：「無錢就唔好拍拖！」

Girl's Talk 女生密語 Love and Relationship 愛情

By Sammi on 10 Nov 2020

Senior Editor

早前有位男生遇到情侶相處的煩惱，在討論區發帖文，以「女友食飯完全唔肯畀錢」為題，訴說每次食飯都是自己請女友，因女友認為「男人應份幫女人畀食飯錢，佢值得擁有咁的男人」為由而拒絕付錢，該男友出PO詢問大家的意見，男女看法大不同！

這位男友（樓主）於10月時就在討論區分享了與女朋友「食飯完全唔肯畀錢」的故事，故事先提到樓主跟女朋友一起已半年，兩人拍拖初期，樓主就已經有提出想女友不時可以付食飯錢，望一起分擔洗費。不過女友對付食飯錢反感，因她認為「自己值得一個幫佢畀晒錢的男人」。

因此這半年來大部分洗費都是樓主來付，而女友只會間中送他一些簡單家居用品，生日時也會送貴重的禮物給他，更會請他吃自助餐：「佢唔係完全無出過任何錢，不過全部係間中不定期咁樣。我都好多謝佢。不過覺得呢啲非必要同埋係日常生活之外。」

不過樓主對貴禮物沒太多祈求，他表示自己只想簡單一點，例如食五餐飯，女友可以請一餐。但是女友仍堅持自己的立場，認為男友要為女友畀食飯錢，她只會以送禮方式付出。對此樓主就問帖文想了解一下一眾男女的看法，還作出了投票的選項，分別是「佢都有畀下錢丫，唔係完全零付出，將就下，照返原有方式算」及「港女，態度惡劣，有咁遠飛咁遠」，希望從網民身上徵詢更多意見！

男女網民都有不同的意見：「你接唔接受到之後幾十年都要對住個咁的人? 接受到咪得，接受唔到咪唔好浪費時間」、「一個願打一個願捱唔接受咪分手」，亦有人覺得已經不是俾錢的問題，而是兩人的價值觀有很大差異：「你想佢改，佢唔改，永遠都有條刺，唔會行得長」

有男網民就稱：「你覺得自己係愛佢，佢又愛你，又值得每次都係你比既，咪繼續一齊
！但其實你開得post，我諗你心中都有答案了～」樓主對此回覆稱自己就未有答案，只是想了解一下這情況是否很普遍，而且想參考其他男生會如何處理～

有男網民就稱，如果你有這個情況，就要預計將來結婚、買樓、生活所有洗費都要你全付，接受到就可以繼續一起。樓主也表示自己也在擔心這個問題，但是覺得如果為了錢而分手好像有點做法不成熟～

另一男網民就對此回應：「結婚唔養老婆，咁同拍拖有咩分別，人地點解要嫁比你」，而另一女網民就表示：「要分手唔係因為邊個比錢，原因係你地咁樣都唔可以坦白咁傾
，結婚要對成世，咁少事都無得傾，如果佢覺得自己咁靚咪搵過個男人囉」

有男網民就認為女方似是當男方做提款機，更稱如果一個女生真心想跟你走下去，是不會每次都要男人俾錢！

有女網民就稱：「我老豆成日都話拍拖緊係個男俾曬錢啦，無錢就唔好拍拖。不過我就覺得，如果真心愛對方就應該AA，因為咁樣大家先有空間儲錢」、「我覺得男人就呢啲婆乸數就咪咁執著啦，但最後真係接受唔到咪分開」

有女網民就覺得：「呢d野都好拎上網問，你出左聲對方都係say no，咁你咪自己諗囉。拎上黎又想人話女友係港女？」亦有女網民拋出問題問樓主：「你覺得佢值唔值，答到咪解決咗」、「樣同身材咩水平？兩樣有80分以上我會覺得佢講得唔係冇道理，如果唔係就分手啦」

男網民：「睇下你自己能力同願唔願意為佢付出到呢個程度？感情係雙向既，個女咁講得出，佢都好自我中心，食餐飯，佢寧願送禮物，都唔將啲錢去俾餐食既。」

最後男網民搞笑稱：「祝你地白頭到老千祈唔好放生佢」，不知道大家又覺得「男人是否應份幫女人畀食飯錢」？

Text: GirlStyle editorial
Photo Source：連登討論區,《紀念日》、《哪一天我們會飛》電影劇照

男友不付HK$300被指孤寒？稱「女友變得貪錢似港女」網民：「少少錢都計好肉酸」

28 Oct 2020

近年有不少港人都愈來愈喜歡貼標籤在別人的身上，而在女生身上用得最多的負面標籤一定就是「港女」，只要是拜金、貪慕虛榮的都被認定是「港女」的特質。最近有網民就在討論區發表以「女朋友突然變到好貪錢」為題，講述因沒有買給女朋友一件hk$300的衣服，而被女友直指「孤寒」，令他感心碎，更詢問網民：「係咪真係所有香港女仔都一定係貪錢？定只係我嗰個比較港女？」

這位男網民（樓主）於28/10在討論區分享了與女朋友「三百蚊的故事」，故事先提到樓主跟女朋友一起已兩年多，因大家都是學生的身份，本身都沒有太多錢，所以平日食飯錢都是兩人都會付費的～而每次樓主說要請女友到貴價餐廳食飯時，女友都會堅持付一半錢。樓主更大讚女友：「平時佢都冇要求或者暗示過要我送咩禮物比佢，我一直都好自豪識到個咁既女朋友」

不過樓主這幾天卻覺得女朋友變了，因為女朋友一直都很想要某一件價值hk$300的衣服，但是因為女友覺得太貴，即使得到男友的鼓勵下，她都依然不捨得買。不料後來女友卻覺得男友不送她那件hk$300的衣服，生氣的直指他「孤寒」。

樓主心感不忿，不認同自己「孤寒」，更說女友說的話不合情理：「話我小小錢都唔肯洗去佢到，講埋哂啲咩男朋友肯洗錢落自己到=愛自己，我真係好唔認同點解有幾愛都要講到同錢有關」

到了最後，男友依然沒有送衣服給女友，原因是覺得女友有這要求太奇怪：「佢直頭唔係嗲緊我，而係好似逼緊我送野比佢咁，佢突然變成咁我開始發現原來我一直都唔熟悉佢。」更詢問了網民這三個問題：「係咪真係所有香港女仔都一定係貪錢？定只係我嗰個比較港女？點解佢會突然變到咁陌生？」

最後還作出了投票的選項，分別是「買比佢啦嗰三百蚊」及「死港女飛左佢吧啦」，希望從網民身上徵詢更多意見！

因「女朋友突然變得好貪錢」此話題一出，就紛紛引起了一眾網民熱烈的討論，不少網民都留下超差的負評鬧爆樓主「太孤寒」：「唔知以為佢要你送三萬蚊嘅衫，三百蚊都咁計較」、「btw,你似港女多啲」，樓主也隨即回覆：「其實平時同佢出街有時佢見到啲衫想要我都會買比佢，如果佢係嗲下我而唔係發我脾氣我買比佢又有咩所謂」

網民更一面倒留下更多的負評揶揄樓主：「而家似係你斤斤計較，三百幾蚊就話女朋友貪錢！分手啦，放過佢」、「300蚊都要擺上黎話港女貪錢，幾多個$300先買到個channel包包」、「300蚊都咁上心打咁大篇野仲話唔孤寒，仲學人拍拖點結婚生仔」、「換轉係$30你仲唔即刻扮man買俾佢咩，自己計果少少竟然話人貪錢，$30叫你買衫又貪唔貪錢呀？」、「如果你話條數好大就第2回事啦，但300蚊都計較到咁真係好肉酸」、「少少嘢就諗到你條女咁，睇你都唔係真心愛佢」

因太多網民留下負評直罵樓主社人，樓主在數小時內又再出另一段留言為自己作出澄清及反駁！道出了與女朋友平日相處的模式，更指自己也花費了不少錢在女友身上，更指經常與女朋友食貴野，有時hk$500一餐都試過～有時去旅行也會買過千元手信給女友，更向網民直言：「我一直都冇覺得咁樣好偉大只係唔想你地覺得我係孤寒」

樓主表示自己今早與女友聊過這個話題，更指女友一直以來都沒有覺得他孤寒，但只是這幾天被朋友說了幾句才想試一試男友，樓主更為自己澄清：「我其實當下冇送到比佢都唔係計較300，因為我同佢一齊依2年洗喺佢到既錢已經講緊係300既唔知幾多倍，冇可能為左300蚊就同佢嘈，我係唔開心點解我付出左咁多野（無論係咪錢銀既野），但因為單單一樣野就比佢妖魔化左我」

最後更續稱自已說女友貪錢只是悔氣說話：「我知佢唔係真係貪錢我都知我處理手法有問題..我當時既決定其實咪又係只會令佢更加冇安全感..我有好好同佢道過歉了好多謝大家點醒我！」

但一眾網民依然不賣帳，認為樓主說女友貪錢就是有問題：「睇完仲反感，而家係你為左300蚊妖魔化你條女」、「係咪要條女餐餐陪你食M記譚仔再AA先叫好女人?」、「睇完你依段仲覺得衰左，咁耐仲記住食左餐500，買左個1000蚊手信」、「500一餐都試過幾次，係大方就唔會記住啦。我請男朋友真係唔會記得幾多餐幾多錢」