《全民造星3》E-kids成員Alan出場被嫌老！40歲高齡參賽背後原因有洋蔥，評判：好老套，睇到好尷！
ViuTV《全民造星3》已經有接近一半的參賽者出了場，而在昨晚（11/11）播出的最新一集，戰況仍然激烈。當中最受人注目的必定是E-kids的成員林詠倫（Alan），除了因為他是為人熟悉的的組合E-kids成員，亦是因為他是參賽者中最高齡者。以40歲之齡參選的他，雖然落力表現但就被評判批評老氣，但後來他分享參選原因郤感動在場所有人！
＃跳唱能力不俗、唯年齡是硬傷
Alan一出場現場已經歡呼聲不斷，因為他就是唱到街知巷聞的歌曲《開始戀愛》主唱E-kids的成員林詠倫。但一眾評判就似乎並不看好，他在面試時花姐直接指出年齡問題：「你已經40歲，其他參賽者可能只有二十多歲。」
花姐接著問：「如果你決定參加這個比賽，究竟你會被嘲笑，還是觀眾會留意你，給你機會？」Alan想了一想答：「留意」花姐冷漠地表示：「其實他們會取笑你。」其實花姐說的話並沒有錯，節目預告播出時，的確有不少網民嘲笑他這個年紀還參賽與一班年輕人爭。
受到外界嘲笑的他直言有因此而不開心過，但亦明白參加比賽就要承受這一切。被問到為什麼會參加比賽時，Alan真誠地回應：「坦白說，E-Kids自出道以來，很少人會覺得E-Kids係識得唱歌跳舞，所以我想證明其實不是這樣的，我想替自己爭一口氣。」當評判問他如果有機會再選擇多次，會否仍然選擇加入E-Kids時，他肯定地回答：「會，一定會！沒有E-Kids就沒有我。」
Alan以跳唱歌曲《頭髮亂了》參賽，落力表演的他邊跳邊唱表現穩定。但花姐卻驚呼：「跳得好老套呀！大佬我睇得好尷尬呀！」他表演後得到兩盞藍燈，但後台的花姐和林二汶即時驚叫：「oh no！」
＃評判慨嘆愛莫能助、Alan感言感動眾人
其實一班導師與花姐都對Alan的前路抱有很多疑問，花姐直言他與其他人相比，年紀太大。唏噓表示：「我覺得佢唔差，但我確定佢未來唔會係星。」林二汶表示認同：「有啲灰呀真係」花姐再說：「佢好似符合資格，但其實幫佢唔到架。」
表演過後評判之一的Eric Kwok（郭偉亮）問了同樣問題：「會唔會覺得自己係有小小老呢？」Alan就誠懇地道出參賽理由讓在場所有人都大為感動：「其實我想係到講，因為我既出身係一個組合，而呢個組合成日高低高低，我自己係控制唔到。係呢種環境下，我想同一班年青人講一樣嘢，就係唔好放棄自己既理想。就算好似我咁既年紀，我鍾意唱歌、跳舞，我亦都可以拋低我嘅包袱，去話俾人聽，我不忘初衷。由20年前開始，已經好鍾意唱歌跳舞。」
真誠態度讓林二汶大為感動，將他選入自己組。Eric Kwok亦表示：「我以前唔會記得E-Kids有Alan，依家我會記得，我會respect佢。」雖然不知道Alan的未來會怎樣，但至少從現在開始會多了人知道他是E-Kids的Alan。
Text: GirlStyle editorial
Photo Source: ViuTV《全民造星III》
更多相關文章
《全民造星3》葉小妍遭淘汰被評判狠批！哭求不離開舞台，網民：「31歲仲扮BB」
11 Nov 2020
# 表演前叫停變魔術令人感不解
昨晚（10/11）播出《全民造星3》最新一集，參賽者葉小妍因表現「突出」而引起網民熱議。在她出場表演時，先來了一段小獨白：「我嘅世界係粉紅色，沒有戰爭、沒有邪惡，係非常好好嘅世界，我希望觀眾可以進入我嘅世界。」
當前奏音樂響起後，葉小妍唱出了兩個字後，突然提出暫停表演，因為她本身是一位魔術師，所以想在表演前可以變一個小魔術給觀眾看。之後就接著說：「其實呢個真係一個充滿夢想嘅地方，可以係度捉啲夢想，慢慢呢個夢想有個魔法，只要大家相信呢個夢想嘅舞台，就可以變出屬於大家嘅魔法。」就在這段說話期間，葉小妍就變出了一個結他撥片。
但是一眾評審及工作人員對此都大感驚訝，看不懂她的魔術變出了甚麼神奇的東西來，而花姐（黃慧君）對此魔術更是不感欣賞：「呆咗......多謝你呢段開場白喎！」
葉小妍之後就直接唱出她的表演曲目—Avril Lavigne《My Happy Ending》，但是當唱出頭幾句時，沒有台風，就像在K房唱K的感覺，讓觀眾們感到表演沒有可看的價值！
在旁更有人突然爆出：「點樣入到嚟㗎，我想問？」最終因表演太差，三位評審全票通過直接淘汰！
# 葉小妍接受不到被淘汰，哭求不離開
其中一位星級評審卓韻芝更怒言：「你唱英文歌，一個英文字你都咬唔正，你唔係只係唱，你要聽下自己唱」更直言自己在剛才的一分多鐘期間感到好難受。
林二汶更在觀看席稱：「佢一喊女人就憎，卓韻芝就嬲！」
主持人見狀，也馬上上台告知她已被淘汰，要離開舞台。但是葉小妍仍不想離開，更哭說：「唔好，求下你呀，我會做好啲！我會好努力學，我應承你哋丫！我資質真係唔好，但我會好比心機去練，我彈結他彈到全部啲手指都腫曬！」
卓韻芝隨即稱：「件事唔係針對你，每一個人其實都好努力，坐在淘汰區嗰啲，佢哋冇努力咩？佢哋冇喺彈結他時手痛咩？唔好啦！」但是葉小妍依然接受不到被淘汰的現實，花姐見到情況不對勁，於是就主動叫停錄影，陪伴葉小妍離開舞台。
# 網民留言圍轟：「31歲仲可以扮BB」
網民留言圍轟，直罵她為人太幼稚及太夢幻：「個節目可能幫下佢要面對下現實，太夢幻唔掂」、「真幸福，31歲仲可以扮BB，我31歲已經要喺屋企湊BB」、「好想知點解係香港呢個社會 仲有人可以咁夢幻？！ 點樣可以做到？」、「以為幼稚園學生唔見咗mami」、「31歲仲扮可愛」
有網民更認為看不到她有流下一滴眼淚，像是在台上扮喊博同情，亦勸籲葉小妍輸了就要接受現實，不要只生存在她的夢幻世界裏：「其實輸咗就輸咗，應該裝備好自己，有機會重新再來，死”lur”好難睇」、「去錯地方，發錯夢，最重要好好檢討表演方式，太過度自我」
不過亦有網民留下了支持的字句，更覺得葉小妍似是情緒很脆弱的人，受不了批評，著各位網民不要過份批評，以免搞出人命：「睇她fb她都幾用心去打扮和表演，人有夢想是好嘅，其實在日本大把這種人，她又無傷害到人又帶到歡樂比人其實已經好好，香港人加油。」
# 張敬軒深夜發文鼓勵參加者
張敬軒昨日更以前輩的身份深夜發文鼓勵《全民造星3》的參賽者，認為一眾參賽者勇於站在舞台上接受評判及觀眾的評價已經很了不起，看到《全民造星3》的節目後，令他有感而發：「你要成功嘅話，你一定要好迷好迷嗰一樣嘢或者嗰一件事。齋係鍾意係唔夠，仲要有不顧一切嘅精神去投入落去先至可以有成功嘅機會。」
張敬軒更表示事實本來就是殘忍的，即使你多喜歡某種職業，但是你可能偏偏不屬於那個地方，但也要嘗試用最大的努力去接受現實：「不過呢個痛苦嘅過程都係一個得着，喺你以後嘅人生旅程入邊你返轉頭望下，佢只不過係一個好細嘅章節。」
最後更表示望所有參加者無論成績如何，都有一個好享受同埋有所得着嘅旅程，好好利用呢次機會去更深一層認識自己，令自己成為更好嘅人，揀一條更適合自己嘅路，不負青春。加油！
大家可在以下ViuTV影片看葉小妍表演的足本版本！
Text: GirlStyle editorial
Photo Source: ViuTV《全民造星III》, Instagram＠張敬軒、@葉小妍
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
