王嘉爾廣東話唱《分手總要在雨天》！網民負評：扮外國腔唱廣東歌 ？懶音多到黐脷筋！

韓團GOT7成員王嘉爾Jackson在內地人氣高企，而在香港長大的他，早前就分享以廣東話唱《分手總要在雨天》的影片，卻被網民質疑懶音多咬字古怪，像「扮外國腔唱廣東歌」？

王嘉爾於微博發文：「感恩一路上有你們，從小就很喜歡的粵語歌」，然後就分享他演唱《一路上有你》粵語版（即張學友的《分手總要在雨天》）的影片。

只見王嘉爾站在紅色佈景下肉緊地深情獻唱，眼神交足戲，甚至唱到青筋現形！內地網民當然大讚好聽，還高呼希望Jackson能推出粵語專輯，多唱唱中文歌等：

「太好聽了吧王嘉爾好帥啊！帥到我頭掉，帥到我豬叫，帥到鄰居報警」、「真好聽嗚嗚嗚嘉嘉趕緊出粵語歌！」、「超級幸運看到嘉嘉深情唱粵語歌」

【GirlStyle Club 會員專享新禮遇 】做會員儲積分可免費換美妝好物

但本地的網民卻不太受落，首先明明天是張學友的廣東話版《分手總要在雨天》較國語版《一路上有你》早發行，為什麼不直接寫是《分手總要在雨天》？

另外，Jackson的發音唱腔也怪怪的，咬字像是不會粵語的外國人，但明明他是在香港長大的啊？沒理由發音如此不準確不流利，口音腔調像外國人...難道是因為少講廣東話而退步了？

此外Jackson的懶音也太多了，最簡單的「眼光」都唱成了「眼乾」，還有「促使」變「捉屎」，令人非常驚訝，建議佢改善一下懶音！

以下是網民的評論：

「明明香港大，卻扮外國人口音唱廣東歌 ？」

「堂堂一個香港人，唱到好似獎門人入面果啲外國人估歌仔咁」

「我個人覺得IU 唱廣東話仲準過佢...」

「點解香港人唱廣東話歌反而會有鄉音」

「係咪做護期手做得太耐 啲廣東話想點，隻隻字都要塞個T音」

「計野狼disco後又一廣東話名曲！的士陳2號」

「一個香港人竟然可以唱到首粵語啲廣東話咁， 佢根本就係醜化緊廣東話， 不知所謂」

「明明自認不是香港人，就不要故作販賣香港情懷了」

現在就立即聽聽王嘉爾Jackson的《分手總要在雨天》吧：

Text：Girls editorial
Photo Source：youtube，Weibo

更多相關文章

得Bob鼓勵先去韓國追夢？王嘉爾自薦上《Do姐有問題》爆「好鐘意農夫」，更指定要阿Bob出演！

31 July 2019

DoDo姐一向出名係超級韓迷，除咗BTS嘅V之外，Do姐仲同過孔劉、朴敘俊等男神成功集郵！不過講到同Do姐最Friend嘅就應該係Jackson啦～Jackson最近返嚟香港除咗做Sammi演唱會嘉賓之外，仲上咗Do姐嘅電台節目同埋《Do姐有問題》，為Do姐撐場！

Dodo姐一向深受後生仔歡迎，即使Do姐已經年屆61歲，但依然充滿少女情懷，對於年輕人關心嘅事瞭如指掌，好多老藝人都唔及Do姐咁有時事、娛樂觸覺㗎！Do姐接受訪問時已經話自己睇過哂Jackson嘅所有演出！

不過大家都估唔到嘅就係，竟然係Jackson主動話想出演《Do姐有問題》！Jackson仲話自己好鐘意「農夫」，不過Do姐就即刻話：「真係估唔到呀可？農夫都有人鍾意」，咁都有位入「農夫」真係好搞笑！

喺香港長大嘅Jackson同90後嘅我地都有著相同嘅童年回憶--就係聽「新香蕉俱樂部」，聽人地分享心事同煩惱！Jackson仲話自己係「新香蕉俱樂部」嘅頭號Fans，真係估唔到呀！

而阿Bob今日喺Facebook Po咗張同Jackson嘅合照，表示：「十四年前，有個細路打電話去我嘅電台節目，佢話希望第時大個咗可以做一個歌手，咁我好老實問佢屋企有冇米，有就去啦，佢以為我話食飯嗰d米，所以佢話有.........」當年打電話上嚟嘅小粉絲成為全球知名巨星，相信阿Bob發夢都冇諗過呀！

Jackson每次返嚟都冇忘記Do姐，佢地感情真係超好～每次見到Do姐Po同韓國男神嘅合照都覺得Do姐簡直就係迷妹們嘅典範！

Text：GirlStyle Editorial

Photo Source：Instagram