80、90後必聽過20條貼地IQ題!1+1幾時等於3?菠蘿係黃色,咩蘿係綠色?

80、90後必聽過20條貼地IQ題!1+1幾時等於3?菠蘿係黃色,咩蘿係綠色?

Lifestyle 生活
BySammi on 25 Mar 2021 Senior Editor

大家小時候一定聽過不少IQ題,IQ題有趣的地方不但考你腦筋急轉彎,同時也看看你夠不夠想像力及創意,想出這些貼地又搞笑的答案~以下這些IQ題相信在小學年代時一定有聽過,特別很多是80、90後都會有共嗚的答案,快挑戰4個難度看你們會多少吧!

題目1-5:

# Q1:咩動物會聞底褲
# Q2:點解海係藍色
# Q3:魚無腳,蟹無翼,咁蝦無咩?
# Q4:魚蛋粉入面有魚蛋,咁咩粉入面有雪糕?
# Q5:廣東出東瓜,廣南出南瓜,廣西出西瓜,咁廣北出咩?

【IQ題】魚無腳,蟹無翼,咁蝦無咩?

答案1-5:

A1:豹聞底褲
A2:因為海入面啲魚會不斷Blue Blue Blue
A3:哈姆(蝦無)太郎
相信這個「哈姆(蝦無)太郎」的答案就只有80、90後才會的吧!因為當年《哈姆太郎》的卡通可是紅極一時,不少人為了《哈姆太郎》而掀起過養倉鼠潮,你當年有養過倉鼠嗎?
A4:Seven
A5:講不(廣北)出聲
「講不(廣北)出聲」其實是來自TVB經典劇集《溏心風暴》的主題曲,由劇中其中一位演員關菊英主唱,當年這首歌可說是唱到街知巷聞~

【IQ題】「講不(廣北)出聲」其實是來自TVB經典劇集《溏心風暴》的主題曲

題目6-10:

# Q6:李雲迪最憎咩洗髮用品?
# Q7:860粒魚蛋,食咗5粒,仲淨幾多粒?
# Q8:咩嘢係唔可以放得入雪櫃?
# Q9:有一塊火腿同一隻腸仔,放喺同一個鑊度,點解佢哋唔傾計?
# Q10:菠蘿係黃色,咁咩蘿係綠色?

【IQ題】菠蘿係黃色,咁咩蘿係綠色?

答案6-10:

A6:美源髮彩,因為「無得彈」
因為李雲迪是香港知名的鋼琴家,如果他沒得彈琴,絕對就如拿走了他的生命般重要阿!
A7:5粒,因為「伯伯淥咗十粒魚蛋」
A8:秘密,因為不能說(雪)的秘密
這答案其實是來自台灣歌至周杰倫所執導的電影《不能說的秘密》,當年這套電影因首次周杰倫擔導演,所以也引起矚目。
A9:因為佢哋未熟
A10:Keroro(軍曹)
《Keroro》(軍曹)是一套日本知名的漫畫作品,TVB在2006年播出動畫版《Keroro》,當時吸引了不少「學生哥」追看,大家那時還爭相比較那個角色最可愛!

【IQ題】《Keroro》(軍曹)是一套日本知名的漫畫作品,TVB在2006年播出動畫版《Keroro》

題目11-15:

# Q11:柴、米、油、鹽,邊個唔係八十年代?
# Q12:《多啦A夢》嘅角色,邊個大咗會做醫生?
# Q13:1+1幾時等於3?
# Q14:點解星星唔會比煙花炸到?
# Q15:星期日邊度最多菲律賓人?

【IQ題】《多啦A夢》嘅角色,邊個大咗會做醫生?

答案11-15:

A11:又(油)不是係八十年代,因為Cookie首歌《心急人上》
如果你連《心急人上》也認識,證明你和小編一樣,也老了(笑)~
A12:小夫,因佢大咗會變成「大夫」
A13:錯嘅時候
A14:因為星星識得閃
A15:菲律賓

【IQ題】又(油)不是係八十年代,因為Cookie首歌《心急人上》

題目16-20:

# Q16:點解小明會跳得高高架巴士?
# Q17:小明踩到大便,點解對鞋冇污糟到?
# Q18:咩鴨會用兩隻腳行路?
# Q19:冬甩個爸爸係邊個?
# Q20:貓會「喵喵」咁叫;狗會「汪汪」咁叫,咁咩會「咕咕」咁叫?

【IQ題】貓會「喵喵」咁叫;狗會「汪汪」咁叫,咁咩會「咕咕」咁叫?

A16:因為巴士唔識跳
A17:因為小明冇著鞋
A18:所有鴨
這條題目不少會都會不小心答了「唐老鴨」,你又有答中了嗎?
A19:多啦A夢,因為多啦A夢片尾曲:冬甩個爸爸、冬甩個爸爸
如果各位有看過廣東話版的《多啦A夢》,一定都有聽過這一首主題曲吧!沒聽過的你們快去聽聽看就找到答案了~
A20:楊過,因為佢成日我會叫「姑姑」

【IQ題】楊過,因為佢成日我會叫「姑姑」

大家又答中了多少題呢?

Text: GirlStyle editorial
Photo Source: Instagram, Weibo

更多相關文章

姜濤快餐店「急口令」超洗腦!重溫10句經典藝人廣告對白,網民:句野有聲嘅?

03 Mar 2021

相信「姜粉」們對於連鎖快餐店最近推出的新套餐與急口令絕不陌生,因為他是由偶像男團MIRROR的成員姜濤代言,更以他的名字把以前的急口令重新演譯,由「人人食過笑哈哈」改為「姜B食過笑哈哈」,再配上《蒙著嘴說愛你》的旋律由姜B邊跳邊唱,令不少「姜粉」為之瘋狂之餘,亦非常洗腦!

螢幕截圖 2021-03-03 上午11.56.39

其實過往不少廣告中由藝人說出的對白都非常入腦,至今只要聽到那句金句,必定會想到那個廣告或產品,可算是非常成功的廣告對白。今日就讓我們一起重溫一下大家一定聽過的藝人廣告對白,不知道大家又記得多少個呢?


#陳奕迅:「I'm loving it!」

廣告
廣告

其實在姜濤成為代言人前,快餐店的代言人一直是歌神陳奕迅!每次廣告播出都會聽到他用美妙歌喉唱出:「BA DA BA BA BA, I'm lovin' it」

螢幕截圖 2021-03-03 上午11.43.20

#朱咪咪:「講嘢最緊要有牙力,睇牙梗係要揀有實力!」
               :  「咩都隨隨便便,點會有人俾面呀?」

演員朱咪咪拍過多個廣告,當中最令人印象深刻的,必定是她代言的深圳牙科診所的廣告。單單一個廣告已經爆出多句讓人琅琅上口的金句,「咩都隨隨便便,點會有人俾面呀?」更成為不少人的生活指標~

螢幕截圖 2021-03-03 上午11.44.00

#米雪 + 苗僑偉:「藥箱都變成首飾箱!」

三哥苗僑偉與米雪作為保健品牌代言人多年,每一輯的廣告都會有同一句:「日日keep住食,藥箱都變成首飾箱啦!」,看著多年來仍然keep得這麼好的兩人,確實為產品增加不少公信力!

螢幕截圖 2021-03-03 上午11.13.24

#郭峰:「唔洗手,難怪變咗做幕後黑手!」

郭峰當年為衞生署拍攝的宣傳廣告,以「勤洗手 別做傳染病幕後黑手」作為主旨,提醒大家記緊要多洗手,才能防止傳染病蔓延,這個廣告現在用也非常適合~

螢幕截圖 2021-03-03 上午11.15.39

#姜大衛:「再鋒利嘅刀都有生銹嘅一日」

姜大衛於2011年為保險公司「信諾頤安保」拍攝了這輯廣告,廣告中以刀也會生銹來比喻作人,引起了一時熱話。

螢幕截圖 2021-03-03 上午11.20.24

#張家輝:「你而家無,但係將來會有」

張家輝為英皇金業拍攝的廣告中的一句:「你而家無,但係將來會有」,引發網民無限想像,大家都紛紛猜想到底會有「什麼」呢?更出現不少搞笑猜測「係咪報應?」、「樓?」、「女朋友?」。後來張家輝因拍攝電影《激戰》而練得一身Fit爆格鬥身形,網民笑說:「原來係肌肉!」

螢幕截圖 2021-03-03 上午11.17.36

#鄧梓峰:「收到,收唔到?收到收唔到,唔係靠彩數」

鄧梓峰為通訊局拍攝的這個行山廣告,教大家行山安全必需要知道的事情,這個廣告相當入屋,就算未看過都一定聽過:「收到?收唔到?」

螢幕截圖 2021-03-03 上午11.22.45

#曾江:「美源髮彩無得彈」
:「慢慢變黑又得,立即變黑晒亦得,得咗」」

當年曾江為染髮用品拍攝的這個廣告絕對稱得上是「經典中的經典」,這個廣告播足30年,曾江說的口號深入民心,「美源髮彩無得彈」更被人拿來製成了IQ題,可說是幾代人的集體回憶~

螢幕截圖 2021-03-03 上午11.25.24

#劉德華:「今時今日咁嘅服務態度唔夠架」

劉德華在2002年為香港政府拍攝的宣傳對白,主題為「 優質服務,致勝之道」,原意是希望令到香港的服務業更優質,務求令消費者感到滿意。這廣告推出後金句成為了不少人的口頭襌。但這種「客人永遠是對的」的概念就被指害苦了不少服務業「打工仔」,現在反而想對一些無禮的顧客說一句:「今時今日咁嘅顧客係唔啱架!」

螢幕截圖 2021-03-03 上午11.28.48

#古天樂:「想節能,輪胎能」

多年前古天樂於內地播出的日本YOKOHAMA輪胎廣告中,以普通話讀出廣告對白:「想節能,輪胎能」,因為不標準的普通話而讓網民爆笑,更為他造出不少惡搞對白與改圖,十分搞笑!

螢幕截圖 2021-03-03 上午11.46.43

螢幕截圖 2021-03-03 上午11.46.00

 

以上10句廣告金句陪伴不少人成長,每次聽到都覺得充滿親切感,有不少網友看到這些廣告口號都不禁問句:「句野有聲嘅」?

Text: GirlStyle editorial
Photo Source: 廣告截圖

❣️ 立即Follow我們的Instagram girlstyle.mag

90後80後


Share to Facebook
Our Facebook Videos
我們的 Facebook 影片