【林作鍾培生】記招後網民轉軚撐林作！淡定幽默對答獲讚EQ高，網民：對林作改觀

By Hannah on 08 Mar 2021

Digital Editor

【林作鍾培生】林作一句：「抄我100萬？」惹怒「富三代」鍾培生而觸發的對打拳賽，終於在星期六（6/3）正式舉行「林鍾一戰」簽約記者會，向大眾交代比賽日期與細節。原本揚言要把林作打到「瞓低」的鍾培生受到網民的支持，但記者會後卻突然風向大轉，有不少網民都讚揚林作的高情商幽默對答，紛紛表示對他改觀，相反鍾培生不時中斷林作發言，又多次人身攻擊林作令網民大呼反感？

「林鍾一戰」拳賽細節

連日來讓大眾吃盡花生的林作鍾培生口水戰，日前終於將網上口水戰搬到現實，正式舉行記者會落實比賽日期。「林鍾一戰」記者會在3月6日星期六於鍾培生位於淺水灣的豪宅舉行，一出場已經霸氣十足的鍾培生佔盡主場之利，幾乎沒有正面望過林作一眼。

這場「林鍾」拳賽暫定於9月中舉行，到時會有四至六場拳賽，不單止有林作與鍾培生，還會有亞洲職業拳王級選手、網絡紅人、top band等演出，而這場拳賽將會以售票形式發售。

【GirlStyle Club送妳】RMK 皇牌底妝旅行套裝輕鬆打造通透底妝

口水戰對答口才滿分顯EQ

在定在九月的拳賽舉行前，二人就先在記者會展開了一場賽前口水戰，在對話中鍾培生多次沉不住氣打斷林作發言，又指著對方大罵對方是「piece of s**t」，火藥味十足。相林作面對著鍾培生的咄咄逼人仍然非常淡定，多次的幽默對答就被網民大讚EQ十足而且充滿笑點，一起來看看他們的對答精華節錄吧！

林：嗱，講一句公道說話，多謝鍾生舉辦呢場賽事。呢100萬對我嚟講係好重要嘅，對一般人嚟講可能呢100萬唔算得係乜，但係100萬呢，例如係已經可以醫到一個大病，所以呢100萬呢，絕對係我旁身嘅一大好重要嘅嘢。
鍾：醫返你個腦啊。

林：信心有嘅，做嘢好少無信心嘅，我好有信心。老實講，多謝鍾生俾到足夠時間去練，你話聽日打，要奉獻出一場精彩賽事不敢保證，但係你俾到時間我set係9月中呢，咁9月中呢林作就會係不同嘅人啦，好無啊，到時就會變成一個拳手，
鍾：piece of s**t ！piece of s**t ！

林：到時我就周街挑機啦，可以賺唔止100萬，可能成千萬
鍾：其實你一文不值囉，你無我你係一文不值囉，係我去比錢定到你嘅價位囉，無我你係一文都不值囉。
林：我仲有我啊媽嘅，我啊媽無你啊爸咁有錢姐，都有少少架大佬～係咪先～
鍾：S**t...

記者問鍾：Derek兩分鐘會唔會太多啊？你覺得你需要幾耐可以擊敗啊Jo（林作）啊？
鍾：如果我真係認真打呢，10秒就KO佢架了。但我成日都講，as i said，I will hurt him，I will humiliate him and I will f**king break him。

記者問鍾：有會員想問Derek怕唔怕打死林作？
鍾：佢有向師傅同佢操應該唔會死嘅，我本來諗住想搵殯儀館嘅sponsor，但我相信輪椅會好少少囉。

林：佢個培生培心啲會員...有漢奸（笑）呢幾日有啲話係佢會員但係佢撐我。
鍾：收X啦你無人撐你啊。

林：市面上好多人都係撐我，好多謝大家。
鍾：我真係想問呢，我代啲記者問下啦，你啲自信邊度嚟架？you piece of s**t你會唔會照鏡嘅時候好蒙羞啊覺得自己？
林：我嘅成就就係唔需要啲咩成就都可以坐喺度。

鍾：咁我覺得有樣嘢係真嘅，既係全香港得兩個人係會值得7位數字甚至8位數字比人打嘅，其中一個坐係我隔離囉。
林：另外個個係邊個啊？
鍾：..........

林：總之呢個係榮幸，我希望我嘅存在俾到香港好多普普通通嘅男士們，甚至女士們聽，我可以，你地都得，或許我地不能做富三代。
記者：可唔可以講清楚你係咪話你比人打得嘅時候人人都可以比人打嘅意思啊？
林：人人都可以俾人打，無錯，同人打交隻抽係我哋嘅自由，只不過出場費你要計清楚，俾100萬，打硬，10萬就未必。

鍾：即係好簡單，佢嘅人生啦，讀咁多書做咁多嘢都好，就係佢今日可以就坐喺我隔離囉，that’s all，即係天生我材必有用，而佢嘅價值就係俾人打囉。
林：所以讀多啲書，如果係成功嘅，你做到才子嘅都可以同我一樣有呢個身價，勵志嘅我覺得呢個故事。

記者問林：點解你會覺得你係讀得多書所以佢先想打你呢？
林：我覺得如果我係個普通人佢無咩興趣嘅，啱唔啱啊？佢都唔會日日周圍同人講話佢要用100萬打你啦，係米先。咁佢咁睇得起我，絕對係我榮幸啦。

林：其實各位，都想講應該我人生最大嘅成就就係今日呢一刻，如果人生林作係2021年3月5號係無成就，今日有啦，多謝（爆笑）。

記者問鍾：Derek你驚唔驚林作爆陰毒襲擊你嘅重要部位？
鍾：呢幾位記者朋友你哋zoom近啲佢個樣，你覺得呢pat屎可以做到啲咩出嚟？呢pat屎有無機會喺台上面，即係佢用任何陰招我咪揼爆佢，你zoom近啲佢個樣。And look at me I’m f**king champ！

網民風向大轉

經過呢一場賽前口水戰後，竟有不少網民表示對林作另眼相看，認為他對比起鍾培生顯得相當高情商，會自嘲之餘亦非常幽默，處之泰然的態度與鍾培生火氣十足的感覺非常大對比。就連原先支持鍾培生的部份網民都表示記者會後對鍾培生減分不少：「雖然對林作先生冇咩好感，但林生在記者會表現有風度，講野有深度，總好過個位有錢先生講黎講去都係個兩句英文粗口，粗口用詞都咁貧乏，真係窮得只剩下錢。」

「林作有class！鐘培生認真便輸了」、「鐘生好嬲」、「個人對佢地兩個不嬲都無咩好感，但今日記招，明顯林作Win左一場先，論EQ真係冇得輸，相反鍾培生就好似啲小學雞咁，真係好難睇。」、「雖然兩條友都好乞人憎但係經過呢役，我對林作加咗少少分係口才同轉數個度」

其實他們的對方仍有不少亮點與金句，但實在太多不能盡錄，有興趣的朋友不妨到鍾培生的YouTube頻道看完全版～

雖然兩方都有各自的支持者，但這次記招後似乎為林作挽回不少分數，大家又點睇呢？

Text：Girls editorial
Photo Source：YouTube@tvb、鍾培生，討論區

【鍾培生林作】百億富三代豪擲100萬現金挑機林作對打！林作死撐兩日後縮沙，即睇事件懶人包！

19 Feb 2021
近日，有「香港電競之父」和「百億富三代」之稱的鍾培生竟向林作開價100萬宣戰對打！而林作亦不示弱，上載了一張打拳的照片表示：「驚都未驚過，我打開！」二人於網上你一言我一語展開口水戰，網民亦吃盡「花生」紛紛留言猜那一邊會贏。來看看到底發生什麼事情吧！

「抄我100萬 ?」觸發擂台對打口水戰

互不相干的人為什麼突然展開罵戰呢？事緣是因為鍾培生近日開設了YouTube頻道，不但公開招女友，更表示打算每年都用100萬去回饋粉絲。表明人人有獎，永不落空，而獎品亦非常多樣化，有iPhone、按摩椅，連魚子醬都有。

剛巧林作早前就說過說需要籌集100萬港幣去給保險團隊請100人，林作眼見鍾培生都以100萬來作賣點，就到他的報導下留言：「抄我100萬？」

此舉似乎惹來鍾培生的不滿，認為他的行為有「抽水」之嫌，於是開Post對林作下戰書：「你咁想紅，我幫你，我地打一場，你贏咗我幫你找100萬，你輸左我都比30萬出場費你。」而且表明是真的要上擂台對打。

林作以「練拳照」反擊再邀贊助應戰

林作亦不甘示弱，立即Po Story誠邀健身打拳公司，與保險公司贊助，揚言夠贊助就馬上應戰，更上載了自己的「練拳照」表示從未驚過，自己都有練開拳。鍾培生亦在下面回應：「No bulls**t let’s go」催促林作快點應戰。

同時亦有開Post問網民意見，但似乎大部份網民都對鍾培生比較有信心，紛紛表示支持鍾培生「教訓」一下林作：「你都應該比人教訓架啦。」、「知唔知你對手曾經係拳手？」、「撐你比人打死」

【GirlStyle Club送妳】RMK 皇牌底妝旅行套裝輕鬆打造通透底妝

之後林作再出Post表示要發起眾籌：「我需要各位每人貢獻70蚊PayMe 或 FPS 我。1萬位就會有70萬。到時，同佢死過！」此Post再引來鍾培生親自回應，叫林作不用眾籌，他願意直接給予100萬，為的就是要與他對打一場：「你唔使呃香港人錢，你有一球就肯打，冇問題港幣1,000,000你贏輸都有，我依家book場，搵production，同寫合約，你唔好縮沙就OK No bulls**t let’s go」

林作再拍片以200萬要求鍾培生俾自己「打一獲」？

面對鍾培生的來勢洶洶，林作突然提議倒不如反過來，由他出錢200萬叫對方被自己打：「我俾200萬你，你俾我打一鑊，最好睇。」網民紛紛留言取笑林作，笑言200萬對於身家雄厚的鍾培生來說尤如「散紙」：「你俾兩億人地都唔希罕」、「笠水就笠水啦，講經咩」、「諗成晚原來係諗點落台」

林作翌日疑縮沙，鍾培生曬100萬現金再邀戰

除了提議給予200萬，林作更疑似擺媽媽上枱，出Post表示自己非常忙碌，無暇顧及鍾先生的邀約。網民紛紛留言指責林作以媽媽作為藉口，其實是想「縮沙」：「開始笠水」、「怯就輸一世嫁啦！係咪男人先」、「你打定你阿媽打呀？」、「你上一上台舉白旗都有一百萬架啦」、「有啲失望」

之後他再上載了一段影片，表示正為應戰調理身體，個其實只是承機為活髮中心賣廣告。

而鍾培生就上載了一張手拿整整100萬現金的照片，催促林作快點出來應戰：「林作呢度100 萬你簽左就係你嘅，我本身唔識你，你零誠信令我睇唔起你。唔該你唔好再抽我水，我唔想同你拉上任何關係。擂台面前人人平等，你要借我上位擂台見。我相信打得成，會係近年來香港人最開心嘅事，No bulls**t let’s go」