張致恆老婆雯雯IG否認走數反斥債主Naomi？千字文爆經濟困境借財仔：我哋去到絕路

By Sherry on 15 Mar 2021

Digital Editor

張致恆（Steven）最近醜聞不絕，早前被爆欠債不還更疑似被貼街招追債。最近再被?模債主馮鎵瀠（Naomi）公開追債後，更被指電話已停用和搬屋玩失蹤避債！潛水近2個月後，張致恆老婆區燕雯（雯雯）突然在Instagram發千字文，大訴苦水自爆他們一家已經「去到絕路」，甚至會借財務公司還錢給各方好友，並反斥Naomi「唔好騷擾我嘅家人」

張致恆（Steven）最近陷入經濟困境，被指曾到處向親戚友人借錢，有傳關智斌（Kenny）、張彥博及林盛斌（Bob）都曾借錢給他。其中一位好友?模Naomi，更因他半年遲遲不還錢而公開追債，質問他：「點解有錢請工人，有錢買新電器，但無錢還返俾我？」引起各方輿論。

失蹤避債？

事件發生後，有消息指更在元朗村屋外被發現貼滿向張致恒追債的街招，張致恆的電話亦打不通，一家四口更搬離村屋，疑似玩失蹤避債。事隔兩個月，老婆雯雯終於更新Instagram回應事件，否認走數之嫌，更打千字文向債主Naomi議論。

雯雯千字文回應Naomi

老婆雯雯疑抵受不住輿論壓力而清空照片，追蹤的用戶都歸零，看似不再打算使用IG。昨日上載的唯一一則帖文，一開始就點名「Naomi小姐」，繼而作出道歉，指「好感激你願意借出二萬元幫助我們家庭，亦好抱歉我哋遲咗還俾你影響到你嘅生活。」

在 Instagram 查看這則貼文

@aumanmannnn 分享的貼文

雯雯對「消失潛水」的說法作出澄清，她指他們一家已經「去到絕路」，並承認日前又被比財務貼街招甚至追上門。她指日前已借財務公司並還了一萬元給Naomi，並承諾2個月內盡她所能還清剩餘的一萬元。

大鬧Naomi追債搞埋屋企人

雯雯繼而就Naomi的追債行為作出議論，認為Naomi不應該騷擾她的家人。雯雯指「我嘅家人係無辜嘅，你要嬲要追我哋還錢可以嚟搵我哋一家四口，但係點解叫我哋還錢嘅時候，要用我屋企人嚟威脅我哋去還錢俾你，點解要講到搵人去騷擾我嘅媽媽拎返屬於你嘅錢。你有咩不滿可以嚟搵我，希望你可以放過我嘅家人」

雯雯再詳細交代他們倆的財務苦況，指：「每次有收入嘅時候，我哋都有逐一去還錢比人，當然我哋冇本事冇能力可以立刻每一個人都即刻還清，但係我哋一家人已經好努力去慢慢逐個親朋戚友去還錢俾你地。」

解釋生活並不富貴

對於日前被罵一家生活富貴，雯雯再詳細交代家中苦況，指：「另外我好想講，我而家嘅生活一啲都唔稱得上富貴」指住村屋住得好遠又偏僻，而且「唔係住晒三層我都只係住地下。」再次動之以情：「我已經好努力盡力去生存，我希望大家可以高抬貴手」

除了有工人，買新電器，買玩具之外，雯雯對於被鬧「有錢養狗不還錢」特別感到委屈，解釋自己已養了狗狗8年，甚至是尚未和張致恆交往前已經在養，即使現在沒有經濟能力都不會棄養。

張致恆日前都有交代：「工人係兩年前已經請嘅，我老婆所講嘅電器都係用電話儲落嚟嘅積分換嘅，兩個仔着嘅都唔係名牌，再加上好多佢哋嘅玩具同埋衣服好多都係佢哋阿婆同埋一啲朋友買來送俾佢哋嘅。」

雯雯亦指自己並沒有買玩具給兒子：「我買玩具俾我小朋友，唔通我喺美國嘅親戚，甚至我香港嘅朋友又或者家人，佢地比一封利是，叫我買嘢食買個玩具比我嘅小朋友，我都有罪？我兩個小朋友咁細，係咪就唔可以有佢哋嘅童年？」

反擊「爭人錢唔代表我係罪人」

雯雯最後表示：「爭人錢唔代表我係一個罪人，爭人錢係咪代表我唔可以生活唔可以生存？」最後就指希望大家可以俾少少時間空間他們一家，並承諾會付責任還錢，不過大前提是「每個月可以生存到之餘亦可以去逐一還返錢俾你地。」此回應未知各位債主會否收貨呢～

Text: GirlStyle Editorial
Photo Source: IG @stevencheung, @naomifky, @aumanmannnn

傳張致恆到處「借錢唔還」被踢爆！有錢請外傭、頻換新電器卻冇錢還：條路太難行

27 Jan 2021

張致恆（Steven）前年突然宣布與粉絲雯雯奉子成婚，被爆出他一腳踏五船醜聞後被封世紀賤男後，形象插水兼工作量大減。婚後與老婆搬到村屋養了三隻小狗，去年更宣布再做人父再添一子。房租、工人姐姐、再加上照顧兩子與做全職媽媽的老婆絕非容易之事，正當大家質疑單靠他一人的收入是如何應付得來的時候，近日就有報導指出他仍然到處借錢欠下一大堆街數，更被嫩模Naomi出Post開名追數，直指他有錢不還！

被指到處欠債兼遲遲不願還

Steven自從爆出醜聞後，形象一落千丈，幾乎消失在演藝界。在工作量近乎零、欠債纍纍同時又要養家之際，當時關智斌和鄭希怡亦有伸出緩手合共借出了十萬給他度過難關。近年似乎已經修心養性的他，努力賺錢養家，據知他為了應付家裡的開支，密密到內地拍電影，又出商場活動搵真銀。

正當大家認為他們一家四口樂也融融時，早前他老婆卻以長文公審Steven。內容大概是當天她拿著很多東西包括電器，於是向Steven叫姐姐到村口幫忙拿，怎料等了逾十分鐘都未見人影，於是便再次致電Steven，Steven竟表示：「姐姐好忙，所以唔知點樣叫佢出嚟」令她大感無奈。

嫩模Naomi出Story開名追數

雖然Steven未有作出回應，卻意外觸動了與他相識多年的好友嫩模馮鎵瀠（Naomi）的神經。她看到雯雯的公審Post外感到非常生氣，原因是她曾借了5位數的金額給Steven，但對方一直遲遲未還，直至她看到Steven老婆的公審Post後，才得知對方仍有錢買新電器，還請了工人，自己反而因為停業而要節衣縮食，對此感到十分氣忿。

【GirlStyle Club送妳】RMK 皇牌底妝旅行套裝輕鬆打造通透底妝

她先後在IG出Post直指自己正在停業很窮，欠她錢的人請快快還錢，亦暗示：「點解有藝人有錢請工人，有錢買新電器，但無錢還返俾我？」矛頭直指向Steven。

被指是借錢慣犯，IG長文道歉並澄清

因為被指是借錢慣犯，於是Steven在IG上載了一張黑雲密布的照片並配以長文：「早喺一年多前因為自己做錯嘅事而令到自己嘅工作完全停頓，喺嗰陣時完全冇收入，迫於無奈下問咗好多朋友借錢，亦都好感恩有好多朋友出手相助先捱得過一段時間，我亦都試過搵過好多工做過好多唔同嘅行業，因為疫情影響底下被炒過好多次。

「我有努力工作搵錢希望可以支撐到屋企之餘仲可以還到錢俾朋友，但係而家嘅路實在太難行，工作完嘅收入都唔夠屋企開支，想淨少少錢還俾朋友都唔得，令到有好多朋友都好唔開心，我喺度要同所有借過錢俾我嘅朋友道歉，一直以來我都還唔到錢俾你地真係對唔住，喺嚟緊嘅日子我一定會盡力去工作還錢俾你地！」

之後他又澄清外界指他有錢不還的報導：「我想回應一下新聞所講嘅嘢，工人係兩年前已經請嘅，我老婆所講嘅電器都係用電話儲落嚟嘅積分換嘅，兩個仔着嘅都唔係名牌，再加上好多佢哋嘅玩具同埋衣服好多都係佢哋阿婆同埋一啲朋友買來送俾佢哋嘅，至於點解唔搬返觀塘住，係因為阿爸阿媽嗰度係屋村，而我哋有三隻狗，屋村唔俾養狗，老婆養呢三隻狗都已經五年以上，所以如果要搬返去住就唔可以繼續養佢哋，所以先搵咗村屋住」