林作聘秘書10大條件！須「真心傾慕林作」隨傳隨到親密無間，網民建議爆笑最佳人選

By Sherry on 08 Apr 2021

Digital Editor

言行出位的林作自答應鍾培生的「百萬拳賽」後，人氣扶搖直上，不過網民對他的評價持兩極化。從事保險的他，近日就在Facebook上急聘一位保險秘書為其工作，更列出10大條件，當中包括「早已傾慕林作」、「隨傳隨到」等等要求，網民紛紛認為十分苛刻，笑指只有林作媽媽王莉妮和10A前女友麥明詩才能勝任。

林作近日除了忙於練拳健身外，都致力發展自己的保險團隊。他昨日在Facebook公開招聘一位秘書，指由於團隊已超過40人，原有秘書工作壓力太大，需負責保單外，還需管理新人考試入職等事務，準備考試的人現已超過十幾位，故現急聘多一名秘書，最遲5月起入職。

林作列出了10項職責和條件，當中一些要求十分特別，聘請的是「總監級秘書」，但就解釋「團隊仍未達到總監級人數」，所以人工不會太高。條件的第一項是必須「真心欣賞林作」，還指明是要「早已傾慕」十分嚴格。

1.你要真心欣賞林作。不能是繼拳賽記者會後才開始，必須是早已傾慕。我很注重忠誠度。沒有忠誠度，不請。
2. 要有從事保險經驗。本人不能重新培訓一個新人，沒有這個時間，業務繁重，而本人將會是打破本公司紀錄兩年間成為總監的第一人，聘請的秘書會是總監級秘書。處理文書能力必須一流。

3. 年紀並無限制，但確實不能太年輕，否則難以管理 #林作保險幾十人團隊。
4. 需要有良好英語溝通能力，主要是寫，因為本人私底下基本上用英文。
5. 需要沈實型，工作時間必須在，能夠做到隨傳隨到，主要是電話上溝通。要有交帶，做事有條理，真正像個秘書。我需要WhatsApp上是個喜歡回覆人，多嘢講的人，不能沈默寡言。但不能煩。You must know your place.

除了性格和忠誠有限制外，工作範圍都包括拍片、經營社交媒體。他還特別要求秘書需要「本人其他方面的工作」和保持「親密無間」的長期合作關係。

【GirlStyle Club送妳】LUNASOL Nail Color美甲油讓指尖散發bling bling光彩

6. 公私分明，不搞派系，不搞小圈子，有禮貌，對人尊重，做人嚴謹。
7. 有拍片及運用 Social Media 能力。因為本人完全靠呢味為生。
8. 本人聘請的是 executive assistant, 需要幫助埋本人其他方面的工作，例如本人可能會參與節目拍攝方面需要的支援。
9. 本人期盼的是長期的合作，我們會親密無間。如果你不是打算建立長遠事業，非誠勿擾。
10. 鑒於本人目前團隊仍未達到總監級人數，目前開始的人工不會太高，但承諾在一年後本人升值後商討合理價格。我們是細價股，但可能是全港最激動人心的團隊。而你的老闆，將會是林作。

林作表示會優先考慮現任其他團隊的秘書，希望能挖角獲得快上手的人才。他更以「人生變得更有趣，事業可能更廣闊」來形容這份工作的優勢，並霸氣的呼籲秘書們「跟我。」

網民都紛紛好奇職位的工資大概到底有多少，認為林作列出要求不少，形容需要「三頭六臂」才能勝任，至少6-7萬才合理。有網民就認為「第一項」的條件最難符合，認為符合資格的人選很少，未必人人願做。

網民紛紛給予秘書人選建議，認為要真心傾慕他的就只有他的媽媽王莉妮，指媽媽完全符合條件，而且是位可免卻工資的人選。

網民亦建議了另一位難得符合資格的人選就只有前女友麥明詩，她除了擁有10A高學歷外，性格和才能都十分符合。

Text: GirlStyle Editorial
Photo Source: 林作Facebook

【林作鍾培生】記招後網民轉軚撐林作！淡定幽默對答獲讚EQ高，網民：對林作改觀

8 Mar 2021

【林作鍾培生】林作一句：「抄我100萬？」惹怒「富三代」鍾培生而觸發的對打拳賽，終於在星期六（6/3）正式舉行「林鍾一戰」簽約記者會，向大眾交代比賽日期與細節。原本揚言要把林作打到「瞓低」的鍾培生受到網民的支持，但記者會後卻突然風向大轉，有不少網民都讚揚林作的高情商幽默對答，紛紛表示對他改觀，相反鍾培生不時中斷林作發言，又多次人身攻擊林作令網民大呼反感？

「林鍾一戰」拳賽細節

連日來讓大眾吃盡花生的林作鍾培生口水戰，日前終於將網上口水戰搬到現實，正式舉行記者會落實比賽日期。「林鍾一戰」記者會在3月6日星期六於鍾培生位於淺水灣的豪宅舉行，一出場已經霸氣十足的鍾培生佔盡主場之利，幾乎沒有正面望過林作一眼。

這場「林鍾」拳賽暫定於9月中舉行，到時會有四至六場拳賽，不單止有林作與鍾培生，還會有亞洲職業拳王級選手、網絡紅人、top band等演出，而這場拳賽將會以售票形式發售。

【GirlStyle Club送妳】RMK 皇牌底妝旅行套裝輕鬆打造通透底妝

口水戰對答口才滿分顯EQ

在定在九月的拳賽舉行前，二人就先在記者會展開了一場賽前口水戰，在對話中鍾培生多次沉不住氣打斷林作發言，又指著對方大罵對方是「piece of s**t」，火藥味十足。相林作面對著鍾培生的咄咄逼人仍然非常淡定，多次的幽默對答就被網民大讚EQ十足而且充滿笑點，一起來看看他們的對答精華節錄吧！

林：嗱，講一句公道說話，多謝鍾生舉辦呢場賽事。呢100萬對我嚟講係好重要嘅，對一般人嚟講可能呢100萬唔算得係乜，但係100萬呢，例如係已經可以醫到一個大病，所以呢100萬呢，絕對係我旁身嘅一大好重要嘅嘢。
鍾：醫返你個腦啊。

林：信心有嘅，做嘢好少無信心嘅，我好有信心。老實講，多謝鍾生俾到足夠時間去練，你話聽日打，要奉獻出一場精彩賽事不敢保證，但係你俾到時間我set係9月中呢，咁9月中呢林作就會係不同嘅人啦，好無啊，到時就會變成一個拳手，
鍾：piece of s**t ！piece of s**t ！

林：到時我就周街挑機啦，可以賺唔止100萬，可能成千萬
鍾：其實你一文不值囉，你無我你係一文不值囉，係我去比錢定到你嘅價位囉，無我你係一文都不值囉。
林：我仲有我啊媽嘅，我啊媽無你啊爸咁有錢姐，都有少少架大佬～係咪先～
鍾：S**t...

記者問鍾：Derek兩分鐘會唔會太多啊？你覺得你需要幾耐可以擊敗啊Jo（林作）啊？
鍾：如果我真係認真打呢，10秒就KO佢架了。但我成日都講，as i said，I will hurt him，I will humiliate him and I will f**king break him。

記者問鍾：有會員想問Derek怕唔怕打死林作？
鍾：佢有向師傅同佢操應該唔會死嘅，我本來諗住想搵殯儀館嘅sponsor，但我相信輪椅會好少少囉。

林：佢個培生培心啲會員...有漢奸（笑）呢幾日有啲話係佢會員但係佢撐我。
鍾：收X啦你無人撐你啊。

林：市面上好多人都係撐我，好多謝大家。
鍾：我真係想問呢，我代啲記者問下啦，你啲自信邊度嚟架？you piece of s**t你會唔會照鏡嘅時候好蒙羞啊覺得自己？
林：我嘅成就就係唔需要啲咩成就都可以坐喺度。

鍾：咁我覺得有樣嘢係真嘅，既係全香港得兩個人係會值得7位數字甚至8位數字比人打嘅，其中一個坐係我隔離囉。
林：另外個個係邊個啊？
鍾：..........

林：總之呢個係榮幸，我希望我嘅存在俾到香港好多普普通通嘅男士們，甚至女士們聽，我可以，你地都得，或許我地不能做富三代。
記者：可唔可以講清楚你係咪話你比人打得嘅時候人人都可以比人打嘅意思啊？
林：人人都可以俾人打，無錯，同人打交隻抽係我哋嘅自由，只不過出場費你要計清楚，俾100萬，打硬，10萬就未必。

鍾：即係好簡單，佢嘅人生啦，讀咁多書做咁多嘢都好，就係佢今日可以就坐喺我隔離囉，that’s all，即係天生我材必有用，而佢嘅價值就係俾人打囉。
林：所以讀多啲書，如果係成功嘅，你做到才子嘅都可以同我一樣有呢個身價，勵志嘅我覺得呢個故事。

記者問林：點解你會覺得你係讀得多書所以佢先想打你呢？
林：我覺得如果我係個普通人佢無咩興趣嘅，啱唔啱啊？佢都唔會日日周圍同人講話佢要用100萬打你啦，係米先。咁佢咁睇得起我，絕對係我榮幸啦。

林：其實各位，都想講應該我人生最大嘅成就就係今日呢一刻，如果人生林作係2021年3月5號係無成就，今日有啦，多謝（爆笑）。

記者問鍾：Derek你驚唔驚林作爆陰毒襲擊你嘅重要部位？
鍾：呢幾位記者朋友你哋zoom近啲佢個樣，你覺得呢pat屎可以做到啲咩出嚟？呢pat屎有無機會喺台上面，即係佢用任何陰招我咪揼爆佢，你zoom近啲佢個樣。And look at me I’m f**king champ！

網民風向大轉

經過呢一場賽前口水戰後，竟有不少網民表示對林作另眼相看，認為他對比起鍾培生顯得相當高情商，會自嘲之餘亦非常幽默，處之泰然的態度與鍾培生火氣十足的感覺非常大對比。就連原先支持鍾培生的部份網民都表示記者會後對鍾培生減分不少：「雖然對林作先生冇咩好感，但林生在記者會表現有風度，講野有深度，總好過個位有錢先生講黎講去都係個兩句英文粗口，粗口用詞都咁貧乏，真係窮得只剩下錢。」