Error 193郭嘉駿引「三爺蝴蝶效應」掀熱議！網民：由唔睇電視到煲曬ViuTV啲節目！

By Sammi on 10 May 2021

Senior Editor

Error 193（郭嘉駿）三爺因一句言論串爆大台TVB「收視得幾百部電視機，我哋唔理好耐」而瞬間爆紅，近日有網民在連登討論區以「Error 個193 真喺蝴蝶效應」為題，形容193當初的大膽言論已變成了港人「蝴蝶效應」，不少網民都分享自己最近的變化！

「蝴蝶效應」的意思是一種連鎖效應，意思即是一件表面上看似沒有關係或非常微小的事情，但卻會帶來極巨大的改變。該樓主以「Error 個193 真喺蝴蝶效應」發帖，表示自己因為三爺串TVB，令到他重新認識viutv：「睇花姐error遊睇到停唔到，依家仲買飛睇mirror 個演唱會！」

# 因193三爺而煲曬ViuTV啲節目

不少網民都十分讚同這個說法，表示自己是因為193，留意到Error，再聽Mirror的歌」，引起了連帶關係！有網民更稱連帶自己留意到Mike導拍的節目，亦有看ViuTV早前受熱議的《美女郊遊遊》，將準備看《大海男兒》。

有網民分享因為193而翻看《全民造星》，亦有看回《花姐Error遊》，再看《考有FEEL 》，連家中default 電視台都由332變成99。有網民更表示：「我都係193個句野先留意Error，亦都睇左好多error 既野，Fb live 真係睇足一個鐘」、「由唔睇電視到煲曬Error啲劇」

有網民認為自己之前一直都是用恥笑mode看Error，直至193個訪問之後才對他們改觀！

# 叱吒救咗Mirror 曾志偉救咗Error

不少網民表示因為當初Mirror成員在叱吒獲多個獎項，而姜濤更是拿下了「我最喜愛男歌手」，以實力及人氣取勝，令人重新認識Mirror。曾志偉則因一句從來沒有收視壓力，因為「ViuTV得4點收視，我們收視最高有廿幾三十點，追上來要很長時間。」，而引來真性情等193串爆曾志偉，瞬間爆紅！

有網民認為因為193而帶起了其他Error成員翻紅：「193真係救左error，我都係193串J2同收視盒先開始睇error D節目」、「我依期都睇Viutv多左….識分Error嗰4個人」

# 由不認識Mirror和Error到變成粉絲

有人更稱自己本身完全不認識Mirror和Error，但因為193令他愛上他們，更變成了粉絲～

同時也有人笑言TVB邀請曾志偉回巢擔首席創意官根本是神助攻Mirror及Error兩隊組合，直言想不到Mirror出道這麼久都不是超紅，但是因為所謂大台搵人扮姜B，於是全城開始留意姜B及他的歌！

同時又稱：「Error出道咁耐都唔係咁紅，就係因153無啦啦串人地，比193反擊，」於是全城開始留意193同佢條team」，因為TVB神助攻，令到Mirror Error 的廣告舖天蓋地接到手軟！

# 網民力撐193三爺救了「香港娛樂圏」

有網民認為193不單是救了Error及ViuTV，同時也救了香港娛樂圏～有網民表示自己已經很久沒有煲劇或是開電視看，連睇YouTube channel都沒有看，早就跟社會脫了節，就像只活在自己世界，不過自193三爺的言論，令他重燃看電視的樂趣，有追看《Error遊》及《自肥》，發現自己跟其他人有共同話題。

有網民更大讚Error是一隊很努力的組合，即使當初沒有認識，但是都會盡100分的努力及用心去做到最好，終等到機會來到，證明努力過絕不會白費。

# 193三爺節目中出位的勇敢表現

相信不少人都有重溫過193不少ViuTV的節目，如果你還未觀看，以下就為大家精選193過往在節目中的勇敢超癲行為，一起來看看吧～

# 斷手上彈表演

193之前因《全民造星》比賽期間觸到手臂舊患而令韌帶撕裂導致甩骹，要花上十多萬做微創手術。即使手臂有多痛楚，但是向來敬業的他依然帶傷上陣單手表演！

# 食屎味咖哩

193曾在《花姐ERROR遊》的尾段被安排吃一道極重口味的料理，就是與隊員吃「屎味咖哩」，更由著名AV男優清水健親手餵193食，不過就吃到他大標眼水的：「人生食過屎，有咩做唔到！」同時也疑惑：「其實最主要係唔知係咪咖喱，因為真係冇咖喱味，我唔知係咪真係食緊屎。」

# 勇於入犬鳴隧道探靈

在日本福岡縣的犬鳴隧道是出名的靈異地方，那裏曾有一位在附近駕車的男子被兩位不良少年騎劫汽車，更被他們帶來了這隧道淋汽油活活燒死。後來不少人來到這裏探靈，都疑似精神失常或會遇上厄運。

193為了不想讓觀眾看他不起，就曾試過來到犬鳴隧道探靈，期間遇到一些怪異事情，如覺得自己從後被推、見到遠處有光等。

# 接受小強淋浴挑戰

在節目《花姐ERROR遊2》中，193雖然本身很怕動物，但是也勇於接受「小強淋浴」的挑戰，有數千隻曱甴在頭頂倒下，然後全身爬滿曱甴，畫面超驚人，相信觀眾看都已感到「毛管戙」！

Text: GirlStyle editorial
Photo Source: Instagram＠deniskwok193、facebook、viutv、連登討論區

193訪問霸氣反擊大台爆紅！7件事帶你重新認識ERROR 193，網民：娛樂圈清泉

10 May 2021

ViuTV 近年製造的劇集、綜藝節目都往往能夠引起時下不少年輕人的共鳴，無論是掀起全城熱話的大騷《全民造星》，還是精品偶像劇《男排女將》都彷彿能夠重現以往「電視汁撈飯」，令觀眾準時扭開電視收看節目，絕對打造了電視界的另一個新時代！

而在過去星期日舉辦的破格選美節目《最後一屆口罩小姐選舉總決賽》亦在網路掀起了不少熱話，反之，大台卻以老派獎門人風格的《開心大綜藝》對撼，觀眾不但表示「笑唔出」，更引來劣評如潮！

事後 ERROR 成員 193（郭嘉駿）接受媒體訪問的霸氣言論更成為焦點，不但抵死地串爆大台：「冇乜機會打贏，佢哋40幾歲老嘢睇，幾百部電視機收視我哋冇理好耐。」當回應曾志偉形容ViuTV節目偏門，只能與J2台比較時，193更霸氣表示：「咩叫J2？40幾歲仲做後生仔嗰個？」因為訪問一針見血而一夜爆紅的193，大家又對他有幾了解呢？