酒店員工呻港客「愛投訴+?著數」！要求遲退房、生日要有蛋糕，被Staycation群組反擊？

疫情肆虐下，不少港人都愛到本地酒店來個Staycation解解「旅行癮」！從國際客變到只剩本地客，酒店業亦開始怨聲四起，大呻港客難搞？

隨住Staycation的興起，本地大大小小的酒店都紛紛推出不同的package與優惠吸客，社交平台上亦有不少群組供Staycation愛好者交流入住心得和各種優惠，好讓大家可以在Book酒店前以此作為參考。

酒店員工出Post呻港人難服待

近日，有位酒店員工在Facebook Page「香港酒店工會」中出Post，文中大呻KOL和Blogger不斷鼓吹「住平酒店」，又教人如何「?著數」，令到酒店員工非常難做。他續說雖然理解在疫情期間酒店業需要依靠本地客才能繼續營運，但本地客就經常想以最著數的價錢去享用最多的服務，時不時又在網上批評服務，直言他們是「將快樂建築在別人痛苦身上」。

這帖文引起網民討論，有部份網民留言表示有同感：「唔該你哋啲香港人，唔好成日郁啲就投訴、?著數，要Early Check-in、Late Check-out啦！」、「以前做遊客生意，人哋個個真金白銀俾正價嗰時都無依家啲人咁多要求。」

Staycation群組反擊

另外，疑被暗指鼓吹住平酒店的Facebook群組「Staycation HK Hotel – 留港宅度假 本地酒店住宿優惠」管理員亦有出Post回應事件。他先澄清自己的群組從來沒有發過任何鼓吹住平酒店的Post，並提出一個市場定律回應「酒店如果真係好生意，入住率高，可以唔使減價！」，他認為酒店以減價去維持入住率或營運，是很多行業在疫情下正在實行的事情。

對於該酒店員工指本地酒店客難服待，他就認為客人與職員是相向的，有麻煩客人同時亦有態度差的職員。其實每個行業都會有機會面對麻煩客人，更表示：「莫非佢哋想變成航空業，一日見一個客入嚟都難？」

管理員的反擊受到不少網民的支持，亦有部份網民留言分享買了酒店package但貨不對辦的經驗：「其實我只係要佢俾返我買嘅package包嘅野」、「到時連本地客都無埋又要嘈」、「呢個疫情，大家都好難捱，有份工已經係贏家。」、「住過幾次，我覺得酒店從業員服務好好喎。」

酒店業界與客人各持己見，每個行業與客人都各自有不同看法，大家又點睇呢？

Text：Girls editorial
Photo Source：Facebook@Staycation HK Hotel、香港酒店工會，愛回家、百星酒店劇照