193祝賀粉絲結婚不忘搞笑！卻疑被打手抹黑？事後被踢爆假扮「老婆」發文！

By Daphne on 08 Jun 2021

Senior Editor

喜歡陽光卻怕曬黑，喜歡吃卻怕胖，喜歡懶卻又沒錢的強逼症患者。

人紅自然多是非，近期於網上 hit 爆的 Error 成員 193（郭嘉駿）就連日成為網民熱議的對象，上至他在個人社交媒體的一言一行，下至他新派台的單曲《睡到三點》都惹來不少網民的激烈反應！近日更有網民就疑似於討論區假扮「老婆」（193粉絲統稱）抹黑193，令不少人質疑近日似乎有打手刻意想打擊 193 的高人氣？

網民覺得193走火入魔？《睡到三點》反應兩極

早前有網民在連登討論區以「覺唔覺193開始走火入魔？」為題，以回應193 instagram story 上批評《睡到三點》的網民：「其實大可以返去睇流行經典幾十年，橫掂我嘅target audience都唔係老土保守派」。不少網民控訴193漠視負評，更接受不了中立網民的意見：「話人唔接受新事物，好似話佢首歌難聽就等於老屎忽」。

不過亦有不少網民力撐三爺，認為《睡到三點》的節奏、旋律也相當上腦、易記，而歌曲的原意亦只是屬於 193 自肥計劃的副產物，對於非專業音樂人的他來說，能夠在如此短時間內完成一首歌，成果已經算是很不錯！

分身扮忠實「老婆」發文帶風向唱衰193？

一波未平，一波又起！昨晚就再有網民開帖聲討193，他以「我老婆係193 fans」為題，內文指出他老婆是193的忠實粉絲，而他們在結婚前就特地私訊偶像193，希望能夠獲得來自他本人的祝福！

這位網民聲稱，原本滿心歡喜的他卻被193「鬧返轉頭」，內文更附上一片193的影片，他在片中更相當招積地講：「你當我係免費 X 啊？你叫我做就做啊？好吖！我祝你地結完再結，係咁結啦！」

原片來自經理人濟哥！網民炒車死撐？

雖然有不少網民都認為 193 只是為了效果開玩笑，更貫徹他一向以來的牙尖嘴利個性；不過另一邊廂亦有不少網民直斥他「死mk以為自己好型」、「未見過把口咁臭嘅偶像」、「咁唔係叫率直、貼地囉」

不過很快就有真「老婆」為193澄清，片段其實是來自於 ERROR 經理人濟哥！他正在為 ERROR 四子拍攝一個名為「每日一問」的 ig story 環節，而另外三子亦有拍片，力證193絕非如發文者所說的「貪玩咒粉絲」，而且性質亦屬搞笑居多！

有眼利網民亦發現，連日來各大討論區中亦出現了不少疑似「打手」的用戶發文帶風向，而且大部分亦是對 193 的負面評價！

＞＞即睇193 ig story原片＜＜

現在網路上的資訊發達，有時單憑一段片段、或一張照片也未必能夠看出整個故事的全貌！各位網民記得要保持理性分析，避免炒車啊！

Text：Girlstyle Editorial
Photo Source：lihkg、instagram

193發文反擊《睡到三點》難聽？揶揄不懂欣賞是「老土派」，粉絲都唔撐：真心難聽！

Error 193（郭嘉駿）近來人氣激增，個人單曲《睡到三點》推出 3 星期點擊率已破120萬，不過歌曲有人讚有人彈，有不少網民指出歌曲不好聽，但是 193 對此似乎並不接受意見，今（7/6）出 IG Story 反擊網民稱「接受不到是老土保守派」？此帖文一出瞬間掀起連登討論區熱議，有粉絲都唔撐：「真心難聽！」

# Error 193 反擊「老土保守派」

Error 193（郭嘉駿）推出的個人單曲《睡到三點》不是人人懂欣賞，因受到不少網民的批評，193 今在IG Story 回應：
「接受唔到新事物
接受唔到新派歌詞
接受唔到新曲風
接受唔到autotune 嘅質感
其實大可以返去睇流行經典幾十年
橫掂我嘅target audience都唔係老土保守派」

# 193 接受唔到畀人話唱歌難聽？

今（7/6）在連登討論區亦有網民就 193（郭嘉駿）此IG Story 出帖文，以「覺唔覺193開始走火入魔？」為題稱 193 完全接受不了別人指他的歌難聽：「一味淨係識話返人轉頭唔接受新事物，好似話佢首歌難聽就等於老屎忽」。

該樓主更利申表示自己本身是喜歡 193，亦有聽過這類風格的歌，所以只以客觀角度去評價歌曲不好聽，更建議 193 應要學會接受別人意見：「接受人哋嘅意見努力改善吓，證明俾人睇你係唱得仲好啦」

# 網民一面倒圍插 193 「難聽同新派係兩回事」？

此帖文一出，隨即引起了大批網民的留言，網民卻近乎一面倒圍插 193（郭嘉駿）唱得不好聽：「難聽還難聽新事物還新事物」、「咩叫新派歌詞，有幾新派啊，言之無物加新派兩隻字落去掩飾就當新野」、「難聽同新派係兩回事嚟」、「又唔算新事物又唔好聽」

有網民就覺得不關歌曲《睡到三點》的問題，認為是 193（郭嘉駿）唱得不好：「係佢把聲都幾難聽下，但係幾洗腦嘅」、「其實唱到有啲黐脷筋咁」、「唔關歌詞曲風 autotune事，得罪講句，其實係佢唱功問題」

# 連粉絲都不撐 193？

當中也有不少粉絲本身是喜歡 193（郭嘉駿）的，但是亦認同 193 唱得不夠好：「真心難聽，特別係啲英文讀音」，認為他英文不好就不要加過多英文歌詞。

「真係唔想睇住佢玩完，希望佢明白話佢首歌唔好既人唔代表就係hater 好似我咁我都覺得首歌好一般。」、「唔讚首歌既人就等於唔識野守舊？大佬首歌好唔好真係好主觀㗎喎，呢啲野有讚有彈好正常」，並續稱自己本身喜歡193，但是怕再這樣下去或會對他反感。

# 有網民就認為 193 做人要謙卑一點？要接納別人意見？

有網民就覺得 193（郭嘉駿）入娛樂圈做人應要謙卑一點，望他能學會調整一下自己心態，不要自視過高，更不想會看到他的人氣由天堂跌回地嶽，同時也希望 193 可以認真聽聽別人的意見，而並非只看留意那些稱讚他的留言！

有粉絲就希望3爺點到即止，同時也表示autotune是10多年前就有人做緊，但是覺得 193 的《睡到三點》tune完反而難聽了，所以不應該罵不欣賞這曲的人是「老土保守」反而要學會做人謙虛一點：「希望佢識放識收，stay喺呢行真係要humble啲，主要佢嘅實力並唔容許佢講呢啲說話」、「純粹俾意見希望佢可以改善下咋喎，有冇咁玻璃心」