「06年叱吒再揀多次男金，陳奕迅定古巨基？」掀熱議！愛得太遲不應輸富士山下？

By Sammi on 15 Jun 2021

Senior Editor

香港樂壇在2000年代後曾由新一代樂壇歌手大放異彩，推出過至今仍街知巷聞的經典歌。早前有位網民（樓主）就在「連登討論區」出post 問：「06年叱吒如果再揀多次男金，會揀陳奕迅定古巨基？」，此帖文一出，隨即掀起極高討論度！不少網民都戥古巨基感不值？

#「次次一有陳奕迅，古巨基就二奶命」？

早前有網民就出帖文，內容提及在 2006 年應是香港樂壇最後一個全盛時期，當年由兩位男歌手陳奕迅與古巨基鬥到難分難解，點出陳奕迅當時的上榜歌曲有富士山下、最佳損友、落花流水、裙下之臣；而古巨基上榜歌曲就有明星、一生何求、花灑、愛得太遲、我生等，唯結果由陳奕迅勇奪「叱吒男歌手金獎」；古巨基的經典歌曲「愛得太遲」則奪得「至尊歌」以及「我最喜愛歌曲大獎」，因此就表示：「次次一有陳奕迅，古巨基就二奶命」

# 網民：「愛的太遲」係06年真係玩哂？

不少網民留言戥古巨基感不值，認為當年「叱吒男歌手金獎」應該由古巨基奪得，更分析當年古巨基單憑一首《愛得太遲》就已經唱到街知巷聞，不但會出街聽、收音機又聽、上網又聽，幾乎整首歌都背到滾瓜爛熟，又認為2006年的 Eason 怎樣也比唔上。

大部分網民對此也表示贊同及附和：「其實06年根本應該比男金佢」、「06年咁都有得輸，邊個都會心灰意冷，之後都唔會有心機爭啦」、「論受歡迎愛得太遲贏晒eason全部歌」、「愛得太遲當年真係紅再周圍都聽到，連阿伯阿婆都識唱兩句，咁都攞唔到真係好可惜」、「06年點計都一定係古巨基」

有網民更豪言：「我敢講陳奕迅咁多年嚟冇一首歌夠佢（愛得太遲）hit」，另有人回應稱：「富士山下都有得鬥既，但當年講hit一定係愛得太遲」

# 陳奕迅 2006 年獲「叱吒男歌手金獎」被指靠關係？

陳奕迅唱歌的實力無容置疑，不少 Eason 歌曲至今已成為經典歌。不過有網民就 2006 年「叱吒男歌手金獎」一事，認為在成績上看，應有古巨基奪得才對，但是不少網民認為當年之所以是陳奕迅奪得，原因也許是古巨基沒有後台力撐，相反陳奕迅與環球大佬夫人兼商台高層甘菁菁的關係？

有網民翻出當年甘菁菁於英皇娛樂時曾出任陳奕迅經理人和音樂加市場營銷，後被俞琤賞識才加盟商台，2006年被擢升為商台的助理總經理。網上傳出指因為甘菁菁早年跟英皇不歡而散，加上其夫婿關係，可能導致叱咤樂壇流行榜的結果偏幫環球。

網民紛紛留言附和：「商台以前真係造馬造到」、「根本係夾硬嚟」、「香港啲頒獎禮都無咩說服力睇關係叱吒明顯偏陳奕迅」

當中也有粉絲力撐陳奕迅，直指陳奕迅當年的歌曲無得輸以及人氣也是全港之冠：「好似無一個男歌手可以同陳奕迅平排，陳奕迅話第二應該無人敢認第一」、「陳奕迅唱歌係好過古巨基喎」

# 簽英皇後，古巨基質素下滑？

當年在如此激烈的競爭下，古巨基人氣的確紅遍全港，但是有人就認為集自從簽了英皇公司後，人氣大不如前，連歌曲的質素也直線下降：「古巨基過左爆紅個幾年，d歌質素跌左好多」

# 2005 年曾比喻為「薯條傑青時代」

在2000年代，香港樂壇新一代都慢慢崛起，在2005 年更曾以「薯條傑青時代」比喻陳奕迅與古巨基之爭，據悉「薯條」是指陳奕迅當年代言了麥當勞廣告；而「傑青」則是古巨基拿了「香港十大傑出青年」，因此「薯條鬥傑青」在當年可說是成為了樂壇兩邊歌迷一時爭論的熱話。

在 2003 年古巨基在擔任演員後首次復出歌手，就憑《必殺技》奪得「叱咤樂壇我最喜愛的歌曲大獎」，後來更有《任天堂流淚》、《愛與誠》、《大雄》、《飄流教室》的歌曲，在香港樂壇後風頭一時無兩，在2006年更憑經典歌《愛得太遲》迎來另一個頂峰。

陳奕迅出道就已經推出不少成名作，如《Shall We Talk》、《單車》、《K歌之王》等，在 2004 年陳奕迅剛巧被英皇公司雪藏，到了 2005 年，陳奕迅與古巨基首次在樂壇頒獎禮上正面交鋒，陳奕迅的《夕陽無限好》、《 #葡萄成熟時》、《浮誇》等鬥⁣古巨基的《勁歌金曲》、《天才與白痴》等，令⁣「薯條鬥傑青」話題掀熱議！

# 容祖兒 VS 謝安琪 VS G.E.M.

除了陳奕迅與古巨基因「叱吒男歌手金獎」之爭引起討論，在同一個帖文下，也有網民稱2005年「叱吒女歌手」之爭也非常激烈，但就認為多年來依然無人能鬥得過容祖兒，有網民認為：「就連G.E.M. 勁過佢咁多都要敗走」，直斥：「叱吒都唔係講實力啦，小圈子遊戲」

# 2006年陳奕迅與古巨基之爭的盛況！

不少80、90後的網民都仍記得2006年在頒發「叱吒男歌手金獎」時的緊張盛況，最畫龍點睛就相信是由森美以繪影繪聲表達出陳奕迅與古巨基當年派台歌的成績，仿如兩人鬥得你死我活，仍未知獎項鹿死誰手，相信當年不論是入場的樂迷或是在電視機前的你，都一定記得叱咤樂壇男歌手如此激烈的競爭吧！⁣

Text: GirlStyle editorial
Photo Source: Instagram, Lihkg, YouTube,《我是歌手》截圖, TVB

網民掀熱話「不認識陳奕迅是誰」、「紅歌唔紅人，走不出Mr.風格是死症」

23 Feb 2021

說到香港樂壇的歌神，大家又會率先想到誰呢？不同的年齡層也許會有著不同的答案。不過即使早就作為歌神的陳奕迅，也有人不知道「誰是陳奕迅」？有網民（樓主）就在討論區疑似曲線以「陳奕迅係咪近年來最被低估嘅歌手？」發帖，認為他的歌很好聽，卻紅歌不紅人，最終引來了一堆網民爆笑留言：「走不出Mr.風格是死症！」

# 不認識陳奕迅？

樓主日前就在討論區發帖問大家「陳奕迅係咪近年來最被低估嘅歌手？」，引發不少網民熱烈留言討論，有人搞笑稱不認識陳奕迅：「乜水？未聽過」、「邊個嚟？陳百強個仔？」，有人就回應：「唱鋼錬主題曲嗰條友」，樓主超幽默的續稱：「霉到要唱卡通片主題曲」

# 曲線留言稱：死症是太似Mr風格？

有網民就忽發奇想，曲線留言分析陳奕迅之所以不紅的死症是走不出Mr.風格：「把聲太似Mr.，冇自己風格」，因Mr.有出到一首《如果我是陳奕迅》，怎料有網民就稱：「奀星一個，Mr.出埋歌去捧佢都捧唔紅」、「唱左廿年都紅唔起」。

【GirlStyle Club送妳】CLINIQUE 特效補濕防禦透明啫喱質地輕盈清爽

# 網民稱陳奕迅紅歌不紅人，輸周柏豪、坤哥？

不過有位網民感到難分曲直，即留言反問：「Eason都唔紅，有邊個紅？」樓主隨即回覆：「咪玩...求其噏都一大堆啦，周柏豪陳柏宇林奕匡吳業坤胡鴻鈞鄭俊弘......」有人回應稱：「你係咪弱智？」、「啲10後真係咁以為」

有人就覺得陳奕迅只是有點懷才不遇，樓主就回覆稱他是「紅歌不紅人的表表者」，有人就續指：「但公道d講冷門歌手入面佢算係比較突出個堆，起碼有幾首歌係紅過」

樓主就拿周柏豪跟陳奕迅作比較，曲線問大家：「想知香港樂壇地位來講，佢高啲定周柏豪高啲？」，換來了一堆搞怪的回覆：「不相伯仲」、「坤哥好啲」。樓主就表示是「認真po咪搞事」，有網民就認為是事實，因今時今日的中學生就只認識坤哥。

# 00、01後沒聽過陳奕迅？

有網民就爆出之前都看過網上一些街訪的影片，真的有00後回答不知道陳奕迅是誰。不少80、90後都感到可悲：「有時同啲00後講佢地都好似唔識呢個人咁，覺得香港樂壇有少少可悲」

# 網民感到「曲直難分」

有網民對於竟有人會不認識陳奕迅感到極為震驚，認為他們到底是不是生處香港：「你啱啱出世？」、「佢唔紅？你曲定直？」、「難分曲與直」。有人覺得現時年輕人不認識陳奕迅也很正常，因為二十多歲的人小時候一定是聽陳奕迅或容祖兒的歌長大，但是到周柏豪這些歌手走紅時，90後已經高中或己畢了業，已有固定的聽歌習慣，就如現時80、90後都不認識現時樂壇的人一樣。有網民就表示不認同，認為就算是00後都仲會有聽Eason～

【GirlStyle Club送妳】CLINIQUE 特效補濕防禦透明啫喱質地輕盈清爽

# 陳奕迅歌神實力無容置疑

事實上，陳奕迅的實力的確是無容置疑。自2000年後，媒體都稱陳奕迅為第三代歌神，為張學友的接班人。當年陳奕迅以《天下無雙》一曲走紅，經典歌曲多不勝數，如《 K歌之王》、《明年今日》、《Shall We Talk》、《富士山下》、《陀飛輪》等等，已肯定了他在香港以至華語樂壇的位置。

陳奕迅在亞太及華人地區樂壇當然也奪得不少男歌手及音樂的獎項，包括在香港的樂壇四大頒獎禮中開創紀錄，共十次獲得《叱吒樂壇流行榜頒獎典典禮》男歌手金獎，連續十三年（2005 -2017年）獲得十大中文金曲「最優秀流行男歌手大獎」，五次獲得四台聯頒音樂獎「傳媒獎」，還有很多內地、台灣、馬來西亞、新加坡、日本等都拿下重要性的獎項，音樂作品早就受到香港以外地區的肯定。

當然陳奕迅20多年來也舉辦過多場演唱會，每次演唱會的門票更是一票難求，幾乎一開賣就很快全售馨。2010年更開始開辦數個走遍全球的巡迴演唱會，2012年於O2體育館舉辦《 DUO陳奕迅2012演唱會》倫敦站，成為首位站上O2 Arena的華人歌手。同時當天的售票超驚人，20分鐘就全賣光光，成為O2 Arena售票速度迅速紀錄的第二名，只落後於Michael Jackson。