網民翻出25年前李麗珊奪金訪問！亞視質素竟大勝無綫？訪問途中電話響勁失禮

【東京奧運】「劍神」張家朗日前（26日）於男子花劍個人賽決賽中勇奪金牌，為香港帶來史上第二面金牌，成為香港人的驕傲！張家朗於比賽後接受傳媒的訪問，與香港人分享歷史性的一刻。無綫的主持陳約臨卻因為瘋狂表白的迷妹行為而被網民狠批超失禮！有網民就翻出96年李麗珊為香港奪得第一金時的受訪片段，發現當年亞視記者只用了三條簡短問題就能問出重點，絕對是專業的示範！

亞視主持3條問題令李麗珊盡訴奪金感受

「風之后」李麗珊1996年於阿特蘭大奧運會滑浪風帆項目為香港摘下歷史上首面奧運獎牌、以及第一面金牌！奪金消息轟動香港，她的得獎感言「香港運動員唔係垃圾」至今仍然是香港人心中的經典名句。

當年為亞視（ATV）擔任奧運主持的顧紀筠率先上前為李麗珊做首個訪問，她搭著李麗珊的膊頭問道：「我想即刻訪問妳，前無古人，後無來者，第一塊香港金牌，有咩感覺？」李麗珊激動回應：「真係唔知點講，想喊啊」然後掩面。

顧紀筠再問出第二條問題：「妳有冇同阿Sam（當時的隊友、現在的老公黃德森）講過嘢啊頭先？」這時身旁的教練與李麗珊說話，李麗珊亦因為與教練對話而未有回答到問題。

顧紀筠之後再問：「有咩想同屋企人講？」李麗珊就表示：「我好多謝佢地，我諗，我要多講好多人，但係..我諗唔到..我真係諗唔到啊。」之後李麗珊就接到節目安排的電話，接受眾人的祝賀，她邊聽邊感動流淚表示：「多謝，我開心到唔知講乜」。

無綫主持邊傾電話邊訪問？

其後無綫（TVB）的主持石金華亦有為李麗珊進行採訪，他先是問對方：「珊珊，珊珊，同我哋講吓，而家嘅心情如何？」李麗珊回應道：「非常之開心，其實我應該要多謝好多好多人，包括我教練、我隊友黃德森、所有係背後支持我嘅朋友、我屋企人、所有...」就在李麗珊發表感言時主持人的電話鈴聲響起，他接過來電後竟傾起電話來，身旁正說著感言的李麗珊亦因此而停了下來。

後來主持人再次採訪李麗珊：「老老實實，代表我哋香港 600幾萬人，多謝妳送咗份咁好嘅禮物比我哋..」此時主持人已激動哽咽說道：「唔好意思啊，我連自己都忍受唔住，盡可能將妳心裡面嘅嘢，完完全全地講哂出嚟，吐出嚟啦！」

網民：

兩台的訪問受到網民熱烈討論，有網民大讚顧紀筠問題精簡，問出重點來又完全沒有喧賓奪主，一句「前無古人後無來者 」概括出李麗珊就是首名亦是唯一一名首次為港摘牌的運動員，相當厲害！

而另一邊TVB的主持就被網民認為不夠專業，情緒激動之餘亦不尊重受訪者：「點解個記者可以傾電話既?」、「亞視今次贏返次！」、「原來無綫啲主持25年前已經咁唔專業。」

大家又點睇呢？

Text: Girlstyle Editorial
Photo Source: TVB，ATV