網民分享「自助餐又食又拎見聞」惹熱議！自備冰袋掃雪糕/汽水裝滿兩個喼

可以一次過吃到多款美食，又不限數量吃到飽的自助餐與放題一向受港人歡迎。雖說自助餐是任吃，但「又食又拎」就似乎不太合乎情理！最近就有網民於 Facebook 專頁「香港自助餐及放題集中討論區」出Post，表示不滿食自助餐時有食客將供應的食物帶走。這帖文惹來大批網民回應，有網民直言見過不少，只要不影響到自己便不會理會，亦有網民分享自己遇過的見聞，一起來看看食客會帶走的食物種類有多誇張！

飲品

數到自助餐中最常被帶走的必定是飲品類，除了貪圖它是獨立包裝易帶走外，保存期亦較久，帶回家慢慢飲都可以。有網民透露曾經看到一班中學生「一個睇水，一個就鬼鼠地將幾罐幾罐汽水放入袋」讓他大開眼界，更誇張的是見過有對夫婦將放題供應的汽水飲品裝滿一整個行李箱帶走！

熟食類

食物方面網民就表示見過不少食客預備了一些食物盒，將一些易帶走的食物例如炸物、扒類等裝走：「我見過隔離檯拎出幾個膠飯盒，裝了幾盒羊扒、牛扒走。」、「早幾年喺洒店食buffet，見到一家六口食完後再用四個保鮮盒裝滿拎走。」

甜品

雖然甜品例如小蛋糕等細細件易帶走，但因為這些甜品通常較柔軟，所以要原封不動地帶走就要更花心機：「見過有人用紙巾包的餅乾蛋糕入袋...」、「食日式放題，個馬卡龍幾好食嘅，佢袋咗十粒返屋企食。」

魚生/壽司類

魚生、壽司等食物是不少人食自助餐時的一大目標，不少網民都表示見過有食客自備食物盒裝走大量魚生壽司回家享用：「我見過隔離枱有個女人帶埋食物盒去裝魚生壽司，佢仲明目張膽放個盒係枱面慢慢放，啲侍應行過見到都無人話佢」但始終魚生、壽司這種需冷凍保存的食物容易滋生細菌，若然不能好好保存，還是不要冒險為妙～

雪糕

不少高級酒店都會供應一些較貴價的雪糕，多吃幾杯分分鐘可以回本！但原來雪糕這種易融食品都會有人帶走，更特地自備冰袋加冰塊防止它融化：「好多人一早準備，自攜冰袋帶雪糕走。」、「雪糕都可以攞走到我真心佩服，溶咗好多菌。」

餐具

除了食物外，就連餐具都有人偷！有網民表示見過有食客將餐具據為己有：「我見過偷碗，仲要係三隻以上！」非常誇張！

雖然 有不少網民認為「又食又拎」這種行為非常失禮，但亦有網民認為比起浪費食物，如果吃不完帶走一點還是情有可原：「如果一兩件攞多左嘅無乜問題嘅」、「睇人拎走食好過睇住餐廳收場果陣倒曬」、「我反而覺得更值得反思嘅係拎到成枱都係，但係件件食一兩啖嗰啲人」

大家又點睇呢？

Text: Girlstyle Editorial
Photo Source: Facebook@香港自助餐及放題集中討論區，劇照