鍾培生評Mirror唔鬧得4大隱憂勁過Twins！網民：Twins出道即上紅館，Mirror未超越到
香港人氣男團 Mirror 紅爆全港，除了經常現身不同的綜藝節目、電視劇、電影等，廣告商都爭相找他們宣傳～就連各位「鏡粉」的男朋友及老公都紛紛在「我老婆嫁左比Mirror導致婚姻破裂關注組」大吐苦水，分享「前妻」追 Mirror 的情況。早前富三代鍾堷生就在個人社交平台 YouTube 分享「Mirror 爆紅下的 4 大隱憂」，並大讚「Mirrror 勁過 Twins」，卻有網民留言笑鍾培生：「你好攪笑囉！戴晒頭盔！」
鍾培生日前在自己的個人 YouTube 頻道以「Mirror 爆紅下的 4 大隱憂」為題，分享自己對 Mirror 的獨特見解。影片開始時，鍾培生大讚Mirror各成員都有各人特色及才藝，同時亦努力付出過，自己亦很欣賞及 Respect 他們，不認同他們是用金錢堆砌而成的組合，是紅得有原因，更認為他們的人氣甚至已「勁過當年的 Twins」
# Mirror 完全唔鬧得？
鍾堷生更指出「Mirror係完全唔鬧得」，並解釋 Mirror 猶如年青人的新希望，對「鏡粉」來說更是幫他們找到一個新出品，讓他們覺得香港有未來及機會，因此 Mirror 已化成了「鏡粉」的信念：「你去攻擊佢嘅信念，你死梗啦！即係有個人信耶穌，你攻擊聖經，你瀨硬嘢啦！所以 Mirror 係唔鬧得！」
# 師奶當正 Mirror 係自己仔？
另外鍾堷生提到 Mirror 除了有一班年青人的追捧，同時還受到另一班較年長的姐姐或師奶喜愛，並認為因為這班「姐姐粉」都是看著 Mirror 從《全民造星》出道到慢慢的進步，猶如一路看著他們的成長，早就把 Mirror 12子視如己出，所以對 Mirror 的包容性較強！
「嗰班師奶係覺得《全民造星》睇住你大，係人都會錯，點解你唔可以包容吓啫？《全民造星》時睇過佢哋有咩做得唔好，而家進步咗，點解你唔畀機會佢，點解要鬧我個仔？我個仔有咩唔好我唔知咩？你有冇睇過人哋努力呀？」
# Mirror 四大隱憂
鍾堷生除了分析 Mirror 爆紅及「唔鬧得」的原因，同時也表示「有讚就有彈」，並列出四大 Mirror 或將面臨的隱憂及風險，有網民聽後留言大讚分析得夠中肯！
01 Mirror 12子或出現分成問題？
Mirror 12子各人的受歡迎程度不同，大家在分成問題也許會有矛盾，並指出有些成員較有人氣，差不多每個 Show 都找他，也許他們感不解為何自己的努力要分給其他人？同時又表示：「感情好嘅就冇問題，但12個人一定有啲感情好啲，有啲冇咁好！」
02 疫情過後，Mirror事業發展去向如何？
現時因疫情而封關，鍾培生直指將來「開關」後 Mirror 的事業發展重心也許會在香港以外的地區，特別是站在公司的立場總會以利益當前，當 Mirror 有機會接拍海外不同的廣告或節目，日後的工作也許會影響到「鏡粉」對 Mirror 的看法。
03 Mirror 經理人發展機制不及 Mirror 發展快？
第三點，鍾培生大讚現時 Mirror 團隊在經理人花姐的管治下處理得非常好，但是當 Mirror 未來持續發展的越來越快時，整個經理人的機制或團隊又能否同步追趕上 Mirror 的發展步伐仍是未知數：「一個人嘅思維同視野世界觀唔係一兩年發生到嘅事，但是經理人團隊可唔可以同到 Mirror 同步成長，無論係香港地位或世界觀等」
04 Mirror 12 子各成員以作品決定高度？
鍾培生提及藝人人氣最終是以作品去決定，並舉例姜濤一直都是 Mirror 團隊中最紅的一員，但是後來因《大叔的愛》爆紅，而令到 Anson Lo 的討論度大幅提升：「始終都係以作品去話事。」並大讚Mirror 12子各有天賦，自己也很期待他們未來推出的作品。
# 網民大讚鍾培生分析到位
有網民看到鍾培生對 Mirror 的分析後，紛紛留言力讚：「你好精明，看事情看得非常通透，好明白我哋班師奶對Mirror嘅睇法」、「簡單地講出左Content is king呢個道理」、「培生講嘢有進步，節奏好，有point」、「鍾意你分析得中肯」、「你講得岩係好似睇自己小朋友大咁，係呢個covid加早幾年香港過得好辛苦，Mirror Error出現好似苦中一點甜」
# 網民不認同「Mirror 勁過當年的 Twins」？
鍾培生有提到「Mirror 勁過當年的 Twins」，但是有網民卻對此不認同，認為在當年 Twins 的人氣來說，即使 Twins 唱功不佳，但是兩人亦相當勤力，多首歌曲亦紅透半透天，幾乎人人都會唱，成功打造了不少街知巷聞的經典歌曲。
同時 Twins 亦是當年出道時間最短就登上紅館四面台的香港歌手，到現時亦未有人破到她們紀錄。
該網民更續指 Twins 的粉絲群不單是學生，反而甚麼年齡層也喜歡她們，又稱當年 Twins 搞簽名曾有位 80 歲婆婆帶住 CD 給她們簽名，並在訪問中稱自己很喜歡Twins 。網民：「只不過成個學生市場比佢地壟斷曬咁解，所以比人嘅感覺得學生市場。」
有網民就分析覺得 Mirror 是因為鋪天蓋地的廣告而令到更多香港人認識，反而歌曲就未必人人都聽過：「現在Mirror的歌我淨係識唱姜濤的《蒙著嘴說愛你》」、「我都覺 Mirror 算近年紅嘅組合，不過無你所講咁誇張，更加未超越到當年嘅 Twins！」
# 網民反追擊鍾培生的說法
另外亦有網民不喜歡鍾培生的分析，認為他想靠 Mirror 博出位，增加多點曝光率，留言反擊他：「鍾培生自high頻道」、「請問你對走紅方式如此了解亦有豐富資源backup，如何解釋培生培心會員近兩個月斷涯式下跌」、「搏hit rate」
Text: GirlStyle editorial
Photo Source: YouTube@鍾培生, 連登討論區, Mirror IG, 《調教你Mirror》截圖, Instagram
更多相關文章
鍾培生YouTube收會員每月$800回贈豪禮！禮物由iPhone降至魚翅、糉，網民呻唔抵～
2 Jun 2021
鍾培生一直都有營運 Youtube 平台，拍片談論他對不同議題的想法，吸納13萬訂閱者追蹤。他在今年1月推出「培生培心」YouTube 收費會員計劃，每月支付港幣$800即可成為他的會員，希望利用平台幫助有需要的人，為大眾爭取更多福利。
雖然每月$800元的會費不便宜，不過不少人都被他給予會員的「禮物回贈」所吸引，一度成為網民熱話，爭相加入成為「培生培心」會員。一開始開設頻道宣傳時，鍾培生就以iPhone、按摩椅、潮牌衣物等價值過萬元的禮物來招攬會員。
鍾培生指自己會用過百萬元買入不同產品，回贈的禮物會員均人人有份，起初就派了總值50萬的魚子醬，反應熱烈。
鍾培生也舉辦了幾項互動性較高又有趣味的回饋活動，包括抽出幾位會員作限時且金額無上限的超市掃貨和電腦零件掃貨，當時每位會員都有獲得過萬元的禮物，剪輯成YouTube影片趣味性高。
後來鍾培生亦有送出限量版水晶纜車、總值270萬的星級Salon理髮服務、BenQ螢幕、還有總值340萬的護膚品，雖然不是每一次都人人有份，不過不少會員和觀眾都繼續支持他。
直至最近，他回饋的禮物就有總值200萬的鮑魚裹蒸糭，每人能領取一隻。由於他聲稱市面上無得買，除了十分罕有，還很應節。
接著本月的回饋鍾培生又請了每位會員到灣仔福臨門吃紅燒雞絲鉤翅一客，雖然價錢值$850元，比會費有賺，但是不少會員都就環保問題，以及到餐廳只吃一碗魚翅的可行性作討論，認為他的禮物越來越隨便，而且價值都比會費價格低，呻加入「培生培心」會員根本唔抵，質疑他以善事為名獲利。
網民指：「啲禮物一個月比一個月差」、「唔值八百蚊喎」、「你話隻糭值一萬蚊都得啦」，其會員都在留言大喊「回水」！雖然鍾培生回應自己原意是希望做善事幫助弱小，每一次收取會員的金額都會拿來做慈善，不過就有網民為「鯊魚們」發聲，指吃魚翅會傷害到這一群被剝削生物。
鍾培生仇家林作亦對於他的「培生培心」作出過評論，現職保險的他不忙為自己做公關，奉勸大家每個月若把$800投放到他的投資中，將會得到更多回報：「800蚊其實可以買到好多保障」，不少網民都笑指他較貼地實際。更發起退會行動，倒戈支持林作的免費Youtube「賠錢賠命」頻道。
Text: GirlStyle Editorial
Photo Source: 鍾培生Youtube, 林作IG
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
