七師傅與Mirror、Error集郵打卡！張張Cut走半個人頭掀熱議，鏡粉：想考我地？

昨晚七師傅與出席奧運閉幕節目的Mirror、Error、強尼等人集郵打卡，難得碰上兩大人氣男團，當然要Po相留念！未知七師傅是否興奮過頭，竟然每張相都Cut走半個人頭，甚至連自己的頭都Cut走了！睇到一眾網民一頭問號，看來是想考考各位鏡粉認不認得自己的偶像？

七羽仙（七師傅）憑ViuTV的《鬼同妳上位》真人Show而迅速走紅，其「唔鹹唔淡」的廣東話及搞鬼的形象吸納不少喜歡她的粉絲，更成為新一代廣告代言的熱門人選！

昨日（8/8）Mirror、Error、強尼等人為奧運閉幕進行直播節目，七師傅亦把握機會與眾人集郵影靚相～難得遇上兩大人氣男團，七師傅亦難掩興奮，表示：「嘩，Mirror、Error兩大男團組合今天一出黎，粉絲擠塞整個九展﹐勁！！！」

不過，未知七師傅是否興奮過頭，又未熟習IG Po相的方法，竟然每張相都Cut走半個人頭，甚至連自己的頭都Cut走了，剛踏入農曆七月就Po出「靈異相片」！睇到一眾網民一頭問號，紛紛留言：「師傅你相吾岩位呀!」、「師父 D相睇唔到個頭呀」！看來七師傅是用心良苦，想考考各位鏡粉能不能認出偶像！

第一位Mirror成員慘被七師傅Cut剩鼻以下的部分，可愛地舉起手指公讚好！不過單憑其嘴巴及臉型，相信各位鏡粉都猜到他是姜濤！

第二位Mirror成員就沒有姜濤幸運，竟被七師傅Cut走整個人頭，只剩下頸以下的部分，的確考起一眾鏡粉！不過相中的鏡仔皮膚黑黑、身形健碩，相信應該是Anson Kong～

第三位Mirror成員Frankie相當幸運，成功出現完整的靚樣！不過，今次竟然輪到七師傅消失了半個頭！

第四位同樣被七師傅Cut剩鼻以下的位置，不過憑其標誌性的鬍鬚，相信應該是ViuTV金牌主持強尼！

七師傅事隔一個鐘後終於發現相片有問題，靜靜雞刪除再Po過～不過第二次出Post依然出事，又Cut走了強尼的頭！唯有獨立Po第三次，仲表示：「Love U 強尼」，希望強尼唔好嬲～有網民留言表示：「強尼終於苦盡甘來，守得雲開見明月」、「七師傅果然愛強尼，有獨立一個Post，仲見到全相」，誰知七師傅竟搞笑回覆：「不是，因為之前的相片不見他的頭」～

#七師傅搞笑嫌棄保錡口水？

其後，七師傅亦碰上早前合作主持《鬼同妳上位》的Error成員保錡，二人興奮拍片上載到IG Story～七師傅跟保錡手握同一杯飲料，表示「兄弟兩份飲！」，保錡亦以他的金句回答「一世人兩兄妹，有你有我！」，隨即喝了一口飲料，又指：「七師妹，靠你啦！」

誰知道七師傅竟臨陣退縮，一臉猶豫地看着飲料～工作人員問她為何不喝，她想都沒想就回答：「佢飲過啦嘛！」，看來七師傅亦相當嫌棄保錡的口水啊～

Text：Girlstyle Editorial
Photo Source：IG@master_qi_xian_yu_、Facebook@七羽仙