港男列女友必備7大條件！唔要求貴價禮物/肯食平民嘢/唔洗送回家？

相信大家在挑選對象時都有自己的一套擇偶條件，最近有位男網友就在香港討論區發文，列出在香港找女朋友時必需具備的7項條件，更表示若然不符合以上條件就「寧願單身」，引起網民的熱議！

1/ 要夠獨立

樓主表示揀女友第一項條件要夠獨立，不用每次都要求男友送回家。他直言下班後大家都相當累「明明識自己返屋企就唔好次次都要送埋返屋企先安樂」，更表示有些男生送女友回家後往往要坐一小時車才回到家中。

2/ 要唔介意食「平民嘢」

樓主直批有些女生虛榮心重，即使不餓也堅持要吃打卡一流的三層 high tea「重點係個啲 high tea 都唔平又要食唔晒！」他認為其實不用吃貴價食物也能很開心：「有時唔係好餓食下魚蛋粉開心下咪算囉」。

3/ 唔會管男朋友買啲咩

樓主坦言男人購物通常都是一件起兩件止，極其量都只是買模型、iron man、figure等，而這些東西都不是經常出，但女友卻對此意見多多：「買個幾件野都係到嘈嘈閉，點都好過你地每個星期都買衫買化妝品先」，他承認 figure 不是便宜，但就認為有能力付錢又不會買完沒錢開飯就無問題。

4/ 同男朋友嘅社交圈子要分開

樓主認為情侶之間的社交圈子絕對不可混在一起，否則分手後就會連之前的朋友都一併失去。他表示不介意女友「成日都去搵班姊妹開茶點會」，但就希望女友同樣不要阻止自己與老友飲嘢打機，偶爾參與一下對方的朋友聚會便可。

5/ 唔會成日要求貴價禮物

樓主表示生日、紀念日、節日等日子互送禮物相當正常，但就希望女友比起貴價禮物，更懂得欣賞具心思的禮物，例如簡單一張卡或者小手工「唔洗下下都話要想貴嘢」、「點解成日都話要咩咩牌子銀包手袋」。

6/ 唔會成日都要男友估你想做咩

樓主表示希望女友有什麼話想說、或者有事不高興能直接說出，不要經常要男友猜測自己的想法「要人估估唔中又要嬲嬲完又要氹」。

7/ 唔會未結婚就當正自己係屋企女主人

樓主舉出的最後一項條件就是女友不要還未結婚「就當正自己係屋企女主人」！他透露自己是一個人住，試過有兩任女友都將自己當成他家裡的女主人，不但將自己的日常用品全部搬到他家，更在沒有問過他的情況下「帶埋啲八婆姊妹上黎開party」。

＃網民反應兩極

樓主認為自己列出的條件只是「基本嘢嚟」，要補充的話還有很多！對此，有網友表示大感認同，直指很多女生都有以上各種通病。

亦有網友認為樓主的要求太多，除非自己的條件非常好，否則只會「注定單身」。

大家又點睇呢？

Text: Girlstyle Editorial
Photo Source:  香港討論區，劇照

相關文章：網友盤點「身邊嫁唔出女士」4大特質！剩女都有共通點？眼角高扮上菜/擇偶條件離地！

相關文章：港女呻男友無車真係好廢！網民斥貪慕虛榮：應該搵個有車有樓嘅男友！