人夫暪妻租「第二個家」，收工扮OT打機紓壓！暗藏感人原因：先釋放壞情緒才回家～

香港生活節奏急促，工作壓力大，放工後回到家又要面對家人，有時難免會不小心將情緒宣洩在家人身上！一名人夫就在網上分享自己紓壓的小秘密，每月花 $5800 租「第二個家」，收工後扮 OT 到自己的「私竇」打機放鬆，背後原因竟為老婆着想？獲網民大讚！

一名人夫在「辦公室日報」投稿，分享自己平日紓壓的小秘密，掀起網民迴響！事主從事銀行與金融業，平日需要追數，工作壓力很大，坦言「有時難免會帶咗啲情緒返屋企」！

# 工作壓力無渠道和時間宣洩～

事主表示，自從做了爸爸後，已經沒有後生時火爆，很少跟老婆嘈交，亦理解「媽媽」這份工作的辛酸！但同時自己工作上面對同事、經理及客戶的壓力卻無渠道和時間宣洩！

他形容每天回到家後，不再像以前一樣可以隨便攤唞、打機：「始終都有做老公同埋做爸爸嘅責任，工作同家庭之間每日不斷轉換環境，難免會唞唔到氣」～

# 暪住老婆朋友租「第二個家」？

回憶起上年最大壓力的時候，事主原本打算睇心理醫生，但最終卻選擇了暪着老婆、朋友，在屋企附近租一個舊樓百幾呎的單位！每星期事主大概會偷偷來這個「小天地」兩至三晚：「通常都係嗰日工作好辛苦或者有挫折，壓力好大先至會嚟」～

# 扮 OT 享受 Me Time！

放工後，事主就跟老婆說要 OT，然後爭取時間偷偷來到「小天地」裏玩電話、玩 iPad，漫無目的地上網、玩遊戲，事主形容自己「極其無聊」，不過卻可以令他好好放鬆，留待所有壞情緒釋放才開開心心回家！

不過，廿四孝爸爸為了在仔仔臨瞓前見一見他、跟他聊聊天，通常 10 點前就會歸家！更為了避免自己在「第二個家」睡着，特登不買床褥，只坐在上一手留下的梳化上～雖然要多花一筆錢租這個「小天地」，但事主直言「$5800 租我消化到，一直消化唔到嘅只係生活壓力」，可想而知事主真的很需要這個小空間！

# 回家前調節心情！

事主澄清自己不是不愛老婆，相反地正正因為愛她，「所以更需要呢個地方俾自己作出小小調整先返去」，事主形容這個百幾呎的小天地，讓自己「重返以前做仔嗰陣咁，唔係任何人嘅老公，唔係任何人嘅爸爸，喺呢度我單身一個人，真心舒服」～

不少網民都讚同事主的減壓方法，表示：「搵到方法舒壓就好，對自己家人都好呢！」、「幾親密都好，一個獨處嘅時候係好重要」、「香港人日頭太忙太崩緊，好多時靜唔到落黎，想靜又唔知去邊度」～

不同人有不同的紓壓方法，大家又點睇呢位人夫的小天地呢？

延伸閱讀：

放假玩PS5被老婆投訴似大學生？人夫呻：真唔想結婚！結局竟扭轉大放閃光彈？
港女怨男友打機課金唔儲錢無前途？豪洗＄8000男網民反駁：「名牌手袋仲貴啦」

Text：Girlstyle Editorial
Photo Source：辦公室日報、劇照