揭女神冇日日洗頭，潔癖港男嫌污糟印象分大跌！網民：你見識少！

相信洗頭對不少長髮女生而言是一件麻煩事，洗頭、吹頭、梳頭足足可以花上大半小時！因此，部分女生對洗頭這回事可避則避！不過，近日卻有港男在討論區表示發現心儀對象沒有日日洗頭，立即「呆咗」，印象分仲大減？

近日，一名網民在香港討論區發文，表示自己原本暗戀了大一年的女店長，決定要試試跟她進一步發展，於是就約她一起食飯～誰知當日卻發現了她的一個「秘密」，令事主震驚不已！

食飯當日，心儀女神將頭髮紥成一條馬尾，事主仲大讚好看！沒想到心儀女神竟然表示因為前一日未洗頭，所以才紥起頭髮！

事主形容當刻「真係呆X咗」，更表示「依家先知道原來唔係個個女仔都會日日洗頭」，認為近期天氣熱，容易出汗，「我一日唔洗頭都頂唔順呀！」有潔癖的事主覺得心儀對象「有少少唔太乾淨」，坦言「真係接受唔到，印象分大減」！

# 網民留言：見識少！

貼文瞬間掀起網民熱論，有網民同意事主的看法，留言表示「So dirty」～亦有網民表示事主「見得少」，認為很多女生外表好靚，但間房卻勁亂、勁骯髒，洗頭只是小事。

不過，大部分網民亦指出一般女生都不會日日洗頭，表示「洗得密會甩頭髮」、「男仔洗頭半個鐘基本可以搞掂又無需要吹乾，女仔洗頭一個鐘，吹乾一個鐘，你估好容易」、「女仔啲頭油無男仔分泌咁旺，女仔唔係日日洗頭唔奇」等等～

亦有網民指出有沒有日日洗頭不是重點，重點是頭髮「臭唔臭、油唔油」！每人的生活習慣不同，只要方便到自己，又不影響儀容，其實不需要太過介意，大家又點睇呢件事呢？

Text：Girlstyle Editorial
Photo Source：劇照，香港討論區