18句婚禮MC「失誤台詞」惹爆笑！有請一對乳豬進場/睇吓新人生前嘅片段/下次再見

一場婚禮要順利進行，司儀絕對擔當著重要的角色！不但要背熟司儀稿控制整個流程，還要搞搞氣氛確保不會悶場，雖然過程有點甩漏出錯在所難免，但若然講錯不當台詞就可能相當尷尬！電台節目早霸王早前就開 Post 列出多句婚禮MC講錯的爆笑說話，獲不少網民熱烈回應，以下就是最多網友點讚的18句爆笑台詞，大家又聽過那一句呢？

＃婚禮MC失誤爆笑台詞

重要場合最怕講錯說話，稍一失誤可能破壞氣氛之餘，更有可能得罪新人或來賓！903電台節目早霸王早前就列出多句婚禮MC「講錯最好笑嘅說話」，網民俾 Like 投票同時舉出不少好笑經歷，讓大家都笑言這帖文要被列入「＃食飯唔好睇住系列」！

＃得罪新人系列

婚禮司儀要記住各個流程和台詞固然不容易，但若然口快快說錯台詞，錯一隻字足以改變整個意思，讓一對新人十分尷尬！

「有請一對乳豬進場！」

「希望一對新人嘅愛情可以延續到下一年...下一世Sorry」

「今晚嘅婚禮，為新郎新娘嘅關係畫上完美嘅句號」

「新郎，你而家可以揭起新娘嘅婚紗啦」

「兩位新人嚟到今日呢個田地，真係得來不易」

「其實新郎未識新娘前，係食（識）咗佢個妹先」

「個蛋糕代表住新郎新娘嘅感情，我地而家一刀切落去」

切結緍蛋糕時，MC：「大家一齊嚟見證呢個食屎性嘅時刻！」

＃得罪來賓系列

新人邀請司儀幫忙主持大局，當然希望他能帶動氣氛讓來賓樂在其中，但若然不懂說話或者失言，便很有可能得罪在場所有來賓！

「有請xxx出嚟影相，有好多親戚喺上面等緊你呀。」

「賓客：啲相幾時有得睇？「未有咁快，遲啲燒（光碟）返俾你」」

「我地黎緊有請慈雲閣嘅親戚上黎影相」

「嘩！班姊妹好似動物園咁熱鬧呀！」

＃大吉利是系列

婚禮是喜慶之事，但若然說錯台詞，隨時紅事變成白事？

「有請一對先人進場」

「大家一齊睇吓一對新人嘅生前片段」

「一對新人都係虔誠信徒，今日終於一齊返去主嘅懷抱」

「大家一齊拍手，祝褔佢地走埋最後呢一程啦！」

MC叫新娘媽媽上台影相，新娘媽媽怕羞話唔想上台，個MC話「唔緊要啦下次先」（個新娘係獨女）

「而家我哋有請新郎哥執起新娘隻手」

不少網民都表示隔著螢幕都感受到那種尷尬感，又質疑這些失誤在現實中是否真的會發生，大家在婚禮上又遇過什麼好笑事呢？

Text: Girlstyle Editorial
Photo Source:  劇照

相關文章：新人向婚禮失約賓客索取「甩底罰款」！要求一個月內還宴會費用，結局竟大反轉？

相關文章：印尼女闖前度婚禮奪愛！新娘竟欣然接受？新郎即場娶兩妻後大呼後悔！