魏駿傑爆離婚後陷低潮差點做傻事？罕談與滕麗名9年情斷原因：冇諗過真結婚

入行多年的魏駿傑日前接受車淑梅的電台節目《舊日的足跡》訪問，除了剖白與前妻張利華離婚後的心路歷程，更罕有提及與滕麗名的9年情，坦言對方越紅自己反而越想離開？

＃魏駿傑離婚後陷低潮靠女兒救回一命？

入行已有30年的魏駿傑，不論在事業或感情上都經歷不少轉變。日前他接受訪問時，透露自己去年與前妻張利華正式離婚，加上疫情關係令他一年半沒有收入，多重打擊下讓他一度陷入低潮，更曾萌生輕生念頭！

幸好當時他想起年幼的女兒：「我要去睇心理醫生，覺得好慘，係個女救返我，當時我諗起佢唔可以冇咗我，將隻腳踏返落嚟。呢件事唔可以俾我個女知，我喺佢面前日日都好開心，如果佢知會影響佢一世。」

＃自覺未盡老公責任致離婚

談及離婚一事，魏駿傑自言是個110分的好爸爸，卻不是個滿分老公，雖然結婚多年來每個情人節都會為前妻下廚整心形牛扒和送花，但似乎仍未足夠：「其實我哋都開心過，離婚係因為人會變，我變得太離譜，淨係掛住湊女而忽略咗佢？就當係啦！大家好落台。」

曾揚言終身不娶的他原來曾有意再找個伴，但女兒卻堅決反對，更對他說：「你淨係可以愛我一個！」令他打消這個念頭。

＃罕談與滕麗名的9年情

魏駿傑婚前曾與滕麗名拍拖長達9年，二人於劇集《陀槍師姐》中戲假情真，被視為金童玉女。他坦言當年與對方拍拖已有9年但仍無結婚打算，後來大家突然失去了感覺，就好像已經結婚90年一樣：「原來太投入劇中嘅情感戲會傷害到自己，我冇諗過真係結婚，我怕我分唔清係做戲定係真。」

魏駿傑又指自己當年絕對是真心愛對方，否則不會拍拖8、9年：「大家都好期待我哋結成一對，但我成日都想做普通人，點解要做金童玉女？佢好紅，一定紅過我，佢越嚟越紅，我就越嚟越避，所以我就 let go，唔好害咗佢。」

他表示當年決定離開香港北上發展，有30%都是為了滕麗名，坦言知道自己令對方受傷害：「佢現實中好懂得愛我，係我配唔起佢」知道對方現在成為朱太生活美滿，亦為她感到很高興。

魏駿傑透露把西貢2千呎的獨立屋賣出後，現與女兒租住較小的單位，感覺關係更加親近：「一切都會有好轉，去年我運氣咁差都可以過到，所有香港人都可以過到，唔好放棄，未來只會越嚟越好！」對未來充滿希望。

Text: Girlstyle Editorial
Photo Source:《舊日的足跡》， weibo，IG，劇照

相關文章：魏駿傑賣愛巢套現$1850萬與前妻平分！曾以樓挽救婚姻/離婚後揚言「終身不娶」

相關文章：【魏駿傑張利華】細20歲前妻賣保險登百萬圓桌！被指介入滕麗名九年情，現自力更新養女兒？