男友不斷跟前度聊天，港女：點解男人咁鍾意同前女友做朋友？男網民親身解說！

有人認為再見亦是朋友，亦有人將前度視為自己最大的情敵！大家又能否接受另一半跟前度保持聯絡呢？一名女生在討論區發文，質疑「點解男人咁鍾意同前女友做朋友？」事源是她的男友不斷跟前度聊天，甚至請樓主幫忙選禮物送給前度，令樓主難以接受！

近日，一名女網民在香港討論區發文，質疑「點解男人咁鍾意同前女友做朋友？」掀起網民一番熱論！樓主表示，男朋友近排經常偷偷摸摸跟別人傳信息，無論是食飯、行街或是睇戲都不斷撳電話～

樓主曾問過男友跟誰傳信息，男友則表示在處理公事，有時甚至會邊撳邊「陰陰嘴笑」，不禁令樓主質疑「傾公事傾得咁開心」？

# 發現男友一直跟前女友聯天！

後來有一晚，樓主趁男友去廁所時偷看他的電話，竟發現男友原來一直跟前女友聊天！雖然內容大致上都是閒聊，亦沒有親暱的稱呼，一切看似正常，但樓主卻百思不得其解，「我真係唔明分咗手點解仲要保持聯絡」，又質疑男友「身邊無哂朋友㗎啦？要淪落到搵前度同你做朋友！」

# 再見亦是朋友？

樓主忍不住質問男友為何還要跟前女友聯絡，男主竟解釋指「咁再見亦是朋友啊嘛，分咗手唔一定要做陌生人㗎喎」～

而樓主覺得最過分的，是男友竟然請她一起揀禮物送給前女友，更表示「點解唔可以送生日禮物俾朋友？」樓主則憤怒回應：「因為你嗰個唔係普通朋友囉！」又不解「點解男人咁鍾意同前女友做朋友，係放唔低人個陣做咩又要同人哋分手？」

# 網民感同身受！

不少網民留言表示感同身受：「樓主你問呢個問題，係我一直都好想知，但係冇辦法知，亦都冇辦法明白」，亦有網民認為樓主的男友跟前女友「一定有蠱惑」，建議樓主「同佢講唔接受，千奇唔好委屈自己」！

# 男網民：無謂放棄任何機會？

亦有拍拖時仍有跟前度聯絡的男網民親自解說，他認為男人寧願多個朋友好過多個仇人，「雖然分左手，都想保持一分希望」，認為樓主的男友「未必真心想復合或有路，但無謂放棄任何將來發生的機會」﹐叫樓主不必太擔心～

大家又點睇男友跟前度保持聯絡這件事呢？

延伸閱讀：

揭女神冇日日洗頭，潔癖港男嫌污糟印象分大跌！網民：你見識少！

Text：Girlstyle Editorial
Photo Source：香港討論區，劇照