「點解依家啲男仔唔肯主動追女仔」掀熱議！追女仔成本貴、港男做爛市被視狗公？

Girl's Talk 女生密語 Love and Relationship 愛情

By Sammi on 25 Sep 2021

Senior Editor

近日在連登討論區有樓主以「點解依家啲男仔越嚟越唔肯主動追女仔」為題掀熱議，樓主表示現時男生都愛做自己的事多於媾女，更認為「依家啲仔仔真係懶散好多」，該則留言似乎引起共鳴，除了有多於 2500 人點讚，同時亦至爆多網民留言附和，即看看網民分享「男仔不再主動追女仔」的原因吧！

# 網民：呢一刻唔想姐，唔代表之後唔想

有網民似乎不認同樓主的說法，並稱：「呢一刻唔想姐，唔代表之後唔想，同埋互有好感自然就會行得埋，格硬追就晒左自己時間」。樓主對此亦有附和，但就認為幾年前的男仔相對主動很多，非常積極識女仔，但是現時的男仔都感覺很隨緣，即使鍾意可能只是考慮，不一定會行動。

# 分析 1：追女仔成本愈來愈貴？

有網民就笑言：「因為啲女淨係想收兵，啲仔開始覺醒」、「Cow女成本越來越高，所以啲男仔越嚟越捨得會投資係自己身上」、「因為成本越來越貴」、「出左社會做野，有好多野要兼顧。如果有埋個另一半，個人會頂唔到，索性隨緣」、「佢哋都話溝女比其他興趣付出大，仲要唔一定有回報，好唔抵玩咁話」、「追女成本大過效益，又唔一定令自己開心，又唔一定成功」

# 分析 2：愛情不一定男生開口？網民稱「港男做爛市助長港女氣焰？」

有網民就解釋過去是男仔把自己賤賣頂爛市，現時深明這樣做只會助長港女氣焰：「因為啲狗公做爛市？我都唔知個風氣係咁」，同時覺得現時為男女平等的社會，戀愛關係上不應只是男追女，同樣女也可以追男：「點解一定要係男開口做主動？」

有網民就分享自己對於「媾女」的想法，認為如果「媾女」可能會被認為 cheap 或狗公
，即使落力追女生，有些女生最後更只會揀渣男。早幾年更曾因同事一句「冇女我唔會死」，令他重新反思愛情，更自豪稱：「唔溝（媾）女咪做單身狗囉，有咩問題？我自在我舒服」

# 分析 3：男生學會投資在自己身上

有網民更表示一般好的男生都不會去追女仔，反而是會吸引女仔。同時亦稱男生只要做好自己，內在價值提高，到時就會吸引女人而不是去媾女，即表示男生到時有主導權挑選女生。

有人就因為經歷過上一段的失戀，於是就發?圖強，想趁年輕努力工作，並覺得當 30 多歲時有錢有事業後再追女仔也不遲。同時也有不少男網民都贊同應該學會投資在自己身上，這樣才會令自己整個人更提升，無論怎樣都不會蝕底：「投資金錢精神時間係自己身上，永遠唔會背叛你嘅人得你自己，感情好脆弱，話散就散，同埋無人陪到你一世，最後都係自己一個入棺材」