港女控訴男朋友成日計婆乸數勁肉酸！網民：咁你都嫌？慳埋夠你買名牌手袋！

「慳得一蚊得一蚊」是不少女士的宗旨，更會精打細算最抵的優惠！不過，如果男生在你面前計盡「婆乸數」、貪圖小便宜，你又接受到嗎？一名女網民在討論區控訴自己的男朋友成日計「婆乸數」，形容男友「成個師奶咁」、「勁肉酸」！貼文引來不少網民熱論～

近日，一名女網民在香港討論區發文，控訴「男朋友成日計婆乸數勁肉酸」！樓主表示，平時跟男朋友出街食飯、買嘢，他都會按照商戶的優惠，特登用不同的信用卡付款，又會提醒樓主「買 Donki 就呢張回贈高、嗌 Foodpanda 就呢張」！

樓主更指，近日第一次上男朋友屋企，竟然發現「佢仲有個兜仔儲印花」，樓主形容男朋友「成個師奶咁」，又表示「平時畀錢個陣先慢慢揀卡已經好醜怪，我唔係好接受到一個大男人咁樣」，向網民徵詢意見！

# 網民分享男同事愛計「婆乸數」～

樓主的困擾立即掀起網民熱論，有網民分享自己的男同事同樣鍾意計「婆乸數」：「Starbucks 點樣儲到最多星星，7仔幾時買一送一，佢瞭如指掌」！不過，網民補充該名男同事並不婆乸，對人亦不計較，屋企財力亦豐厚～

網民坦言從沒有覺得該男同事肉酸，「反而買嘢有乜著數會問吓佢」，就連老闆設計 Marketing Plan、為客戶諗推銷方法時都會叫同事問他意見！

# 網民：慳埋夠你買多個名牌手袋～

不少網民都認為樓主的男朋友只是持家有道、精打細算，紛紛表示沒有問題，又指「大富由天，小富由儉，唔通你鍾意個男朋友洗腳唔抹腳？」更有網民指「慳埋夠你買多個名牌手袋喎」、「咁你都嫌？家陣又唔係駛你錢！」

# 網民：我都好怕呢類人 ！

不過亦有網民表示明白樓主的感受：「太節約了」、「我都好怕呢類人 ，只識計婆乸數 」，認為這種人註定窮一輩子～亦有網民建議如果樓主接受不到，不如盡早跟男朋友坦白，及早分手對男方、女方都好！

大家又接唔接受到男仔貪小便宜嘅行為呢？

延伸閱讀：

男友不斷跟前度聊天，港女：點解男人咁鍾意同前女友做朋友？男網民親身解說！

Text：Girlstyle Editorial
Photo Source：劇照、香港討論區