Serrini拍賣林家謙零食包裝，開價90萬都有人肯買！最終生意失敗慘變網絡騙案？

有「陀地歌姬」之稱的Serrini（梁嘉茵）向來形象搞鬼，風格獨特！近日，貪玩的Serrini就將好友林家謙在《拉闊音樂會》當日給予她的零食包裝放在拍賣網站，開價90萬轉售！誰知竟然真的有買家肯買，仲追問如何交收？

同樣為獨立唱作歌手的Serrini和林家謙向來在鏡頭前是歡喜冤家，不時在訪問中互窒，大放笑彈！不過兩人在私底下卻十分友好，早前Serrini在九展舉行演唱會，林家謙不但現身支持，更決定臨時上台合唱，可見二人感情深厚！

早前，林家謙聯同姜濤、柳應廷（Jer）和Tyson Yoshi在亞博館Arena為《拉闊音樂會 風火雷電》傾力演出！Serrini亦親身到場支持，完騷後更跟林家謙拍照留念～

# 合照剪走林家謙的臉！

不過，向來搞鬼幽默的Serrini上載合照時卻故意剪走林家謙的臉，只剩他的小酒粒、半邊眼鏡框，以及「V」字手勢！若不仔細留意，實在認不出是跟林家謙的合照！

# 開價90萬拍賣林家謙零食包裝？

除此之外，貪玩的Serrini更將林家謙在《拉闊音樂會》送贈的零食包裝放上二手拍賣網站，以90萬轉售！Serrini以「林家謙贈送零食包裝一份」為標題，更清楚列明「食物已食」，只剩餘食物包裝及一包防潮珠！

Serrini隨後更Cap圖放上IG story向粉絲們推銷，表示：「幫補吓梁小姐做音樂」，配以可憐emoji！

# 竟有買家肯買？

誰知後來果然有粉絲「上釣」，從Serrini分享與買家的對話截圖可見，網民不但出價90萬，更急不及待查詢：「請問點交收」！Serrini接受網民出價後，網民又隨即追問「幾時可以交收」！

Serrini則搞笑回覆「過左數先啦」配以笑喊emoji，後來卻被網民反擊「網絡騙案就係咁」，交易最終宣告失敗！Serrini亦無奈表示：「第一次做生意就失敗左」，實在可惜！

延伸閱讀：

Chill Club推介榜｜林家謙被指態度爆串黑面！捽獎看不起ViuTV，在TVB奪獎卻笑面！

Text：Girlstyle Editorial
Photo Source：IG@gwendolyn.spot, @terencelam0903