30歲公屋男月入萬零蚊，被女友父母嫌無出色忍痛分手！哭訴：喺香港窮係原罪？
香港人生活壓力大，面對高企的樓價，一般月入萬零蚊的打工仔可謂「上車」艱難！近日就有30歲、月入「萬零兩萬蚊」的網民在討論區以「喺香港窮係原罪」為題發文，分享自己因「低學歷、公屋長大」，被女友父母嫌棄無出色，而忍痛跟女方分手的慘痛故事，掀起網民熱議！
近日，有網民在連登討論區以「喺香港窮係原罪」為題發文，分享他的感情煩惱，掀起網民熱論！樓主形容自己低學歷，住公屋長大，但女友一家則住私樓，更稱讚女友「好順得人、零脾氣、唔拜金、肯同我一齊過低物慾生活」，表示女友「性格滿分」！
樓主跟女友感情相當好，交往一年多從未吵架，樓主亦有儲定錢，打算一年後求婚，更揚言「非她不娶」！
# 女方父母嫌樓主窮、無出色？
誰知，樓主日前跟女友拍拖，女友「一見面已經喊緊，全程又係咁喊」！樓主不停追問下，女友終於全盤托出！原來早在一個月前，每逢樓主跟女友出街，女方的父母已不停畀說話她聽，不但批評樓主「窮、無出色」，又指他「一世都買唔起樓，一齊唔會有前途」！
樓主早前亦主動約女方家人食中秋節飯，但一直都約不到時間，樓主坦言「已經覺得奇怪，原來係佢地根本唔想同我食」！
# 自覺無能力給予幸福，和平分手～
女友哭訴不捨得樓主，認為樓主對自己很好，但同時又面對屋企龐大的壓力，感到很辛苦！樓主當刻亦不忍女友與家人反面，亦自覺自己「無能力俾到幸福佢」，希望女方趁年輕「搵過個有能力、父母又順眼」的對象，決定跟她和平分手！
# 樓主：窮真係原罪嚟！
事後樓主卻發現自己始終不捨得、不想放手，向網民提問自己「應唔應該再掙扎下？定係唔好害人？」樓主表示自己30歲，有穩定工作和收入，月入「萬零兩萬蚊」，雖然低學歷但已經返緊夜校，無不良嗜好、專一、對女友好，表示自己「只係衰在窮，無錢買樓、無能力移民就不獲對方家長接受」，直指「窮真係原罪嚟」！
# 網民：有錢＝上進，窮＝不思進取？
樓主的經歷瞬間掀起網民熱論，有網民留言安慰樓主：「你已經做得好好㗎啦」，亦有網民表示「現實好殘酷只看結果，有錢＝上進，窮＝不思進取」，認為樓主若果「有能力搵三四萬咪爭扎下囉」～
# 網民：在樓主身上看不到希望？
不過，亦有網民留言批評樓主，認為樓主30歲都未有月入2萬，認為樓主「識話自己低學歷，咁搵番同你一樣低下階層咪得」，亦有網民認為最大的問題是在樓主身上看不到希望，形容他「錢又無，人又無，又無人脈」，認為樓主的女友「早走都係好事，無謂留係到捱，又要受，最後浪費大家時間！」
# 網民提醒不應因窮而埋怨！
雖然樓主受到不少網民抨擊，但亦有網民認真給予意見，認為樓主不應因為窮而埋怨「社會無機會、無希望」，亦不用理會他人取笑「公屋仔係垃圾」，提醒樓主只需選擇自己想行的路去行，可以「set個限期畀自己去進修和努力」，限期過後始終未進步就放手！
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
