我要做業主2｜楊卓娜月入6千逼楊茜堯夾錢買樓？3份2收入供樓，節衣縮食10年從未旅行！

香港寸金尺土，樓價高企，不少人為買樓絞盡腦汁！TVB節目《我要做業主2》每集請來不同嘉賓分享置業心得！最新一集就請來楊卓娜作客，大談當年逼妹妹楊茜堯（前名楊怡）一齊夾錢上車的故事～初入行月入僅6000元的她要拿3份之2供樓，坦言為買樓犧牲不少，入行十多年更從未去過一次旅行？

楊卓娜於2001年加入TVB，跟當時入行2年的妹妹楊茜堯一同踏上演藝之路～楊卓娜透露，自小跟家人住在沙田，當時將軍澳初初發展，兩姊妹每天來回沙田及將軍澳上班很不方便，於是就萌生起買樓的念頭！

楊卓娜表示：「當時很實際，想搵一個地方真正定居。」當時上車只需繳付5%首期，於是楊卓娜就向媽媽借了一點錢，跟楊茜堯合資在2002年購入將軍澳中心一個700呎的單位～

# 楊茜堯初時拒絕買樓？

主持胡諾言亦表示當時將軍澳是剛開發的新市鎮，大讚楊卓娜獨具慧眼！不過，楊卓娜獨就謙虛表示：「唔好咁講，純粹係因為工作需要」～楊卓娜又大爆當年跟楊茜堯提出夾錢買樓時，楊茜堯立即拒絕：「唔好呀！我要好多錢買衫，我要錢去應酬！」

深思熟慮的楊卓娜其實早已跟媽媽計過數，知道自己未來要如何分配收入，更幫妹妹計埋一份，「我哋將錢拎出嚟咁樣用，大家有共同方向、目標，10年好快就會過，之後你就會好開心」！

楊卓娜跟媽媽一齊說服楊茜堯，「應該係打劫佢，唔係說服咁簡單！」她憶述當時跟媽媽「呢頭睇完，轉頭就買咗」，楊茜堯更笑指「你哋去買棵菜呀？」楊卓娜認為有些事決定了就要去做，不要錯過機會！

# 月入6千﹐3份2收入供樓！

雖然楊卓娜笑指自己買樓似買棵菜一樣快，但其實事前她亦經過審慎考慮！她憶述當時自己初入行，月入只有6000元，每月要用3份2的收入來供樓，「洗嘅每一蚊都要精打細算」，她坦言為了節省金錢買樓，自己放棄了很多，「同朋友出去小酌食飯嘅機會，你都知呢行好多應酬，飲一次酒至少要300蚊，百幾二百蚊對我嚟講已經好好用！」

# 慳錢供樓，入行十年從未去過旅行？

兩姊妹為了供樓咬緊牙關，取得共識，亦有心理準備為了捱過供樓的艱難時期要犧牲很多事～楊卓娜更透露自己入行十多年，從未去過一次旅行！雖然楊卓娜為供樓慳盡每一蚊，但亦未至於每日捱麵包，對她而言不算辛苦，她亦堅信買樓是最正確的決定！

# 投資有道，單位升值500多萬！

十年轉眼過去，楊茜堯亦搖身一變成為視后，兩姊妹都已遇上如意郎君，幸福美滿～兩人合資買下的單位已供滿，隨着將軍澳區樓價光速飆升﹐她們的單位現在已升值500多萬，市值700多萬～不過，楊茜堯就緊持不賣，認為樓價會繼續漲，結果亦被她估中～兩人近年就將單位出租！兩姊妹果然除了演技過人，投資亦有道！

延伸閱讀：

楊卓娜為「燈箱大王」誕女12年仍未簽紙！淡薄名份落力照顧兩繼女，被譽為最強繼母！

Text：Girlstyle Editorial
Photo Source：節目截圖，IG@lenayeung, @tavia_yeung