港女嫌棄媽寶男友：接受唔到男人咁廢！網民一致認同分手：成世聽媽咪話，無得改～

自古以來，「媽咪同女友同時跌落水，應救邊個先」是讓一眾男士投降的難題！萬一遇上所有事都聽媽媽話的乖乖「媽寶」﹐各位女生們又能否接受呢？近日，一名網民就在討論區訴苦，表示男友是「Mami boy」，直指「越嚟越頂唔順，接受唔到男人咁廢！」

有網民近日在香港討論區訴苦，表示「越嚟越頂唔順男朋友」！樓主表示，發現男朋友是「Mami boy」（媽寶）時已經想跟他分手，表示「我真係接受唔到男人可以咁廢，樣樣嘢都聽媽媽話」！

後來，樓主有試過好好地跟男友討論這個問題，每次男友都表示知道，希望樓主畀時間他改善，但樓主卻認為「成個月都唔覺得佢改咗去邊」～

# 伯母：去迪士尼好貴，唔好晒無謂錢！

樓主舉例表示，早前連放3日假，計劃好其中一天跟男友去迪士尼玩！誰知約好日子後，伯母卻跟男友表示去一次迪士尼好貴，「叫我地唔好晒呢啲無謂錢」！雖然去不成迪士尼，但樓主亦表示理解，「反正放3日假都一定好多人」～

# 3日連假想同媽咪留喺屋企？

取消了迪士尼的行程，樓主就打算跟男友出去行街、睇戲就算，「唔通放3日假日日都各自留係屋企咩？」但男友又表示「3日都想同auntie一齊留喺屋企，唔想出街」，提議樓主到他的家一起睇戲，仲可以慳錢！

但樓主卻反擊「如果淨係留喺你屋企到睇足全日戲既話，咁我都唔洗突登去你到睇啦，各自留喺屋企睇咪得囉！」誰知男友完全意識不到樓主生氣，仲問她當日打算看甚麼戲，好讓他選同一套戲跟樓主同步看，方便一起討論劇情，令樓主不禁慨嘆：「到底佢係真傻定扮懞？」

# 網民：媽寶成世都聽媽咪話，無得改～

不少網民都認同樓主的男友是媽寶，又表示「咁男友阿媽同樓主一齊跌落水，男友一定會救阿媽先」，更指「媽寶男成世都係聽媽的話，無得改」！另一網民亦同意，表示：「望佢會改係拍拖嘅禁忌，橙係唔會變成蘋果」～

有網民認為樓主的男友只是扮傻，「藉口嚟啫，即係話俾樓主知，你如果同我一齊，我一定咩都聽哂呀媽話」！亦有網民表示：「佢唔想陪你啫」、「所謂嘅auntie其實係佢條新菜」

網民：係富二代就可以考慮下！

幾乎所有留言都建議樓主分手，有網民認為樓主「只會一日比一日辛苦，結婚後分分鐘住埋一齊仲困獸鬥」，亦有網民表示：「青春有限，立即分手，從新上路」，不過如果樓主男友是富二代，「住豪宅大把錢」，網民就覺得可以考慮下！

大家又點睇呢件事呢？

延伸閱讀：

港女IG貼PayMe code「求助養」即有錢收掀熱議！女事主被鬧反擊最精彩！

Text：Girlstyle Editorial
Photo Source：劇照，香港討論區