《全民造星4》女團MV掀熱議！有TB穿短褲被指格格不入？網民：香港人思想超落後！
《全民造星4》ViuTV 真人騷節目《全民造星IV》主題曲《前傳》MV昨晚YouTube開播，一眾入圍名單的參賽者率先以青春洋溢姿態亮相，網民大讚參賽者跳唱女團舞為樂壇再添生氣！當中有打扮男性化的女參賽者掀熱議，網民在討論區指出該參賽者的TB形象與女團格格不入？另有網民力撐該參賽者：「一大堆人思想仲停留係性別二元既年代，個落後程度嚇親人」。
# 《全民造星4》MV 開播！3號參賽者邱彥筒是冠軍大熱？
昨晚《全民造星4》主題曲《前傳》MV 在 YouTube 首播，各女團的參賽者穿上校服及運動外套，並跳著活力十足的舞蹈，整個 MV 風格大走日本校園風，盡顯各參賽者青春可人的一面。
當中出鏡率最高的為3號參賽者邱彥筒，其眉上齊瀏海的髮型被指跟TVB《聲夢傳奇》的炎晴熹相似，同時也被外界認為邱彥筒深得花姐（黃慧君）歡心，似乎是其中冠軍大熱人選之一。
# 有網民反 TB 入女團？
除了3號參賽者邱彥筒的討論度較高，另外 MV 中還出現了一位女生男相打扮的臉孔，但是有網民就覺得她似乎跟女團格格不入並狠批：「你叫人點代入你係個女團成員呀，你自己都唔想比人定義做女團，不如全民造星56789開lgbt團既你先慢慢啦！」 隨即引發了支持 TB 及 反 TB 的討論聲。
有網民就發現該 TB 穿上短褲，指出：「唔認同自己女人定位又要參加女團比賽想點樣呀，好難捉摸呀」、「TB 特別麻煩，驚死人唔知咁，頭又要特別衣著又要特別，你咁唔想比人覺得你係女人又參加女團先係最令我不解」。
有網民更攻擊 TB ，稱 TB 很麻煩：「對住女人扮男人享受男權，對住男人就變返女人享受女權，又食又拎」。
# 網民：短髮就一定係鍾意女仔？思想唔好咁狹窄！
有網民不滿樓主攻擊 TB，直問樓主：「你係咪要TB選男團？佢做自己都冇話自己係用lgbt做賣點，短髮就一定係鍾意女仔？」最後還叫樓主讀多啲書，思想不要過份狹窄。
另有網民也力撐稱不解該參賽者的問題出在那，並表示：「點解見到人哋短頭髮就幫人哋預設埋性別認同同性取向？」
有網民亦認為樓主思想太傳統，仿如停留在古代，又稱「TB都係女，邊個話女團只俾男人睇，大把o靚妹追女團」，更認為樓主非常自我中心，連一個 TB 都容納不到，有網民表示男團也有基男，所以女團有TB根本也不是問題。
# 反對者：唔好為性小眾而放棄其他觀眾？
有反對聲音反覺得女團不應該有一個人扮男人，就如男團亦不會有人扮女人樣：「唔該唔好為咗性小眾而放棄其他觀眾」他更指自己不介意 ViuTV 開一個只是為性小眾 LGBT 而設的團體，只是大家都知不會有錢賺。
# 網民：TB 溝哂靚女
有支持 TB 者就覺得反對者的留言全是「葡萄」TB 追到靚女仇視她們，直指有自信有本事的根本不會視 TB 為敵人：「幾可會見到啲女會仇基媾哂啲靚仔？」有網民就嘗試作理性分析，認為 TB 會打扮得男性化並束胸去追女，但是基男即使扮女人，其他直男也較低機會由直拗成攣，並下結論指女人比較容易 bisexual，所以認為網民用基男跟 TB 比較好無謂。
網民對於女人較易 bisexual 的觀點並不認同，隨即反駁稱只是男扮女所需要的勇氣大過女扮男很多，因社會對於男扮女的接受程度較低，但是卻覺得現時已有不少男人著裙化妝扮女人拗攣直男，只是在香港比例不明顯：「如果你係身在香港，可能比例真係唔明顯，但我係身在日本，咁偽娘溝仔就一定多過 TB 溝女好多。」
# 網民不解部分香港人思想「停留在性別二元的年代」？
有支持 TB 的網民就不解為何在香港看似國際化的城市，但是卻存在一大堆思想如停留在性別二元的年代，落後程度令他感嚇人：「明明咁近台灣，思維真係連一啲啲都感染唔到。唔該呢班人真係唔好離開香港，會失禮死人」、「佢地不知不覺間被性別定形都幾可憐，男既一定要點，女既一定要點」。
網民續指反對者連《全民造星4》女團參賽者姓名都未知，第一個遭受惡評的卻是那些「唔跟所謂嘅性別定形去示人嘅人」，令人大感悲哀。
# 反對者稱：男就係男、女就係女！
有反對TB及基男的網民似乎想法分明，留言指男就是男、女就是女，性別本身就是二元：「你覺得自己係女人，咁你去變性，我接受你係女人。但你覺得自己係女人，又唔去變性，然後去做過有J嘅女人，真係好難接受。」
有網民隨即反駁稱：「你講得出性別係二元都大概已經知你係邊類人，不過性別二元同性別定形係2樣野，但睇得出你唔會分得清。」
# 網民不滿女團穿搭沒有香港本土特色？
另外有網民看完《全民造星4》主題曲《前傳》MV後，認為香港女團的穿搭不應仿日本，網民先狠批整段 MV 的瀘鏡太重，根本看不清每個人的真實容貌。
同時又指各女參賽者的日本女子校生look跟她們完全不配，並問：「香港女團點解要仿日本，青春=日本水手服/野球look呢個想法真係好outdate同好濫，係咪已經停止思考。」
網民又稱香港其實有迷你裙、旗袍校服、排球或田徑 look，或是考慮用香港的MK妹穿搭風格，以突出本土特色。
# 網民認為 MV 表達及拍攝方式不佳
有網民就認為整個 MV 的表達及拍攝方式不佳：「佢呢個又要懶係有故事，但又係到跳嚟跳去，YOLO果個仲好睇」，也有人覺得《produce 101》或《YOLO的練習曲》的服飾及MV都比《全民造星4》主題曲《前傳》MV 好看得多。
有興趣可看以下《全民造星4》主題曲《前傳》MV完整版
延伸閱讀：
Text: GirlStyle editorial
Photo Source: YouTube, 連登討論區
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
