男友開假IG戶口專追蹤女仔！港女：係咪全部仔都係咁？網民：follow仔你仲驚

社交平台是不少人結交異性的途徑之一，但拍拖後你又能否接受另一半繼續用社交平台四處follow其他異性呢？近日，有女生在討論區發文，表示自己的男友有一個假的IG戶口專用來follow其他女生，詢問網民到底這個行為有沒有問題！

近日，有網民在連登討論區發文，表示自己的男朋友有一個假的IG戶口專用來follow其他女生，請網民投票認為這種行為有沒有問題，應否分手～

# 唔係KOL都會follow？

樓主在事後補充，男朋友除了會follow女明星或KOL外，亦會follow私人女生的IG，她更指「有好多係根本唔靚」，更會「每日follow多10個女生」～不過，她的男朋友就只是純粹follow，沒有Dm對方～

# 大部分網民覺得無問題？

結果，大部分網民都認為樓主男朋友的行為並沒有問題，有網民反問「專follow女有咩問題，定係要專follow仔先啱」、「睇下洗死咩」，亦有網民質疑男方為何要用假戶口follow，表示：「咁廢要用假ac」、「真男人用真acc follow」～

# 網民：視乎樓主能否接受～

有網民表示：「純望啫應該，冇聯絡嘅，睇你接唔接受啦」，又建議樓主「唔中意就出聲溝通，問我哋都冇乜用～」不過，樓主就補充其實自己有向男友暗示過，但男方當時就表示：「有咩問題﹐又唔係出軌」，令樓主懷疑「其實係咪真係全部仔都係咁，係咪真係好正常？」

有網民就補充，如果沒有dm聯絡對方，樓主男友的行為其實「好似上網望女咁」，又認為應該很多男生都會這樣做，「但多定少又唔等於啱或錯，唔等於你要接受定唔接受」，提醒樓主視乎自己能否接受，「唔舒服就出聲溝通囉」～

# 網民：如果有Dm就係另一層次？

不過，亦有網民認為樓主男友的行為並不簡單：「勸你小心，有得假ac睇女，應該有做其他古惑野」，亦有網民表示同意：「睇就唔係問題，不過用假ac九成會dm人、留言，齋睇做咩唔用真ac？」，另一網民亦表示，男方如果有dm，就不是純粹睇女，「係搵女flirt女，另一個層次嚕」～

大家又接唔接受到另一半咁樣做呢？

延伸閱讀：

港女嫌棄媽寶男友：接受唔到男人咁廢！網民一致認同分手：成世聽媽咪話，無得改～

Text：Girlstyle Editorial
Photo Source：劇照、連登