港女萬聖節去蘭桂坊，遭男友以「多鹹豬手」為由拒絕！拍拖VS自由感左右為難！

一年一度的萬聖節，不少人喜歡扮鬼扮馬感受節日氣氛～而蘭桂坊更是深受年輕人歡迎的熱點！近日，一名女生在討論區發文，表示跟幾個女生約好於萬聖節當晚穿着costume到蘭桂坊玩！誰知男友卻以「蘭桂坊有好多鹹豬手」為由，不但不讓她去，更指「你著到咁，想勾引邊個？」令樓主夾在男友及朋友之間，左右為難！

近日，一名女生在Dcard討論區發文，訴說她的感情煩惱～她表示，自己每年都會跟幾個女仔朋友在萬聖節當晚到蘭桂坊玩，「諗住可以著costume化浮誇妝過下癮、感受下節日氣氛」，而今年亦不例外～

# 樓主男友不准她去蘭桂坊？

近日，男友到樓主的家吃晚飯時，她新買的costume剛送到，「我好開心咁諗住比佢睇下、問佢靚唔靚」～樓主的costume是一條束腰、及膝的背心裙，配以黑色絲襪～

沒想到男友開口的第一句說話竟然表示：「咪去啦你」！樓主追問下才知道原來男友覺得蘭桂坊好多鹹豬手、好危險，樓主隨即解釋指前幾年跟朋友去都不會留足一個通宵，亦沒有他擔心的情況出現，加上同行的幾個女生會互相睇住大家！

當樓主解釋完一輪，打算安撫男友的情緒後，男友竟然表示：「你著到咁，又背心裙又黑色絲襪係想勾引邊個？」

樓主自問覺得這套costume已經不算暴露，「自己都知有男朋友所以唔揀比較性感嘅costume，但係佢都咁樣講... 」樓主的男友不准她去，更表示如果樓主「瞞住佢去就知死」！樓主深感不解，表示：「喂啊，咁唔通我真係包到好似個南瓜咁咩...我接受唔到自己囉...」

# 夾在男友和朋友中間～

樓主深感煩惱，認為現在夾在男友和朋友之間，「男朋友講到咁嚴重，但我又真係好想去感受下節日氣氛同班friend一年一次chill下」，又擔心不去會被朋友說她掃興，請網民給予意見，應該如何說服男友～

# 網民建議帶埋男友去～

樓主的煩惱掀起網民熱論，不少網民建議樓主「帶埋佢一齊去」，但樓主卻認為全部Friend都是女生，「佢一齊去唔會覺得好悶/好尷尬咩？」亦有網民表示明白男友的憂慮，「唔會留一個通宵姐係留到2,3點啦，落老蘭從來無比人抽過水真係唔信」

# 批評男友說話不尊重？

不少網民都認為雖然樓主的男友出於擔心，但認為「想勾引邊個」這句話很不尊重，又質疑「點解唔係去做壞事都要比人咁管法」～不過網民認為兩人其實可以一人退一步，「如果加返個小斗篷佢會唔會接受啲先？」

# 拍拖VS自由

不過，有網民認為要享受拍拖的美好就要明白有需要捨棄自由的時候，她亦認為地方又亂又雜，有一定危險性，讓樓主自己衡量一下～另一網民則建議樓主分手，「自由身想同邊個去邊都唔會有人管住你，有男朋友仲去蒲姐係未玩夠啦」～

大家又點睇呢件事呢？

延伸閱讀：

港女發現男友打過前女友堅決分手！朋友意見兩極令她懷疑：是我反應太大了嗎？

Text：Girlstyle Editorial
Photo Source：Dcard、劇照