森美罕有失職缺席早霸王，小儀急開咪尋人！忘記返工「好驚有啲問題」恐10年情緒病復發？
金牌主持DJ 森美一向都很有職業操守被大讚專業，不過日前（21/10）他居然缺席電台多年的經典節目《早霸王》，不但沒有現身直播室還沒有交代，罕有失職的他突然消失令拍檔小儀和Marco擔心更在節目中尋人。事後森美指自己突然忘記返工，令人擔憂他10年情緒病復發？
森美和小儀主持了12年的電台節目《早霸王》，在大氣電波和香港市民開始每天清晨。不過一向被公認是專業且敬業的金牌主持森美，日前（21日）就發生了一宗烏龍事故，節目開播時仍未見人，「No Show」射波乃不是他一貫的作風。
# 森美罕有遲到失蹤？
節目主持小儀和 Marco 在直播室大感詫異，因森美甚少遲到又沒有交代，二人就在節目中分享擔憂的心情，更急急開咪「尋人」希望得悉森美的行蹤！小儀更開始進行偵探般的分析，從他日常慣性的生活習慣研究起。
# 小儀展開偵探式調查
小儀指早上疑似見過森美的身影，到現在不見人影實在十分奇怪：「其實我真心要覺得攤出嚟同大家推理一吓，究竟發生乜嘢事。今朝如常去到廣播道口，我見到疑似森美嘅人物喎，佢經過嘅時候係喺我架車嘅後面，所以我剩係見到佢背脊。」
森美最近迷上玩復古電單車，小儀知道他每天都會起床做完運動後，駕愛車出去兜兜風，再回電台開工。不過她指：「當時已經接近10點，揸住架電單車，我望到佢件風褸，係我見過，但我唔認得電單車啲車款，所以就唔肯定。」
# 疑團多多
小儀望見森美駛走便心感奇怪：「我計緊條數，冇理由吖，要開咪，仲有好少時間喎，兜去邊呢？心諗應該兜完樂富上返嚟，兩、三分鐘搞掂，但我哋返到嚟，事態又唔同咗……」
小儀就猜測他或許是電單車「死火」或是銷假，又曾致電他的妻子詢問：「佢最親密嘅女人話『吓！佢出咗門口㗎喇喎！』」Marco更指他電話未能接通，呼籲大眾一齊搜尋「森美在哪裏」！
# 現身解釋「突然忘記返工」
在10點25分森美終於現身直播室，並親身解釋遲到的原因：「我出門口準備好今天的節目，本身諗住講太空嘅事。我揸住架太空戰車，上咗太空呀！出門口嘅時候，我以為自己今日放假，周圍行吓都好吖！」
直到入油時森美才驚覺自己今天並不是假期：「唔啱喎，今日唔係放假喎，但我身上冇錶，冇電話，因為我揸緊電單車，我諗都遲到㗎喇，小心駕駛為重。」森美表示：「今朝起身我知自己要返工，係出門口嗰吓變咗放假……我都驚驚哋，我諗我有啲問題。」
# 恐情緒病復發？
有網民就翻出幾個月前，森美曾在鄭丹瑞主持的節目中透露自己患上情緒病近10年，他說自己自2003，每日做電台節目後，都會擔心自己工作表現欠佳，給予自己過大的工作壓力，導致後來發現出現閱讀困難，記性亦開始變差，才被診斷出患有專注力失調。
森美當時笑言：「好多天才都有，愛因斯坦都有過，放心唔驚啦！」後來他指自己經過藥物、情緒治療和信仰支持，花了4至5年時間才康復。不過這次他罕有的失職不但他本人感到擔憂，就連網民都關注他的健康，憂慮他的情緒病又再復發！
延伸閱讀文章：
Text: GirlStyle Editorial
Photo Source: IG
❣️ 立即 Follow 我們的 Instagram girlstyle.mag
✨GirlStyle 女生日常手機應用程式正式登陸 App Store 及 Google Play✨ 👉 立即下載
