公屋妹提早落車扮住居屋！港男：鍾意充大頭掩飾自卑，覺得住屋邨好失禮？

現代社會階級觀念嚴重，不少人會利用居住地來區分別人的財政狀況～近日有網民在討論區發文，表示認識一名住屋邨的女性朋友寧願提早落車，假裝自己住居屋都不願被發現其實自己是住公屋，令樓主質疑「屋邨妹係咪覺得自己住屋邨好失禮」？

近日，有網民在連登討論區以「屋邨妹係咪覺得自己住屋邨好失禮」為題發文～樓主表示自己曾試過車一個女性朋友回家，問她住哪裡時，對方回答附近一個居屋的名稱～

但樓主則表示：「其實人人都知佢住屋邨﹐連邊棟都知」，質疑該女生寧願自己落車行遠一點回家都不告訴別人住公屋～

# 屋邨友愛充大頭掩飾自卑？

樓主又形容該名女生「好proud of佢自己會亂洗錢」，每次出街都會很強調自己是坐的士來，就算沒有人問她都會特登提自己坐的士出入，樓主則反駁指「心諗在座養車一個月等於你半年的士錢都未出聲」！

樓主又舉例指：「有時見到無謂嘢，我話唔想買，慳返」﹐該名女生又會批評樓主慳埋啲無謂錢，令樓主不禁質疑「屋邨友真係特別鍾意充大頭嚟掩飾自卑」～

樓主的貼文掀起網民熱論，有網民表示同意：「無乜見過屋邨仔介意自己俾人知，但係屋邨妹十個有十個都唔敢講」～另一網民亦認為「屋邨仔女鐘意買靚錶靚袋追名牌，call uber，ig 99% post 住靚酒店staycation食好野；私樓仔女反而好低調」！

# 網民：女仔唔怕住屋邨！

不過卻有網民認為女生不用介意自己住屋邨，認為「屋村妹怕咩，女人又唔使養家」，反而還可以突顯自己貼地慳家易養！亦有網民為該名女生反駁，認為「女仔人家唔想俾人知住邊度，有安全意識都唔得？」

# 網民：心靈富足住屋邨都唔會自卑～

亦有網民分析該名女生的心理，認為「係因為佢心入面得錢有價值姐，所以佢冇錢咪自卑，要扮有錢黎平衡自己心理」，認為如果人「心靈富足嘅話，住屋邨都唔會自卑、唔會覺得失禮」！

大家又點睇呢件事呢？

延伸閱讀：

港男覺得自己戴口罩前後差別大！寧願沒有戴口罩不會令人以為自己是靚仔

Text：Girlstyle Editorial
Photo Source：劇照、連登