被男友指是「二手貨」，分手後就是「三手貨」！負心男自稱「用家」惹網民熱議！

互相尊重是情侶之間的重要一環，不過近日卻有女生在討論區表示，自己的男朋友直指她是「二手貨」！雖然男方的性經驗比自己多，但他則自稱男生是「用家」，不能跟女生相提並論，令樓主深感難堪，詢問各位網民「點做個心會好過啲」？

# 指樓主「二手貨」，自己則是「用家」？

近日，有女網民在Dcard討論區發文，表示自己被男朋友話係「二手貨」，跟他分手後就是「三手貨」，言論掀起網民熱議！

樓主表示，「男朋友咁話自己真係好hurt⋯⋯」，就算已經過了一段時間，不時仍然會想起！樓主補充，其實男友的性經驗比自己多，她曾質疑男友亦跟很多女生發生過關係，沒想到男友竟然表示男女並不同，更自稱自己是「用家」！

樓主形容自己剛聽到這番話時好嬲，「點解啲男仔可以咁唔尊重人，而個個仲要係自己男朋友」！樓主告訴男友自己很生氣，男方則解釋指自己只係「講下笑」，令樓主不禁質疑：「WT『X』？究竟係有咩咁好笑？」

# 用侮辱性的詞語鬧樓主！

樓主又補充，男朋友生氣時更會用侮辱性的詞語鬧樓主，令她感到難堪，「呢樣又係好難頂，覺得心哽住哽住咁」～雖然樓主盡訴男朋友的不是，但她亦強調男友有自己的優點，認為事情已成過去，無謂再拎出嚟講，詢問網民「點做個心會好過啲」？

# 咁樣分手會唔會好兒戲？

樓主男朋友的言論掀起一眾網民熱議～網民都一致建議樓主分手，認為男方「唔識尊重人」、「根本由頭到尾都當你係物件，唔係人！」樓主表示自己都有考慮過分手，但又覺得「咁樣分手又好似有啲兒戲」～

不過網民則認為「唔尊重你已經係好充分嘅分手理由」、「你男朋友咁都講得出口，佢對你咪仲兒戲」、「唔好無限放大佢啲“好嘅嘢”」，又覺得男方的價值觀很有問題！

# 網民：一個願打一個願挨～

亦有網民認為「一個願打一個願挨」，認為樓主「愛佢愛到自己無曬尊嚴都唔肯分手，只能夠話你好傻同祝你好運」～另一網民亦勸樓主應該要愛惜自己，認為「香港仲有好多好男人」！

大家又點睇呢件事呢？

延伸閱讀：

港男覺得自己戴口罩前後差別大！寧願沒有戴口罩不會令人以為自己是靚仔

Text：Girlstyle Editorial
Photo Source：劇照、Dcard