男友為照顧細佬堅持double dating！連續兩個多月，港女嫌又悶又尷尬向網民求助！

不少情侶喜歡double dating，但如果關係不相熟的話，場面又會變得相當尷尬！近日有女生在討論區訴苦，表示男友的細佬剛拍拖，男友生怕女方會恰細佬，於是提出double dating的建議，好讓他可以照顧弟弟～誰知四人行的約會竟然持續了兩個多月，令樓主逐漸覺得無聊又尷尬，向網民求助！

最近，有女生在香港討論區以「有時都幾唔鍾意double dating」為題訴苦，她先交代背景資料，表示男朋友平時都好愛錫他的細佬，「細佬話要咩都會買﹑有事又會即刻幫」～最近細佬拍拖，男友就問樓主要不要兩對情侶一齊出去行街！

# 男友想幫下眼？

樓主心知寵弟的男友「想幫下眼睇下個女仔係咩人，人品好唔好之類」，加上自己又無所謂，就答應男友double dating！樓主形容初頭幾次都覺得「幾新鮮」，又指「之前都未試過同朋友一齊咁樣行街」～

# 連續兩個幾月四人行！

不過，樓主形容「已經成兩個幾月每逢星期六就一齊出去」，令樓主覺得「有啲悶」！樓主亦試過跟他們溝通，提議試下去戶外活動或者去離島逛逛～不過，男友的弟弟就表示「唔想佢女朋友曬親熱親」！

# 樓主覺得又悶又尷尬！

於是，樓主每個星期六的「例行公事」都要跟弟弟和女友去商場行街或者搵下有無新打卡點可以去～樓主更形容，「有時男朋友會同細佬傾得太興起，變咗佢哋一齊行」，剩下樓主跟細佬的女友，「我哋又冇嘢傾，個場合極度尷尬」！

至於星期日，樓主終於可以跟男朋友二人世界！但男友又覺得第二日要返工，不想有戶外活動～樓主曾跟男友反映，覺得每個星期六都行商場好悶，提出「不如我哋唔好個個星期六都同佢哋一齊出去？」

# 嚟緊半年都要double dating？

雖然樓主的男友都不享受double dating，但他卻表示「想睇住佢細佬，所以嚟緊半年都要繼續咁樣同佢哋一齊拍拖」，令樓主相當苦惱～

# 網民：男友太寵屋企人，另一半會好麻煩？

樓主的經歷掀起網民熱論，不少網民建議樓主分手，認為老公或男朋友如果太寵自己屋企人，另一半會相當麻煩，「因為佢地唔會將妳放在第一位」！

# 網民：似媽寶帶埋阿媽拍拖！

另一網民亦表示同意，認為「拍拖係兩個人的事」，兩對情侶不時食飯尚可接受，「但每個星期都咁搞法 同媽寶男帶埋阿媽出去拍拖有咩分別」？

# 建議樓主提出不再double dating！

亦有網民建議樓主不應嘗試改變男友的想法和行為，「除非佢細佬、細佬女朋友都覺得有問題，由佢地出聲好過妳做醜人」！又建議樓主向男友提出自己不再參與double dating，「之後就睇佢反應，如果佢接受唔到或唔會改變，真係可以分手」！

大家又點睇呢件事呢？

延伸閱讀：

港女呻曖昧男佔有慾太強3舉動惹反感！溝女切忌問太多：出幾次街就當正係bf？

Text：Girlstyle Editorial
Photo Source：劇照，香港討論區