Anson Lo招募MV女主角，首要條件：塊面唔可以大過我！神徒為見偶像各展其長，奇怪項目當才藝表演？

旨在為Mirror成員Anson Lo（盧瀚霆）招募MV女主角的ViuTV節目《神的女主角》昨晚緊接《全民造星4》首播，同樣掀起熱論！男主角Anson Lo在首集提到對女主角的第一個條件是「塊面唔可以大過我」！大批神徒為見偶像一面不惜各展其長，當中竟然有不少令人震驚的才藝表演？

ViuTV全新節目《神的女主角》昨晚（1日）起緊接《全民造星4》首播！節目旨在為人氣男團Mirror成員Anson Lo招募MV女主角！參加者要聯同兩位直屬親人一起接受不同形式的任務和挑戰！

# MV女主角首要條件：塊面唔可以大過我！

昨晚節目播出第一集，Anson Lo就提及自己對MV女主角的第一個條件是「塊面唔可以大過我」，在旁的經理人花姐立即指着自己的臉表示：「你睇，如果係好似我塊臉咁，點可以喺同一個畫面出現，個女主角仲使見人嘅？」

Anson Lo又表示，在節目中自己最重視的並非參加者的外表或年齡，而是大家的決心，以及參賽者與家人之間的關係和背後故事，希望參賽者與家人的關係能透過節目會有成長或好的轉變，從中帶出追星可以是一家人的共同話題，減少代溝～

# 神徒為見偶像一面參賽！

昨晚的節目播出《神的女主角》面試日的精華片段，由火火及練美娟（娟姐）擔任評判，挑選入圍的家庭，而Anson Lo則全程在另一個房間觀看面試過程！

可以透過節目近距離與教主接觸，更有機會擔任偶像的MV女主角，當然吸引到一大批神徒參加，不過當中亦有參賽者的父親坦言只認得Anson Lo的樣，不記得他的名稱；亦有參賽者未徵求家人的同意就擅自報名，先斬後奏！

# 參賽者聯同媽媽、細佬一齊跳舞，超有活力！

節目首集介紹的5位參賽者當中，有3位都以跳舞作為才藝表演，其中一位甚至聯同媽媽和細佬一齊跳舞！三人舞步甚至超齊整，十分有活力，就連Anson Lo都驚嘆參賽者的媽媽十分年輕，表示「handle唔到呢件事」，更給予這組參賽者「perfect」的評語！

# 講鬼故當才藝表演，Anson Lo嚇到叫？

當中亦有41歲的家庭主婦鄭紫棠參賽，表示因為女兒而迷上教主，她更以講鬼故作為才藝表演！當眾人專心聽鬼故時，隔壁的Anson Lo卻因突然被旁邊的花姐拍打而大叫，嚇壞在現場的娟姐，教主亦表示「以後唔好用講鬼故做表演項目」！

# 砌沙律都算才藝表演？

除了講鬼故當才藝表演外，還有更令人意想不到的項目！20歲的參賽者何鎧彤表示以烹飪作為才藝表演，最終原來只是將牛油果、三文魚、沙律菜等等砌成一碟，令教主相當無奈，表示「好想食三文魚，但呢個才藝表演有啲⋯⋯」

大家又期待Anson Lo與參賽者在節目接受一連串的挑戰嗎？

延伸閱讀：

Anson Lo 新戲《假冒女團》濃妝女相，網民：靚過女主角！陳葦璇同框演女版教主？

Text：Girlstyle Editorial
Photo Source：節目截圖